ខេត្តស្ទឹងត្រែង៖ មនុស្សប្រុសស្រីប្រមាណជា១២នាក់ ត្រូវបានឃាត់ខ្លួនដោយកម្លាំងនគរបាលព្រហ្មទណ្ឌស្នងការដ្ឋាននគរបាលខេត្តស្ទឹងត្រែង ក្រោយប្រមូលផ្តុំគ្នាជាក្រុមនៅក្នុងផ្ទះល្វែងមួយកន្លែង ស្ថិតនៅភូមិថ្មលាត សង្កាត់ស្រះប្ញស្សី ក្រុងស្ទឹងត្រែង កាលថ្ងៃទី១៨ សីហា ឆ្នាំ២០២១…
ខេត្តស្ទឹងត្រែង៖ មនុស្សប្រុសស្រីប្រមាណជា១២នាក់ ត្រូវបានឃាត់ខ្លួនដោយកម្លាំងនគរបាលព្រហ្មទណ្ឌស្នងការដ្ឋាននគរបាលខេត្តស្ទឹងត្រែង ក្រោយប្រមូលផ្តុំគ្នាជាក្រុមនៅក្នុងផ្ទះល្វែងមួយកន្លែង ស្ថិតនៅភូមិថ្មលាត សង្កាត់ស្រះប្ញស្សី ក្រុងស្ទឹងត្រែង កាលថ្ងៃទី១៨ សីហា ឆ្នាំ២០២១ ដែលល្មើសទៅនឹងបំរាមរបស់រដ្ឋបាលខេត្ត ។
នគរបាលផ្នែកព្រហ្មទណ្ឌកំរិតស្រាលអោយដឹងថា កាលពីល្ងាចថ្ងៃទី១៨ សីហា ២០២១ កម្លាំងជំនាញការិយាល័យព្រហ្មទណ្ឌ កំរិតស្រាលនៃស្នងការដ្ឋាននគរបាលខេត្តស្ទឹងត្រែង សហការជាមួយក្រុមការងារអនុវត្តច្បាប់ថ្នាក់ខេត្ត បានចុះបង្ក្រាបករណីប្រមូលផ្តុំគ្នាក្នុងផ្ទះល្វែងមួយកន្លែង ដែលផ្ទុយនឹងសេចក្កីសម្រេចលេខ ០៩៥/២១សសរ ចុះថ្ងៃទី១៧ ខែសីហា ឆ្នាំ២០២១ របស់រដ្ឋបាលខេត្តស្ទឹងត្រែង និងការធ្វើប្រតិបត្តិការណ៍បើកធ្វើអាជីវកម្ម (ឆ្នោត ឡូតូ 5D ៦ខ្ទង់) ដោយគ្មានលិខិតអនុញ្ញាត។
ដោយមានការសម្របសម្រួលពីលោកព្រះរាជអាជ្ញារងអមសាលាដំបូងខេត្តស្ទឹងត្រែង ជសង្ស័យទាំងនោះ ត្រូវបានយកសំណាក និងធ្វើការឃាត់ខ្លួនជនសង្ស័យចំនួន ១២នាក់ ស្រី០៧នាក់ ។ បច្ចុប្បន្ន សង្ស័យខាងលើ កំពុងឃាត់ខ្លួននៅស្នងការដ្ឋាននគរបាលខេត្ត ដើម្បីបញ្ចូនទៅសាលាដំបូងខេត្តស្ទឹងត្រែង ដើម្បីចាត់ការតាមនីតិវិធី ។
សូមបញ្ជាក់ថា រដ្ឋបាលខេត្តស្ទឹងត្រែងបានចេញសេចក្តីប្រកាសដោយណែនាំអោយប្រជាពលរដ្ឋចូលរួមគោរពវិធានការរបស់ក្រសួងសុខាភិបាលអោយបានខ្ជាប់ខ្ជួន និងដាក់ពិន័យលើបុគ្គលណា ដែលល្មើសទៅនឹងវិធានការដូចបានចែងក្នុងច្បាប់ ។
រយៈពេលនេះកងកម្លាំងប្រដាប់អាវុធរួមមានកងរាជអាវុធហត្ថ បានចុះណែនាំអោយម្ចាស់បើកអាជីវកម្មតូចធំត្រូវបិទទ្វារទាំងប្រជាពលរដ្ឋត្រូវនៅតែក្នុងផ្ទះ មិនអនុញ្ញាតអោយដើរហើរ ប្រមូលផ្តុំជួបជុំអ្វីទាំង កម្លាំនគរបាល បានពង្រាយកម្លាំងតាមគោលដៅគ្រប់ច្រកល្ហក លើបន្ទាត់ផ្លូវទាំងក្នុងក្រុង និងគ្រប់ច្រកឆ្លងកាត់។
ការអនុត្តវិធានការនេះ គឺធ្វើឡើងរយៈពេលមួយសប្តាហ៍ពេញ ចាប់ពីថ្ងៃទី១៧សីហា រហូតដល់ថ្ងៃទី២៤ សីហា ២០២១ ។
ចែករំលែកព័តមាននេះ