ខេត្ដកណ្ដាល ៖ នគរបាលក្រសួងមហា ផ្ទៃ កាលពីថ្ងៃទី១០ ឧសភា បានឃាត់ខ្លួនជន ជាតិយួន២នាក់ បញ្ជូនទៅកាន់សាលាដំបូង ខេត្ដកណ្ដាល ដោយចោទប្រកាន់ពីបទរកស៊ី បូមខ្សាច់កណ្ដាលទន្លេមេគង្គ ត្រង់ចំណុចភូមិ សាស្ដ្រឃុំសណ្ដា និងឃុំខ្ពបអាទាវ ស្រុកលើក ដែក ខេត្ដកណ្ដាល ។ នេះជាប្រការគួរឱ្យ ហួសចិត្ដពេកណាស់ ដែលជនបរទេសមក បំផ្លាញធនធានធម្មជាតិ ហើយទើបតែត្រូវ ចាប់ខ្លួន ។ ជនជាតិយួន២នាក់នេះម្នាក់ឈ្មោះវិន យ៉ុងង្វៀង ភេទប្រុស អាយុ៣៧ឆ្នាំ និងម្នាក់ ទៀតឈ្មោះង្វៀង យ៉ាំងយិន ភេទប្រុស អាយុ៤៣ឆ្នាំ*មានស្រុកកំណើតនៅប្រទេស វៀតណាម បច្ចុប្បន្នរស់នៅលើទូករកស៊ីបូមខ្សាច់ ។ ជាមួយនឹងការឃាត់ខ្លួនជនជាតិយួន ២នាក់ខាងលើប៉ូលិសក្រសួងមហាផ្ទៃបាន សហការជាមួយអាជ្ញាធរមូលដ្ឋានឃាត់ ទូកម៉ាស៊ីនសំរាប់បូមខ្សាច់លក់ចំនួន១គ្រឿង ផងដែរ ។
លោកវរសេនីយ៍ទោឈាង មុនី ប្រធាន ការិយាល័យនគរបាលព្រហ្មទណ្ឌកំរិតធ្ងន់ ក្រសួងមហាផ្ទៃបានឱ្យដឹងថា ការឃាត់ខ្លួន ជនជាតិយួនឈ្មោះវិន យ៉ាំងង្វៀង និង ង្វៀង យ៉ាំងយិន នេះធ្វើឡើងតាមពាក្យបណ្ដឹង របស់ក្រុមហ៊ុន២ គឺក្រុមហ៊ុនស៊ែនរីសួស ខូ អិលធីឌី និងក្រុមហ៊ុន DIAMOND SUN Co.,Ltd ដែលមានអាជ្ញាប័ណ្ណធ្វើអាជីវកម្ម បូមខ្សាច់នៅក្នុងភូមិសាស្ដ្រខាងលើនោះដែរ ។ លោកវរសេនីយ៍ទោឈាង មុនី បាន ឱ្យដឹងទៀតថា ក្រោយពីត្រូវឃាត់ខ្លួន ជន ជាតិយួនទាំង២នាក់ត្រូវបានបញ្ចូនទៅសាលាដំបូងខេត្ដកណ្ដាល រីឯទូកម៉ាស៊ីនពាក់ព័ន្ធរក ស៊ីបូមខ្សាច់លក់អត់មានច្បាប់១គ្រឿងនោះត្រូវបានរក្សាទុកនៅអធិការដ្ឋាននគរបាលស្រុកលើកដែក ។
ចែករំលែកព័តមាននេះ