ការប្រកួតកីឡាអេឡិចត្រូនិកលីគថ្នាក់ជាតិដំបូងនៅកម្ពុជា រកឃើញ៤ក្រុមឡើងទៅវគ្គបន្ត
- ភ្នំពេញ
រាជធានីភ្នំពេញ ៖ បន្ទាប់ពីឆ្លងកាត់ការប្រកួតវគ្គជម្រុះយ៉ាងស្វិតស្វាញអស់រយៈពេល៤ថ្ងៃលើវិញ្ញាសាMobile Legends Bang Bang
រាជធានីភ្នំពេញ ៖ បន្ទាប់ពីឆ្លងកាត់ការប្រកួតវគ្គជម្រុះយ៉ាងស្វិតស្វាញអស់រយៈពេល៤ថ្ងៃលើវិញ្ញាសាMobile Legends Bang Bang
រាជធានីភ្នំពេញ ៖ បន្ទាប់ពីឆ្លងកាត់ការប្រកួតវគ្គជម្រុះយ៉ាងស្វិតស្វាញអស់រយៈពេល៤ថ្ងៃលើវិញ្ញាសាMobile Legends Bang Bangទីបំផុតគេបានរកឃើញហើយក្រុមខ្លាំងចំនួន៤ដែលបានកក់កៅអីឡើងទៅប្រកួតនៅវគ្គបន្តនៃព្រឹត្តិការណ៍កីឡាអេឡិចត្រូនិកលីគអាជីពថ្នាក់ជាតិដំបូងបង្អស់នៅកម្ពុជា រដូវកាលទី១។
តាមការឱ្យដឹងពីគណៈកម្មការប្រកួតព្រឹត្តិការណ៍នៃការប្រកួតកីឡាអេឡិចត្រូនិកលីគអាជីពថ្នាក់ជាតិរដូវកាលទី១នេះ គ្រាន់តែធ្វើការប្រកាសផ្សព្វផ្សាយភ្លាមមានការចុះឈ្មោះចូលរួមប្រកួតពីអ្នកស្រឡាញ់វិស័យកីឡាអេឡិចត្រូនិករហូតដល់ទៅ៦៣៦ក្រុមឯណោះ ។ ប៉ុន្តែគណៈកម្មការប្រកួតធ្វើការចម្រាញ់ ជ្រើសរើសយកត្រឹមតែ២៥៦ក្រុមប៉ុណ្ណោះ ហើយការប្រកួតវគ្គជម្រុះនេះទៀតបានប្រព្រឹត្តទៅអស់រយៈពេល៤ថ្ងៃ គឺចាប់ពីថ្ងៃទី៨ ដល់ថ្ងៃទី១១ សីហា ឆ្នាំ២០២១ ដើម្បីស្វែងរកក្រុមខ្លាំងចំនួន១៦ឈានទៅប្រជែងយកកៅអី៤ក្រុមចុងក្រោយ ដែលការប្រកួតធ្វើឡើងចាប់ពីថ្ងៃទី១២ ដល់១៥ សីហា រហូតរកឃើញក្រុមខ្លាំងចំនួន៤តាមការកំណត់របស់គណៈកម្មការប្រកួតសម្រាប់ប្រជែងកៅអីឡើងទៅប្រកួតនៅវគ្គបន្តរួមមាន ក្រុម DG Quantum, ក្រុម FENNEC Esport,
ក្រុម Notorious Angels និងក្រុម Wolker Esport។
គណៈកម្មការប្រកួតបានឱ្យដឹងទៀតថាក្នុងចំណោមក្រុមទាំង៤ខាងលើដែលបានឈ្នះពីការប្រកួតវគ្គជម្រុះរាប់រយក្រុម ហើយបានបន្តដំណើរឡើងទៅកាន់វគ្គបន្តនេះទៀត ទោះបីក្រុមខ្លះទើបតែបានបង្កើតឡើងមែនតែសមាជិកក្រុមនិមួយៗសុទ្ធសឹងតែជាអ្នកដែលមានបទពិសោធន៍ខ្ពស់ ធ្លាប់ឆ្លងកាត់ការប្រកួតរាប់មិនអស់ទាំងក្នុងស្រុកនិងនៅលើឆាកអន្តរជាតិ ។ ប៉ុន្តែអ្វីដែលសំខាន់នោះ គឺក្រុមទាំង៤ខាងលើត្រូវឆ្លងកាត់ការប្រកួតជម្រុះជាបន្តទៀតជាមួយក្រុមខ្លាំងរៀមច្បងចំនួន៤ទៀតដែលកំពុងតែឈររង់ចាំគឺក្រុមImpunity KH,SeeyouSoon,NewBlood និងក្រុមBurn Gaming ។ ដូច្នេះការប្រកួតវគ្គជម្រុះចុងក្រោយនេះគឺជាការប្រជែងគ្នាយ៉ាងខ្លាំងក្លាបំផុត ដែលនឹងត្រូវធ្វើឡើងចាប់ពីថ្ងៃទី២៨ សីហា រហូតដល់ថ្ងៃទី១៩ កញ្ញា ឆ្នាំ២០២១ ដើម្បីរកអ្នកឈ្នះឡើងទៅកាន់វគ្គពាក់កណ្ដាលផ្ដាច់ព្រ័ត្រនិងផ្ដាច់ព្រ័ត្រ ស្វែងរកម្ចាស់ជើងឯកកីឡាអេឡិចត្រូនិកលីគថ្នាក់ជាតិរដូវកាលទី១នេះ តំណាងឱ្យកម្ពុជាសម្រាប់ចេញទៅប្រកួតនៅលើឆាកអន្តរជាតិនៃព្រឹត្តិការណ៍M3 World Championshipចុងឆ្នាំនេះ ៕
ចែករំលែកព័តមាននេះ