ខេត្តតាកែវ ៖ មជ្ឃដ្ឋាននានាកំពុងតែមានចម្ងល់យ៉ាងខ្លាំងដល់អស់លោក ដែលជាប្រធានសុរិយោដីខេត្ត ក្រុង រួមជាមួយនឹងប្រធានមន្ទីរធនធានទឹកខេត្ត ដែលបានឆ្លើយដាក់គ្នាទៅវិញទៅមកពីរឿងអតីតអភិបាលរងខេត្តកំពតម្នាក់ដែលធ្លាក់ពីតំណែងបានមកធ្វើសកម្មភាពសម្រុកចាក់ដីលុបដីបឹងបានយ៉ាងរលូន ។ មិនតែប៉ុណ្ណោះ បុគ្គលម្នាក់នេះបានអោយគ្រឿងចក្រចាក់ដីលុប…
ខេត្តតាកែវ ៖ មជ្ឃដ្ឋាននានាកំពុងតែមានចម្ងល់យ៉ាងខ្លាំងដល់អស់លោក ដែលជាប្រធានសុរិយោដីខេត្ត ក្រុង រួមជាមួយនឹងប្រធានមន្ទីរធនធានទឹកខេត្ត ដែលបានឆ្លើយដាក់គ្នាទៅវិញទៅមកពីរឿងអតីតអភិបាលរងខេត្តកំពតម្នាក់ដែលធ្លាក់ពីតំណែងបានមកធ្វើសកម្មភាពសម្រុកចាក់ដីលុបដីបឹងបានយ៉ាងរលូន ។
មិនតែប៉ុណ្ណោះ បុគ្គលម្នាក់នេះបានអោយគ្រឿងចក្រចាក់ដីលុប និងឈូសឆាយយកប្រឡាយរំដោះទឹក កុំអោយជន់លិចក្រុងដូនកែវបានយ៉ាងរំភើយថែមទៀតផង ។ មន្ត្រីរសាលាក្រុងដូនកែវម្នាក់បានប្រាប់កោះសន្តិភាពយើង ដោយមិនអោយប្រាប់ឈ្មោះបាននិយាយរៀបរាប់ថា ដីដែលលោកហាស់ សុបិន្ត អតីតអភិបាលរងខេត្តកំពត ដែលធ្លាក់ពីដំណែងដោយសារមានរឿងអាស្រូវនោះគាត់បានធ្វើសកម្មភាពសម្រុកចាក់ដីលុបបឹងរាប់រយឡាន ដោយមិនសម្រាកសោះឡើយ គឺដើម្បីធ្វើខ្យូសអង្គុយដោយបើកហាងស៊ីផឹក មានទីតាំងស្ថិតក្នុងភូមិស្នោសង្កាត់រកា ក្នុងក្រុងដូនកែវ ខេត្តតាកែវ ។
មន្ត្រីសាលាក្រុងដូនកែវដដែលបានបញ្ជាក់ទៀតថា ចំពោះដីបឹងដែលលោកហាស់ សុបិន្ត កំពុងតែចាក់ដីលុបដោយគ្មានច្បាប់អនុញ្ញាតិនោះ គឺមានទំហំប្រមាណជា២ហិកតាបូករួមនឹងការចាក់ដីលុបយកប្រឡាយទឹក ដែលជាប្រឡាយមេសម្រាប់រំដោះទឹកលិចសាលាក្រុងផងនោះ មានបណ្តោយ១៧០ម៉ែត្រនឹងទទឹង៦ម៉ែត្របានយ៉ាងល្អ ។ សម័យនេះ អោយតែមានលុយហើយអាច់ចាក់ដីលុបយកបឹងយកប្រឡាយមិនពិបាកឡើយ ដោយគ្រាន់តែសែនត្រូវជាមួយអាជ្ញាធរខេត្ត ក្រុងនឹងមន្ទីរជំនាញដែលមានជាប់ពាក់ព័ន្ធទាំងអស់គឺចប់ហើយ ។
លោកនួន សុធា ប្រធានមន្ទីរសុរិយោដីនឹងសំណង់ខេត្តបានប្រាប់អ្នកសារព៏ត៌មានយើងតាមទូរស័ព្ទថា រឿងលោកហាស់ សុបិន្តចាក់ដីលុបបឹងនោះ លោកមិនបានដឹងទេ ចាំគាត់ចុះទៅស្រាវជ្រាវសិន ហើយតែបើចង់ដឹងច្បាស់ទៅសួរខាងសុរិយោដីនឹងសំណង់ក្រុងទើបគាត់ដឹងច្បាស់ជាង ។
ចំណែកលោកហ៊ួត ប៊ុនលីម ប្រធានការិយាល័យសុរិយោដីនឹងសំណង់ក្រុងដូនកែវបានឆ្លើយយករួចខ្លួនថា គាត់សុរិយោដីក្រុងមែនតែដីនោះ បានខ្វៀលទៅអោយខាងធន់ធានទឹកអស់ហើយ ។ រីឯលោកប៊ុន ហួរ ប្រធានមន្ទីរធន់ធានទឹកខេត្តបានអោយដឹងផងដែរថា រឿងនេះមិនមែនភារកិច្ចមន្ទីររបស់លោកទេ ព្រោះកន្លែងនោះមិនមែនជាដីបឹងគឺដីគេធ្វើស្រែ បើដីបឹងនោះគឺដូចបឹងតាកែវនោះ ហើយបើចង់ដឹងច្បាស់ទៅសួខាងសាលាក្រុងបានដឹងច្បាស់ ។
លោកកង អាណាន់ អភិបាលក្រុងដូនកែវបានអោយដឹងថា រឿងនឹងចាំរដ្ឋបាលក្រុងចុះទៅស្រាវជ្រាវ ចំណែកលោកហាស់ សុបិន ដែលមានលុយជួលគ្រឿងចក្រដឹកដីលុបដីបឹងនឹងលុបយកប្រឡាយរំដោះទឹកក្រុង កោះសន្តិភាពយើងនៅមិនអាចស្វែងរកការបំភ្លឺបានទេនៅថ្ងៃទី៣១ កក្កដា នេះ ។
ព័ត៌មានបន្ថែមកោះសន្តិភាពនឹងមានផ្សាយជូនបន្ត ។
ចែករំលែកព័តមាននេះ