អ្នកស្លា.ប់ដោយកូវីដ១៩ ចំនួន ៤០ភាគរយ ជាអ្នកមានជំងឺទឹកនោមផ្អែម
- ភ្នំពេញ
ភ្នំពេញ៖ អ្នកជំងឺទឹកនោមផ្អែម ត្រូវតែប្រុងប្រយ័ត្នខ្ពស់បំផុត ពីព្រោះការស្រាវជ្រាវ បានបង្ហាញថា អ្នកស្លាប់ដោយសារកូវីដ១៩ ភាគច្រើន គឺជាអ្នកកើតទឹកនោមផ្អែម។ ការស្រាវជ្រាវមួយ បានបង្ហាញថា…
ភ្នំពេញ៖ អ្នកជំងឺទឹកនោមផ្អែម ត្រូវតែប្រុងប្រយ័ត្នខ្ពស់បំផុត ពីព្រោះការស្រាវជ្រាវ បានបង្ហាញថា អ្នកស្លាប់ដោយសារកូវីដ១៩ ភាគច្រើន គឺជាអ្នកកើតទឹកនោមផ្អែម។ ការស្រាវជ្រាវមួយ បានបង្ហាញថា…
ភ្នំពេញ៖ អ្នកជំងឺទឹកនោមផ្អែម ត្រូវតែប្រុងប្រយ័ត្នខ្ពស់បំផុត ពីព្រោះការស្រាវជ្រាវ បានបង្ហាញថា អ្នកស្លាប់ដោយសារកូវីដ១៩ ភាគច្រើន គឺជាអ្នកកើតទឹកនោមផ្អែម។
ការស្រាវជ្រាវមួយ បានបង្ហាញថា អ្នកស្លាប់ដោយសារកូវីដ១៩ ចំនួនរហូតដល់ ៤០ភាគរយនៃអ្នកស្លាប់ទាំងអស់ គឺជាអ្នកមានប្រវត្តិកើតជំងឺទឹកនោមផ្អែម។
សារព័ត៌មានសុខភាពអាមេរិក បានចុះផ្សាយថា អ្នកស្រាវជ្រាវ បានរកឃើញថា ពលរដ្ឋអាមេរិក ដែលស្លាប់ដោយសារកូវីដ១៩ គឺកើតមានជំងឺទឹកនោមផ្អែមប្រភេទ មួយ ឬក៏ទឹកនោមផ្អែមប្រភេទពីរ។ ពួកគេពន្យល់ថា ជំងឺទឹកនោមផ្អែម ដែលព្យាបាល មិនបានត្រឹមត្រូវ នឹងធ្វើអោយជំងឺកូវីដ១៩ រឹតតែធ្ងន់។
អ្នកស្រាវជ្រាវ ក៏បានរកឃើញដែរថា អ្នកមានជំងឺទឹកនោមផ្អែម ពេលមានជំងឺកូវីដ១៩ គឺមានភាពធ្ងន់ធ្ងរ មានផលវិបាក និងនាំដល់ការចូលមន្ទីរពេទ្យ ឬក៏អាចឈានដល់ស្លាប់បាត់បង់ជីវិត។
នេះបានបញ្ជាក់ពីទំនាក់ទំនងយ៉ាងពិតប្រាកដ រវាងជំងឺទឹកនោមផ្អែម និងអត្រាស្លាប់ដោយសារកូវីដ១៩។
អាស្រ័យដូច្នេះ អ្នកជំងឺទឹកនោមផ្អែម ត្រូវមានការប្រុងប្រយ័ត្នខ្ពស់បំផុត ដើម្បីកុំអោយឆ្លងជំងឺកូវីដ១៩។ ពួកគេ ត្រូវចាក់វ៉ាក់សាំងការពារកូវីដ១៩ និងរស់នៅតាមរបៀបមួយ ដែលត្រូវគោរពរាល់វិធានការប្រឆាំងនឹងកូវីដ១៩ ដូចជាការពាក់ម៉ាស់ ការរក្សាគម្លាត ការធ្វើអនាម័យលាងដៃអោយញឹកញាប់ មិនធ្វើការជួបជុំ មិនទៅកន្លែងមនុស្សច្រើន មិនចាប់ដៃ ឬអោបថើប និងមិនទៅកន្លែងបិទជិត។
សូមចែករំលែកអត្ថបទនេះ ទៅកាន់អ្នកជំងឺទឹកនោមផ្អែម ដើម្បីពួកគេ កាន់តែមានការប្រយ័ត្ន ក្នុងការការពារខ្លួនពីជំងឺកូវីដ១៩ ដ៏កាចសាហាវ៕
ចែករំលែកព័តមាននេះ