រាជធានីភ្នំពេញ ៖ លោកឧកញ៉ា ស្រី ចាន់ថន ប្រធានចលនាយុវជនកម្ពុជាក្រុម១៥៧ សាខាខេត្តកណ្តាល និងសមាជិកតំណាងលោកម៉ឹង ពន្លក ជាប្រធានចលនាយុវជនកម្ពុជាក្រុម១៥៧ បានយកអំណោយ និងថវិកាទៅចែកជូនដល់កម្មករចំនួន៧៧គ្រួសរ ដែលកំពុងធ្វើការ និងរស់នៅក្នុងតំបន់សេដ្ឋកិច្ចពិសេស 7NG ។
រាជធានីភ្នំពេញ ៖ លោកឧកញ៉ា ស្រី ចាន់ថន ប្រធានចលនាយុវជនកម្ពុជាក្រុម១៥៧ សាខាខេត្តកណ្តាល និងសមាជិកតំណាងលោកម៉ឹង ពន្លក ជាប្រធានចលនាយុវជនកម្ពុជាក្រុម១៥៧ បានយកអំណោយ និងថវិកាទៅចែកជូនដល់កម្មករចំនួន៧៧គ្រួសរ ដែលកំពុងធ្វើការ និងរស់នៅក្នុងតំបន់សេដ្ឋកិច្ចពិសេស 7NG ។
បន្ទាប់ពីពិធីចែកអំណោយនេះ លោកឧកញ៉ា ស្រី ចាន់ថន បានមានប្រសាសន៍ថា ក្រុមកម្មករទាំង៧៧គ្រួសារនេះ ពីដើមឡើយពួកគាត់រស់នៅរាជធានីភ្នំពេញ នៅក្នុងសហគមន៍ក្រីក្រស្ទឹងមានជ័យ។ បច្ចុប្បន្នការងារដែលពួកគាត់កំពុងធ្វើនៅតំបន់សេដ្ឋកិច្ចពិសេស 7NG នេះ មានដូចជាធ្វើស្មៅតាមផ្លូវក្នុងតំបន់រោងចក្រ, ជាងដែក, ជាភ្លើង និងចុងភៅជាដើម ។
លោកឧកញ៉ាបានបន្ថែមថា ប្រពលរដ្ឋចំនួន៧៧គ្រួសារមករស់នៅ និងធ្វើការនៅតំបន់រោងចក្រ 7NG គឺជាជំហានដំបូង ព្រោះបើសិនបើពួកគាត់អាចរស់នៅបានស្រួលបួលក្នុងតំបន់នេះហើយ ក្រុមហ៊ុននឹងមានការជ្រើសរើសប្រជាពលរដ្ឋ ស្ថិតក្នុងតំបន់សហគមន៍ក្រីក្រផ្សេងទៀតឱ្យយរស់នៅក្នុងតំបន់នេះជាបន្តបន្ទប់។
លោកឧកញ៉ា ស្រី ចាន់ថន បន្តថា ពួកគាត់ទាំង៧៧គ្រួសារនោះ បានផ្លាស់មករស់នៅក្នុងតំបន់សេដ្ឋកិច្ច 7NG កាលពីខែមិនា ឆ្នាំ២០១៥ ដោយលោកឧកញ៉ា ស្រី ចាន់ថន ជួយចំណាយថ្លៃដីជូនក្នុងមួយគ្រួសារ៨០០ដុល្លារ ដើម្បីសំរាលដល់ការចំណាយប្រចាំខែ ដោយបង់ប្រចាំខែលើថ្លៃដីក្រោម៥០ដុល្លារ ។
អំណោយដែលត្រូវចែកជូនមាន អង្ករ៥០គីឡូ, ទឹកត្រី១យួរ, ទឹកស៊ីអ៊ីវ១យួរ, អំបិល១គីឡូ, ស្ករ.ស១គីឡូ, ប៊ីចេង០.៥គីឡូ, ប្រេងឆា១លីត្រ, មី១កេស និងថវិកា៤០.០០០រៀល និងមានអាហារថ្ងៃត្រង់ សម្រាប់ពួកគាត់មួយពេលផងដែរ ៕
ចែករំលែកព័តមាននេះ