ខេត្តស្វាយរៀង ៖ ពិធីប្រគល់ និងទទួលអំណោយដ៍ថ្លៃថ្លា របស់សម្តេចអគ្គមហាសេនាបតីតេជោហ៊ុន សែន និងសម្តេចកិត្តិព្រឹទ្ធបណ្ឌិត ប៊ុនរ៉ានី ហ៊ុនសែន ជូនទៅអនុសាខាកាកបាតក្រហមកម្ពុជា ក្រុងបាវិត កាលពីព្រឹកថ្ងៃទី២ មករា ២០១៦ នៅទីស្នាក់ការអនុសាខាកាកបាតក្រហមកម្ពុជាក្រុងបាវិត។ ក្រោមអធិបតីភាពលោកនាយឧត្តមសេនីយ៍ ម៉ឹង សំផន រដ្ឋលេខាធិការក្រសួងការពារជាតិ ដោយមានការចូលរួមពីសំណាក់លោក សំ ប៊ុនណារិន អភិបាលរងខេត្ត លោកអភិបាលក្រុងបាវិត និងមន្ត្រីអនុសាខាកាកបាតក្រហមកម្ពុជា ក្រុងបាវិតជាច្រើនកុះករ ។
ក្នុងឱកាសនោះដែរ លោកនាយឧត្តមសេនីយ៍ ម៉ឹង សំផន ក៏បានមានប្រសាសន៍សំណេះសំណាល ថា សម្តេចតេជោ និងសម្តេចកិត្តិព្រឹទ្ធបណ្ឌិត ប្រធានកាកបាតក្រហមកម្ពុជា តែងតែយកចិត្តទុកដាក់ និងគិតគូរដល់ទុក្ខលំបាក និងជីវភាពរស់នៅ របស់ប្រជាពលរដ្ឋទាំងអស់ មិនថា ប្រជាពលរដ្ឋរស់នៅក្នុងទីក្រុង ឬនៅតាមជនបទដាច់ស្រយ៉ាល ។ ចំពោះទីស្នាក់ការអនុសាខាកាកបាតក្រហមកម្ពុជា នៅតាមស្រុក និងមានអ្នកស្មគ្រ័ចិត្តកាកបាតក្រហម នៅរហូតដល់មូលដ្ឋាន ភូមិ-ឃុំសង្កាត់ គឺដើម្បីជួយសម្រួលដល់ប្រជាពលរដ្ឋក្រីក្រជួបការលំបាក និងប្រជាពលរដ្ឋងាយរងគ្រោះផ្សេងៗ ឲ្យបានទាន់ពេលវេលា ។
ក្រោយពីសំណេះសំណាលជាមួយមន្ត្រីកាកបាតក្រហមកម្ពុជាក្រុងបាវិត និងអ្នកស្មគ្រ័ចិត្តកាកបាតក្រហមកម្ពុជា រួចមក ពិធីប្រគល់អំណោយ ដ៏ថ្លៃថ្លា របស់សម្តេចតេជោហ៊ុន សែន និងសម្តេចកិត្តិព្រឹទ្ធបណ្ឌិត ប៊ុនរ៉ា នី ហ៊ុន សែន ជូនអនុសាខាកាកបាតក្រហមកម្ពុជាក្រុងបាវិត និងផ្តល់អំណោយដល់មន្ត្រីកាកបាតក្រហម៦៥នាក់ ក្នុងម្នាក់ទទួលបានសារ៉ុងមួយផងដែរ។ អំណោយជូនអនុសាខាកាកបាតក្រហមកម្ពុជា ក្រុងបាវិតមាន អង្ករ៥តោន, មី១០០កេស, ត្រីខកំប៉ុង៣កេស, ក្រមារ១០០ និងប្រាក់៥លានរៀល ។
ចែករំលែកព័តមាននេះ