មេរោគ Delta នឹងខ្លាចមនុស្ស បើយើងធ្វើដូច្នេះបាន
- ភ្នំពេញ
ភ្នំពេញ៖ នរណាៗ ក៏ខ្លាចមេរោគបំប្លែងថ្មី Delta ដែរ ពីព្រោះវាឆ្លងលឿន និងធ្វើអោយមនុស្សចូលដេកពេទ្យ។ ប៉ុន្តែរឿងមួយ ដែលមនុស្ស ត្រូវចាំនោះ…
ភ្នំពេញ៖ នរណាៗ ក៏ខ្លាចមេរោគបំប្លែងថ្មី Delta ដែរ ពីព្រោះវាឆ្លងលឿន និងធ្វើអោយមនុស្សចូលដេកពេទ្យ។ ប៉ុន្តែរឿងមួយ ដែលមនុស្ស ត្រូវចាំនោះ…
ភ្នំពេញ៖ នរណាៗ ក៏ខ្លាចមេរោគបំប្លែងថ្មី Delta ដែរ ពីព្រោះវាឆ្លងលឿន និងធ្វើអោយមនុស្សចូលដេកពេទ្យ។ ប៉ុន្តែរឿងមួយ ដែលមនុស្ស ត្រូវចាំនោះ គឺវាខ្ចីខ្លួនមនុស្សម្នាក់ ដើម្បីចម្លងទៅមនុស្សម្នាក់ទៀត។ បើសិនយើង មិនអោយវាខ្ចីខ្លួនយើងប្រើទេនោះ វានឹងមិនអាចមានឥទ្ធិពលសាហាវបែបនេះឡើយ។
ខាងក្រោមនេះ ជាវិធីដ៏មានប្រសិទ្ធភាព ដើម្បីកុំអោយមេរោគ Delta ហ៊ានមកបៀតខ្លួនយើង និងចម្លងទៅអ្នកដទៃ។
បើសិនជាប្រជាជនកម្ពុជាទាំងអស់ ពិតជាខ្លាចមេរោគនេះ មែននោះ ពួកគេត្រូវតែចេះវិធីការពារខ្លួន ដូចខាងក្រោមនេះ ដែលនឹងអាចជួយទប់ទល់នឹងមេរោគដ៏សាហាវនេះ។
១-ចាក់វ៉ាក់សាំង៖
ការសិក្សាស្រាវជ្រាវ បានបបង្ហាញថា អ្នកមិនចាក់វ៉ាក់សាំង គឺប្រឈមមុខខ្ពស់នឹងការឆ្លងមេរោគកូវីដ១៩ ពិសេស មេរោគបំប្លែថ្មី ដែលបានរាលដាលពេញពិភពលោក។ អ្នកមិនចាក់វ៉ាក់សាំង មិនត្រឹមតែប្រឈមខ្លាំងនឹងការឆ្លងមេរោគទេ ពួកគេថែមទាំងអាចឈឺធ្ងន់ជាងអ្នក ដែលបានចាក់វ៉ាក់សាំងថែមទៀត។ រឿងគួរបារម្ភខ្លាំងនោះ មនុស្សស្លាប់ ដោយសារកូវីដ១៩ រហូតដល់ជាង ៩៩ភាគរយ គឺកើតមានចំពោះអ្នកមិនចាក់វ៉ាក់សាំង។ ដូច្នេះ បើស្រឡាញ់ជីវិត យើងត្រូវនាំគ្នាចាក់វ៉ាក់សាំង។
២-ពាក់ម៉ាស់ជានិច្ច បើទោះបីជាចាក់វ៉ាក់សាំងហើយក្តី
ការសិក្សាស្រាវជ្រាវ និងរបាយការណ៍នានា បង្ហាញថា វ៉ាក់សាំង មិនមែនការពារបាន ១០០ភាគរយទេ។ អ្នកចាក់វ៉ាក់ សាំងហើយ មួយចំនួន ក៏នៅតែអាចឆ្លងមេរោគកូវីដ១៩ មិនថា នៅកម្ពុជា ឬនៅប្រទេសផ្សេងទេ។ ដូច្នេះ កុំអាងថា បានចាក់វ៉ាក់សាំង ហើយលែងពាក់ម៉ាស់អោយសោះ។ សូមបន្តការពាក់ម៉ាស់ អោយបានគ្រប់ៗគ្នា។
៣-យកឈ្នះមេរោគ ដែលតា ដោយនៅឃ្លាតឆ្ងាយពីមនុស្ស និងមិនធ្វើការជួបជុំ
មេរោគ ដែលតា ត្រូវបានគេយល់ថា ឆ្លងខ្លាំងជាងមេរោគមុនៗ។ ដូច្នេះដើម្បីចៀសវាងការឆ្លងពីមនុស្សម្នាក់ទៅម្នាក់ទៀតនោះ យើងគួរគប្បីរក្សាគម្លាតអោយឆ្ងាយពីគ្នាយ៉ាងតិចពីរម៉ែត្រ និងមិនត្រូវធ្វើការជួបជុំ ដែលមិនចាំបាច់ ដូចជាការផឹកស៊ីនោះ ឡើយ។
៤-រស់នៅប្រកបដោយអនាម័យពិសេសលាងដៃអោយញឹកញាប់
ចាប់ពីពេលនេះតទៅ មនុស្សទាំងអស់ ត្រូវតែមានអនាម័យខ្ពស់ ដើម្បីយកឈ្នះមេរោគកូវីដ១៩ ពិសេសមេរោគបំប្លែងថ្មី ដែលតា។ ការលាងដៃអោយបានញឹកញាប់ គឺជាជម្រើសដ៏ល្អមួយ ដើម្បីទប់ទល់នឹងការឆ្លងមេរោគដែលតានេះ។ វាក៏អាចជួយយើងមិនអោយឆ្លងមេរោគផ្សេងទៀតផងដែរ។
៥-ហាត់ប្រាណអោយទៀងទាត់
ការហាត់ប្រាណ នឹងធ្វើអោយរាយកាយមាំមួនពិសេសពង្រឹងប្រព័ន្ធភាពសុាំប្រឆាំងនឹងជំងឺ។ អ្នកហាត់ប្រាណ គឺមានសុខភាព មាំមួន ហើយមិនងាយធ្លាក់ខ្លួនឈឺ ដោយសារការឆ្លងមេរោគ ឬក៏ជំងឺផ្សេងទៀតឡើយ។ ហាត់ប្រាណ ធ្វើអោយចរន្តឈាមដើរល្អ បេះដូងរឹងមាំ និងសួតដកដង្ហើមបានល្អ និងខ្លាំង។ ដូច្នេះ ចូរកំភ្លេចហាត់ប្រាណ បើសិនជាអ្នកស្រឡាញ់ខ្លួន និងជីវិត។
នៅពេលដែលប្រជាជនកម្ពុជា អនុវត្តវិធីទាំងប្រាំនេះ បាននោះ ពួកគេនឹងអាចយកឈ្នះកូវីដ១៩ បានជាមិនខាន។ យើងជឿជាក់ថា ប្រជាជនកម្ពុជា នឹងអាចធ្វើបានតាមវិធីដ៏សាមញ្ញទាំងនេះ៕
ចែករំលែកព័តមាននេះ