ព្យុះប្រមោយដំរី ៣ខ្សែ បង្ហាញខ្លួនលើផ្ទៃសមុទ្រខាងក្រៅកោះព្រាប តំបន់ទំនប់រលក
ខេត្តព្រះសីហនុ ៖ ព្យុះប្រមោយដំរី ៣ខ្សែ បង្ហាញខ្លួននៅលើផ្ទៃសមុទ្រ ខាងក្រៅកោះព្រាប នៃតំបន់ទំនប់រលក ក្នុងក្រុងព្រះសីហនុ កាលពីល្ងាចថ្ងៃ១៨ សីហា…
ខេត្តព្រះសីហនុ ៖ ព្យុះប្រមោយដំរី ៣ខ្សែ បង្ហាញខ្លួននៅលើផ្ទៃសមុទ្រ ខាងក្រៅកោះព្រាប នៃតំបន់ទំនប់រលក ក្នុងក្រុងព្រះសីហនុ កាលពីល្ងាចថ្ងៃ១៨ សីហា…
ខេត្តព្រះសីហនុ ៖ ព្យុះប្រមោយដំរី ៣ខ្សែ បង្ហាញខ្លួននៅលើផ្ទៃសមុទ្រ ខាងក្រៅកោះព្រាប នៃតំបន់ទំនប់រលក ក្នុងក្រុងព្រះសីហនុ កាលពីល្ងាចថ្ងៃ១៨ សីហា ២០២១ ប៉ុន្តែសំណាងល្អ ព្យុះនេះមិនបង្កគ្រោះថ្នាក់ដល់អ្នកដំណើរតាមសមុទ្រ និងអ្នកនេសាទទេ ។
មន្ត្រីជំនាញ ធ្លាប់ព្រមានថា ព្យុះនេះអាចវាយប្រហារបង្កជាគ្រោះថ្នាក់ដល់អ្នកធ្វើដំណើរតាមផ្លូវសមុទ្រ និងអ្នកនេសាទជាដើម បើគេចខ្លួនគេចចេញមិនទាន់ពីមុខផ្លូវរបស់វា ប៉ុន្តែពុំសូវខ្លាំងដូចនៅលើគោកទេ និងឆាប់រលាយទៅវិញទៀតផង គេកម្រឃើញព្យុះប្រមោយដំរី លើផ្ទៃទឹក អាចមានជីវិតលើសពី១នាទីណាស់ ។
ដោយឡែក លោក ហេង សោភ័ណរិទ្ធ ប្រធានមន្ទីរធនធានទឹក និងឧតុនិយម ខេត្តព្រះសីហនុ បានប្រាប់អ្នកសារព័ត៌មាននៅថ្ងៃទី១៩ ខែសីហា ឆ្នាំ២០២១ថា ខ្យល់កួច ដែលប្រជាពលរដ្ឋនិយមហៅថា ព្យុះប្រមោយដំរី កើតមានចំនួន ៣ខ្សែ នៅលើផ្ទៃសមុទ្រខាងក្រៅកោះព្រាប នៃតំបន់ទំនប់រលក ក្នុងក្រុងព្រះសីហនុ កាលពីថ្ងៃម្សិលមិញនេះពិតមែន ប៉ុន្តែមិនមានគ្រោះថ្នាក់ដល់អ្នកទេសចរណ៍តាមសមុទ្រ និងអ្នកនេសាទឡើយ ។
លោកប្រធានមន្ទីរ ក៏បានប្រាប់ទៀតថា ខ្យល់កួចប្រមោយដំរី ច្រើនតែកើតមាននៅដើមរដូវវស្សា ហើយភាគច្រើនកើតមានតែនៅលើផ្ទៃទឹក គឺមិនដែលឡើងគោកទេ បើកើតប៉ះចំទូកអ្នកដំណើរ ឬទូកនេសាទ អាចមានគ្រោះថ្នាក់ ប៉ុន្តែអ្នករស់នៅសមុទ្រ ពួកគេស្គាល់ច្បាស់ ពីស្ថានភាពអាកាសធាតុ នៅលើផ្ទៃសមុទ្រ ។ កាលពីឆ្នាំមុន ព្យុះប្រមោយដំរី បែបនេះ ធ្លាប់កើតមានធំជាងលើកនេះផង នៅក្បែរកោះរ៉ុង ៕
ចែករំលែកព័តមាននេះ