រាជធានីភ្នំពេញ ៖ នៅរសៀលថ្ងៃទី៣០ ខែកក្កដានេះតទៅ អាជ្ញាធរខណ្ឌចំការមនសហការជាមួយ និងអាជ្ញាធរខណ្ឌដូនពេញបានដាក់ពង្រាយកម្លាំងប្រជាការពារខណ្ឌនៅលើសួនច្បារខាងកើតវិមានឯករាជ្យ ដើម្បីធ្វើការហាមឃាត់មិនអោយមានអ្នកមកហាត់ប្រាណបានឡើយ ក៏ដូចជា តាមសួនច្បារសារធារណៈផ្សេងៗទៀតដែរក្នុងរយៈពេល១៤ថ្ងៃ ក្នុងគោលបំណងទប់ស្កាត់នៃការរីករាលដាលនូវជំងឺកូវីដ ១៩នោះ ។
បើតាមប្រភពពីអាជ្ញាធរមូលដ្ឋានម្នាក់បានប្រាប់ឱ្យដឹងថា នៅរសៀលថ្ងៃទី៣០ ខែកក្កដានេះដែរ កម្លាំងរបស់អាជ្ញាធរខណ្ឌចំការមន សហការជាមួយ និងធាជ្ញាធរខណ្ឌដូនពេញដាក់ពង្រាយកម្មនៅលើសួនច្បារខាងកើតវិមានឯករាជ្យនេះ ដើម្បីរង់ចាំធ្វើការណែនាំទៅដល់អ្នកដែលមានបំណងមកហាត់ប្រាណ នៅលើសួននេះ មិនអោយពួកគាត់ធ្វើការប្រមូលផ្តុំហាត់ប្រាណដូចសព្វមួយដងបានទេ ។
ការហាមឃាត់នេះដែរ មិនមែនតែនៅលើសួនច្បារខាងកើតវិមានឯករាជ្យមួយទេ គឺនៅគ្រប់តាមសួនច្បារ និងតាមទីសារធារណៈទាំងអស់រយៈពេល១៤ថ្ងៃ ទៅតាមការណែរនាំរបស់សាលារាជធានភ្នំពេញ ដើម្បីទប់ស្កាត់នូវការរីករាលដាលនូវជំងឺកូវីដ ១៩នោះ។
តាមប្រភពដដែលបានប្រាប់បន្តទៀតថា ការហាមឃាត់រាល់កន្លែងហាត់ប្រាណជាសារធារណៈដែរ គឺនៅពេលដែលមានអ្នកមកហាត់ប្រាណកម្លាំងរបស់គាត់ធ្វើការណែរនាំអោយត្រឡប់ទៅធ្វើការហាត់ប្រាណនៅតាមផ្ទះរបស់គាត់វិញភ្លាមៗ ដោយមិនអនុញាតិជាដាច់ខាត ហើយក៏ហាមឃាត់រាល់អ្នកលក់ដូរនៅតាមសារធារណៈក្នុងមូលដ្ឋានដែរ ។
គួរបញ្ជាក់ថា នៅលើសួនច្បារវិមាននេះជាទីកន្លែងពេញនិយមបំផុតសំរាប់អ្នកដែលមកហាត់ប្រាណមិនថា ពេលព្រឹក ពេលថ្ងៃ ឬក៏ពេលល្ងាចទេនោះទេ គឺមានអ្នកមកហាត់ប្រាណជាប្រចាំយ៉ាងច្រើនកុះករ ដោយអ្នកខ្លះ ដើរ អ្នកខ្លះរត់ អ្នកខ្លះជិះកង់ជុំវិញសួនច្បារ និងមួយចំនួនទៀតទាត់សី វាយសី ទាត់បាល់ ហាត់ប្រាណទៅតាមរបៀបផ្សេងៗគ្នាយ៉ាងច្រើនបំផុត ជារៀងរាល់ថ្ងៃមិនដែលខានឡើយនោះ ។
តែដោយសារតែការរីករាលដាលនៃជំងឺកូវីដ ១៩ ជាពិសេសប្រភេទជំងឺប្រភេទថ្មី Delta នេះ ទើបបានកម្លាំងអាជ្ញាធរមូលដ្ឋានខណ្ឌចំការមន និងខណ្ឌដូនពេញ ចុះធ្វើការហាមឃាត់មិនអោយហាត់ប្រាណចាប់ពីពេលនេះតទៅ ៕
ចែករំលែកព័តមាននេះ