អាជ្ញាធរក្រុងបាវិតអនុវត្តវិធានការក្តៅ ផាកពិន័យអ្នកល្មើសបម្រាមគោចរ
- ស្វាយរៀង
ខេត្តស្វាយរៀង ៖ កាលពីយប់ថ្ងៃទី១៤ខែសីហាឆ្នាំ២០២១ បានបន្តដឹកនាំកម្លាំងចម្រុះ ចុះអនុវត្តសេចក្តីសម្រេចរបស់រដ្ឋបាលខេត្ត
ខេត្តស្វាយរៀង ៖ កាលពីយប់ថ្ងៃទី១៤ខែសីហាឆ្នាំ២០២១ បានបន្តដឹកនាំកម្លាំងចម្រុះ ចុះអនុវត្តសេចក្តីសម្រេចរបស់រដ្ឋបាលខេត្តស្វាយរៀង ស្តីពីការដាក់ចេញនូវវិធានការរដ្ឋបាលនៅក្នុងភូមិសាស្ត្រខេត្តស្វាយរៀង រយៈពេល៧ថ្ងៃបន្តទៀត គិតចាប់ពីម៉ោងសូន្យនាថ្ងៃទី១៣ ខែសីហា រហូតដល់ថ្ងៃទី១៩ ខែសីហា ដើម្បី ប្រយុទ្ធប្រឆាំង និងទប់ស្កាត់ការឆ្លងរាលដាលនៃជំងឺកូវីដ-១៩ ក្នុងមូលដ្ឋាន ក្រុងបាវិត។
លោកវណ្ណ សុមុន្នី អភិបាលរងក្រុងបាវិត បានឲ្យដឹងថា : នាពេលកន្លងមករដ្ឋ បាលក្រុងបានធ្វើការណែនាំដល់បងប្អូនប្រជាពលរដ្ឋ អាជីវករ និងអ្នកពាក់ព័ន្ធទាំងអស់ ត្រូវចូលរួមអនុវត្តតាមខ្លឹមសារ សេចក្តីសម្រេចរបស់រដ្ឋបាលខេត្តស្វាយរៀង ពិសេសការលក់ដូរ ប្រកបអាជីវកម្មគ្រប់ប្រភេទ អនុញ្ញាតត្រឹមតែការវេចខ្ចប់ប៉ុណ្ណោះ ដោយមិនអនុញ្ញាតឱ្យអតិថិជនចូលមកអង្គុយ ឬ ទទួលទាន នៅក្នុងបរិវេណអាជីវកម្មដ្ឋានរបស់ខ្លួនឡើយ។
លោកបន្តថា ហាមឃាត់ការជួបជុំ ការលក់ដូរ និងសេពគ្រឿងស្រវឹង ត្រូវអនុវត្តតាមវិធានការ បម្រាមគោចរ( ចាប់ពី ម៉ោង២១:០០នាទីដល់ម៉ោង៣:០០នាទី )តែអ្វីដែលត្រូវអនុវត្តនាពេលនេះគឺមិនមានការណែនាំទៀតទេ គឺអនុត្តធ្វើការផាកពិន័យទៅតាមច្បាប់តែម្តង ចំពោះជនណាដែលល្មើសនិងបម្រាមគោចរ ដើម្បីឲ្យរាងចាល ហើយកាលពីយប់ថ្ងៃទី១៤ សីហា កន្លងទៅនេះ សមត្ថកិច្ចក៏បានឃាត់អ្នកល្មើសនឹងបម្រាមគោចរ បានជាបន្តបន្ទាប់ធ្វើការផាកពិន័យផងដែរ ៕
ចែករំលែកព័តមាននេះ