ខេត្តកំពង់ស្ពឺ ៖ ស៊ីម៉ងត៍ចំនួន១០តោន ដែលជាអំណោយដ៏ថ្លៃថ្លារបស់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា និងសម្តេចកិត្តិព្រឹទ្ធបណ្ឌិត តាមរយៈលោក ហ៊ុន ម៉ាណែត បានប្រគេនជូនវត្តសំពៅ ស្ថិតនៅក្នុងសង្កាត់ច្បារមន ក្រុងច្បារមន ខេត្ត
កំពង់ស្ពឺ ដើម្បីសាងសង់សាលាធម្មសភាថ្មី សម្រាប់គណៈកម្មការវត្ត ព្រះសង្ឃ និងពុទ្ធបរិស័ទប្រើប្រាស់ក្នុងការគោរពប្រត្តិបត្តិ ព្រះពុទ្ធសាសនា និងទុកសមិទ្ធផលផ្នែកពុទ្ធចក្រយូរអង្វែង សម្រាប់កូនចៅជំនាន់ក្រោយៗទៀត ។
ព្រះតេជគុណ គីវ សុគន្ធ ព្រះចៅអធិការវត្តសំពៅមានសង្ឃដីកាថា កន្លងមក សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ធ្លាប់បានប្រគេនអំណោយមួយចំនួនរួចមកហើយ សម្រាប់កសាងសមិទ្ធផលនានាៗ នៅក្នុងវត្តនេះជា
ច្រើន។ ហើយពេលនេះ ព្រះតេជគុណបានទទួលអំណោយជាស៊ីម៉ង់ត៍ចំនួន១០តោនបន្ថែមទៀត ដើម្បីសាងសង់សាលាធម្មសភាថ្មីនេះ។
ព្រះតេជគុណព្រះចៅអធិការ គណៈកម្មការវត្ត ព្រះសង្ឃ និងពុទ្ធបរិស័ទមានភាពសប្បាយរីករាយខ្លាំងណាស់ ដែលទទួលបាន សមិទ្ធផលផ្នែកពុទ្ធចក្រថ្មីទៀត និងសូមជូនពរជ័យ ជូនសម្តេចតេជោ និងសម្តេចកិត្តិព្រឹទ្ធបណ្ឌិត និងក្រុមគ្រួសារឱ្យមានសុខភាពល្អបរិបូរណ៍ ដើម្បីដឹកនាំនាវាកម្ពុជាបន្តទៅទៀត និងពុទ្ធពរ៤ប្រការ គឺអាយុ វណ្ណៈ សុខៈ ពលៈ កុំបីឃ្លាងឃ្លៀតឡើយ ៕
ចែករំលែកព័តមាននេះ