អូទ្រីសមានឈ្មោះផ្លូវការថា សាធារណរដ្ឋអូទ្រីស គឺជាប្រទេសសាធារណរដ្ឋសហព័ន្ធ និងជាប្រទេសដីគោកដែលមានប្រជាជនប្រមាណ៨,៥លាននាក់ ស្ថិតក្នុងតំបន់អឺរ៉ុបកណ្តាល ។ ប្រទេសអូទ្រីសមានព្រំប្រទល់ជាប់នឹងប្រទេសឆេក និងប្រទេសអាល្លឺម៉ង់នៅភាគខាងជើង។ ជាប់ប្រទេសប្រទេសហុងគ្រី និងប្រទេសស្លូវ៉ាគីនៅភាគខាងកើត ។ ជាប់ប្រទេសស្លូវ៉េនី និងប្រទេសអីុតាលីនៅភាគខាងត្បូង និងជាប់ប្រទេសស្វ៊ីស និងប្រទេសលិចតិនស្តាញនៅភាគខាងលិច ។ ផ្ទៃដីរបស់ប្រទេសអូទ្រីសមានទំហំ ៨៣.៨៧៩គីឡូម៉ែត្រការ៉េ ហើយប្រទេសនេះសម្បូរជួរភ្នំ ខ្ពស់ៗ ។
អូទ្រីសជាប្រទេសមានជាងគេលំដាប់ទី១២ ក្នុងលោកយោងតាម GDP របស់ប្រទេស ការអភិវឌ្ឍសេដ្ឋកិច្ចទីផ្សារសង្គមកាន់តែល្អប្រសើរ និងស្តង់ដារស់នៅខ្ពស់ ។ រហូតដល់ទសវត្សរ៍ទី ៨០ឧស្សាហកម្ម ធំៗជាច្រើនរបស់ប្រទេសអូទ្រីស បានធ្វើតូបនីយកម្ម ។ ទោះជាយ៉ាងណាក៏ដោយក្នុងរយៈពេលប៉ុន្មានឆ្នាំចុងក្រោយនេះឯកជនភាវូបនីយកម្មបានកាត់បន្ថយការកាន់កាប់របស់រដ្ឋដល់កម្រិតដែលអាចប្រៀបធៀបជាមួយសេដ្ឋកិច្ចអឺរ៉ុបបាន ។ ពលកម្មការងារក្នុងប្រទេសមានភាពរឹងមាំ និងមានជះឥទ្ធិពលយ៉ាងខ្លាំងក្លាទៅលើពលកម្មនយោបាយ ។ បន្ទាប់ពីវិស័យឧស្សាហកម្មរីកចម្រើនខ្ពស់គួរឱ្យកត់សម្គាល់ វិស័យទេសចរណ៍ គឺជាផ្នែកសំខាន់បំផុតនៃបណ្តាញសេដ្ឋកិច្ចជាតិ ។សមាសធាតុគោលរបស់សេដ្ឋកិច្ចប្រទេសអូទ្រីស គឺប្រភពថាមពល និងការដឹកជញ្ជូន ។
-ក្រុងធំ Vienna ។
-ភាសាផ្លូវការអាល្លឺម៉ង់ ។
-ប្រធានាធិបតី Heinz Fischer ។
-អធិការបតី Werner Faymann ។
-ប្រធានក្រុមប្រឹក្សាជាតិ Doris Bures ។
-ទទួលឯករាជ្យ ២៧ កក្កដា ១៩៥៥ ។
-ផ្ទៃដីសរុប ៨៣.៨៧៩គីឡូម៉ែត្រការ៉េ ស្ថិតក្នុងលំដាប់ថ្នាក់ទី១១៥ ។
-បរិមាណទឹក ១,៧ ភាគរយ ។
-ប្រជាជនសរុបឆ្នាំ២០១៥ ចំនួន៨.៦២៩.០៧៣នាក់ ស្ថិតក្នុងលំដាប់ទី៩៤ ។
-ដង់ស៊ីតប្រជាជន១០១.៤ ក្នុង១គីឡូមែត្រការ៉េស្ថិតនៅលំដាប់ថ្នាក់ទី១០៦ ។
-GDP សរុបឆ្នាំ២០១៥ ចំនួន៤០២.៤២០ ពាន់លានដុល្លារ ។ មនុស្សម្នាក់រកចំណូលបាន ៤៧.០៣១ដុល្លារ ។
-រូបិយប័ណ្ណ អឺរ៉ូ ។
-បើកបរប្រកាន់ស្តាំ ។
-លេខកូដប្រទេស +៤៣ ៕
ចែករំលែកព័តមាននេះ