រថយន្ត Highlander ធ្លាក់ចូលទន្លេ មានទាំងមនុស្សចាស់ក្មេង៥នាក់
- កណ្តាល
មានករណីរថយន្តមួយគ្រឿងបានធ្លាក់ចូលទន្លេ ដែលជារថយន្តប្រភេទ Highlander បង្កនូវការភ្ញាក់ផ្អើលយ៉ាងខ្លាំង ។ ហេតុការណ៍នេះបានកើតឡើងនៅភូមិ
មានករណីរថយន្តមួយគ្រឿងបានធ្លាក់ចូលទន្លេ ដែលជារថយន្តប្រភេទ Highlander បង្កនូវការភ្ញាក់ផ្អើលយ៉ាងខ្លាំង ។ ហេតុការណ៍នេះបានកើតឡើងនៅភូមិ
ខេត្តកណ្តាល ៖ សេចក្តីរាយការណ៍បឋមបានឱ្យដឹងថា នៅវេលាម៉ោងប្រមាណជាង៨និង៤០នាទីព្រឹក ថ្ងៃទី១៥ ខែសីហា ឆ្នាំ២០២១ មានករណីរថយន្តមួយគ្រឿងបានធ្លាក់ចូលទន្លេ ដែលជារថយន្តប្រភេទ Highlander បង្កនូវការភ្ញាក់ផ្អើលយ៉ាងខ្លាំង ។ ហេតុការណ៍នេះបានកើតឡើងនៅភូមិព្រែកគយ ឃុំព្រែកគយ ស្រុកស្អាត ខេត្តកណ្តាល នៅ ដរចម្លងមួយកន្លែង ហើយតាមព័ត៌មានលឺថា មានក្មេងតូចនៅក្នុងរថយន្តផងដែរ ។
តែយ៉ាងណាមិញ នៅវេលាម៉ោងប្រមាណ១១ព្រឹកថ្ងៃដដែលនេះ សមត្ថកិច្ចបានអន្តរាគមន៍ជួយសង្គ្រោះ ដោយយកឡានស្ទួចរាវរក និងស្ទួចបានរថយន្តបានមកវិញ ដែលអ្នកបើករថយន្ត គឺជាបុរសចំណាស់មួយរូប ដែលគេស្គាល់ថាជាប៉ូលិសមួយរូបនៅស្រុកស្អាង ។
អ្នកភូមិដែលបានជួយមុជរាជរករថយន្តបានបញ្ជាក់ថា អ្នកនៅក្នុងឡានទាំងអស់មានចំនួន៥នាក់ ទាំងតៃកុងឡានផងដែរ ហើយអត់មានប៉ះពាល់អាយុជីវិតនោះទេ។
បើតាមស្ត្រីមួយរូបជាប្រពន្ធរបស់តៃកុងឡានបានឱ្យដឹងថា ប្តីរបស់គាត់មានឈ្មោះ សាម សុវត្ថិ អាយុ៥១ឆ្នាំ ជាប៉ូលីស នៅស្រុកស្អាងតែម្តង ។ ហើយនៅក្នុងហេតុការណ៍ខាងលើនេះ គឺក្នុងឡានមានគ្នាចំនួន៥នាក់ ក្នុងនោះក្មេងស្រី២នាក់ និងមនុស្សចាស់ចំនួន៣នាក់ ។
អ្នកស្រីបានបន្តថា «ប្តីខ្ញុំបើកឡានចុះដរ ហើយស្រាប់តែជើងស្ពឹកមួយចំហៀងភ្លាមៗ ក៏ជាន់ហ្វាំងអត់បាន តែគ្រានោះកញ្ចក់ឡានចុចចុះក្រោមទាំងអស់ ទើបចេញរួច ហើយបានបងប្អូននៅជិតៗ និងទូកបងប្អូនចាមនៅក្បែរៗនោះនាំគ្នាជួយសង្គ្រោះ ។ ពេលនោះប្រវេរប្រវារចេញមកក្រៅ ដោយព្យាយាមរុញកូនៗចេញមកម្តងមួយម្តងមួយ ។ ហើយពេលនេះ គឺសុខសប្បាយទាំងអស់គ្នា ទាំងម្តាយផងដែរ »។
អ្នកស្រីបានបញ្ជាក់ថា «អ្នកស្រី និងប្តី គឺឡើងដរដើម្បីទៅការក្មួយ ប៉ុន្តែតែចៃដន្យអី ប្តីរបស់អ្នកស្រីដែលបើកឡាននោះ ស្រាប់តែឈឺស្ពឹកជើង មិនអាចជាន់ហ្វ្រាំងបាន រួចក៏ធ្លាក់ឡានចូលទៅក្នុងទន្លេតែម្តង ។ តែសំណាងល្អ ពេលឡានធ្លាក់ទឹកភ្លាមនោះ គឺឡាននៅអណ្តែតលើទឹក និយាយរួមឡាននៅនឹង ហើយគ្រានោះគាត់ក៏អាចរុញក្មេងៗចេញ ហែលទឹក និងបានទូកនេសាទបងប្អូនចាមរកត្រីក្បែរនោះ ចូលមកជួយ ដោយឱ្យតោងទូកនេសាទរបស់ចាម រីឯម្តាយខំហែល និងអ្នកទូកក៏បានបោះខ្សែឱ្យតោងដែរ ។ អ្នកស្រីបន្តថា ខាងមុខ២ ខាងក្រោយ៣នាក់ មានម្តាយ រូបគាត់ជាប្រពន្ធ និងកូនស្រីម្នាក់ ។
ចែករំលែកព័តមាននេះ