យុវតីជនជាតិម៉ុងប្រទេសឡាវ រកមេដាយ២គ្រឿងឱ្យអាមេរិកនៅអូឡាំពិក
ជប៉ុន ៖ កីឡាការិនី Sunisa Lee ដែលជាជនជាតិភាគតិចម៉ុងក្នុងប្រទេសឡាវ រកបានមេដាយ២គ្រឿងឱ្យសហរដ្ឋអាមេរិក នៅ
ជប៉ុន ៖ កីឡាការិនី Sunisa Lee ដែលជាជនជាតិភាគតិចម៉ុងក្នុងប្រទេសឡាវ រកបានមេដាយ២គ្រឿងឱ្យសហរដ្ឋអាមេរិក នៅ
ជប៉ុន ៖ កីឡាការិនី Sunisa Lee ដែលជាជនជាតិភាគតិចម៉ុងក្នុងប្រទេសឡាវ រកបានមេដាយ២គ្រឿងឱ្យសហរដ្ឋអាមេរិក នៅក្នុងព្រឹត្តិការណ៍កីឡាអូឡាំពិកទីក្រុងតូក្យូឆ្នាំ ២០២០។ យុវតីវ័យ១៨ឆ្នាំរូបនេះ គឺជាសមាជិកដំបូងគេនៃសហគមន៍ជនជាតិម៉ុង ដែលតំណាង និងឈ្នះមេដាយមាសឱ្យសហរដ្ឋអាមេរិកនៅព្រឹត្តិការណ៍អូឡាំពិក។
កីឡាការិនីដែលមានឈ្មោះដើម Sunisa Phabsomphou បានឈ្នះមេដាយមាស កាលពីថ្ងៃទី២៩ ខែកក្កដា លើកីឡាកាយសម្ព័ន្ធវិញ្ញាសា Women’s artistic individual all-around ជាមួយពិន្ទុសរុប ៥៧.៤៣៣ យកឈ្នះម្ចាស់មេដាយប្រាក់ប្រេស៊ីល Rebeca Andrade ដែលធ្វើបាន ៥៧.២៩៨ និងកីឡាការិនីម្ចាស់មេដាយសំរិទ្ធរុស្ស៊ី Angelina Melnikova ដែលធ្វើបាន ៥៧.១៩៩។
មុនទទួលបានមេដាយមាស កីឡាការិនីរូបនេះ ក៏បានឈ្នះមេដាយប្រាក់១គ្រឿងផងដែរ កាលពីថ្ងៃទី២៧ ខែកក្កដា ក្នុងវិញ្ញាសាជាក្រុម Women’s artistic team all-around រួមជាមួយដៃគូ៣នាក់ទៀតគឺ កីឡាការិនី Simone Biles, Jordan Chiles និង Grace McCallum ជាមួយពិន្ទុសរុប ១៦៦.០៩៦ ។ ចាញ់ពិន្ទុក្រុមម្ចាស់មេដាយមាសរុស្ស៊ី ដែលធ្វើបាន ១៦៩.៥២៨ និងឈ្នះក្រុមម្ចាស់មេដាយសំរិទ្ធចក្រភពអង់គ្លេស ដែលធ្វើបាន ១៦៤.០៩៦។
កីឡាការិនី Sunisa Lee កើតនៅថ្ងៃទី៩ ខែមីនា ឆ្នាំ២០០៣ នៅទីក្រុង Saint Paul រដ្ឋមីនីសូតា។ ឪពុកម្តាយ Sunisa គឺជាជនជាតិម៉ុងក្នុងប្រទេសឡាវ ដែលភៀសខ្លួនទៅជំរុំជនភៀសខ្លួនប្រទេសថៃ បន្ទាប់ពីសហរដ្ឋអាមេរិកបានដកកម្លាំងចេញពីប្រទេសឡាវ។
Sunisa ដែលហាត់កីឡាកាយសម្ព័ន្ធតាំងពីអាយុ៦ឆ្នាំ បានជាប់ឈ្មោះក្នុងក្រុមជម្រើសជាតិអាមេរិក កាលពីឆ្នាំ ២០១៩ ដែលជាឆ្នាំអកុសលឪពុករបស់នាងបានស្លា.ប់ ក្រោយធ្លាក់ពីទីខ្ពស់ប៉ះទង្គិចទ្រូងធ្ងន់ធ្ងរ អំឡុងពេលជួយកាត់ដើមឈើមិត្តភក្តិរបស់គាត់៕ (ដកស្រង់ចេញពី South China Morning Post និង Distractify)
ចែករំលែកព័តមាននេះ