ស្ត្រីពិការជើងទាំងសងខាង ទទួលអំណោយពីកងរាជអាវុធហត្ថខេត្ត
ខេត្តបន្ទាយមានជ័យ ៖ ដោយមើលឃើញពីទុកលំបាករបស់ស្ត្រីឈ្មោះ ម៉ាន យឹមសុខា អាយុ៣៤ឆ្នាំ ជាស្ត្រីដែលពិការស្វិតជើងទាំងសងខាង
ខេត្តបន្ទាយមានជ័យ ៖ ដោយមើលឃើញពីទុកលំបាករបស់ស្ត្រីឈ្មោះ ម៉ាន យឹមសុខា អាយុ៣៤ឆ្នាំ ជាស្ត្រីដែលពិការស្វិតជើងទាំងសងខាង មានប្តីឈ្មោះ សាយ ម៉េងសុន អាយុ៣៦ឆ្នាំ មានកូនប្រុស/ស្រី ក្នុងបន្ទុកចំនួន៤នាក់ ក្នុងជីវភាពក្រីក្របំផុត គ្មានផ្ទះសម្រាប់ជ្រក សព្វថ្ងៃរស់នៅផ្ទះជាមួយឪពុកម្តាយនៅភូមិគោកស្រុក ឃុំស្រះរាំង ស្រុកមង្គលបូរី ។
កាលពីព្រឹកថ្ងៃទី៩ ខែមករា ឆ្នាំ២០១៦ លោកវរសេនីយ៍ឯក ស ប៊ុនសឿង មេបញ្ជាការរងកងរាជអាវុធហត្ថ តំណាងលោកឧត្តមសេនីយ៍ត្រី ឱ បូរិន្ទ មេបញ្ជាការកងរាជអាវុធហត្ថខេត្ត បាននាំយកអំណោយជារទេះរុញ និងគ្រឿងឧបភោគ បរិភោគ រួមទាំងប្រាក់មួយចំនួនទៅប្រគល់ជូនក្រុមគ្រួសារនៅនឹងផ្ទះរបស់ឪពុកម្តាយរបស់នាងផ្ទាល់ ។
ស្ត្រីជាជនពិការជើង បានរៀបរាប់ថា នាងពិការជើង និងស្លប់មួយចំហៀងខ្លួន ដោយសារតែនាងបានសម្រាលកូន នាងមានជំងឺប្រចាំកាយនោះ ក៏ធ្លាក់ខ្លួនពិការតែម្តង ចំណែកកូនដែលកើតមកនោះ អ្នកក្នុងភូមិជួយចិញ្ចឹម ព្រោះនាងគ្មានលទ្ធភាពចិញ្ចឹម ។
លោកមេបញ្ជាការងកងរាជអាវុធហត្ថខេត្ត បានឱ្យដឹងថា បន្ទាប់ពីទទួលបានព័ត៌មាន លោកក៏បានឲ្យកម្លាំងនាំយកអំណោយជារទេះរុញ១គ្រឿងទុកប្រើប្រាស់ដោយខ្លួនឯងបាន ដោយមិនពិបាកប្តីលើកបីចុះឡើងដូចមុន និងអំណោយ មាន ទឹកត្រីទឹកស៊ីអ៊ីវ៤យួរ ប្រេងឆា១ដប ត្រីខ២យួរ ទឹកដោះគោឆៅ២យួរ មី២កេស និងប្រាក់២០ម៉ឺនរៀលផងដែរ ។
ទន្ទឹមនឹងនេះដែរ ប្អូនស្រីឈ្មោះ ម៉ាន យឹមសុខា បានថ្លែងអំណរគុណយ៉ាងជ្រាលជ្រៅដល់លោកមេបញ្ចាការ លោកមេបញ្ជាការរង រួមទាំងកងកម្លាំងកងរាជអាវុធហត្ថទាំងអស់ ដែលបាននាំយកអំណោយដល់ថ្លៃថ្លាផ្តល់ដល់ក្រុមគ្រួសាររបស់នាង ដែលកំពុងជួបការលំបាកក្នុងជីវភាពប្រចាំថ្ងៃនាពេលនេះ និងសូមជូនពរឱ្យថ្នាក់ដឹកនាំទាំងអស់ជួបនូវពុទ្ធពរទាំង៤ប្រការ គឺអាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ ៕
ចែករំលែកព័តមាននេះ