អាមេរិកផ្តល់វ៉ាក់សាំងជាង១លានដូស ពាក់កណ្តាលនឹងមកដល់កម្ពុជា នៅថ្ងៃទី៣០កក្កដា
រាជធានីភ្នំពេញ ៖ ស្ថានទូតអាមេរិកប្រចាំនៅកម្ពុជា បានអោយដឹងនៅថ្ងៃទី២៨ ខែកក្កដា ឆ្នាំ២០២១នេះថា វ៉ាក់សាំង Johnson & Johnson…
រាជធានីភ្នំពេញ ៖ ស្ថានទូតអាមេរិកប្រចាំនៅកម្ពុជា បានអោយដឹងនៅថ្ងៃទី២៨ ខែកក្កដា ឆ្នាំ២០២១នេះថា វ៉ាក់សាំង Johnson & Johnson ចំនួនជាង ១លានដូស ក្នុងនោះចំនួនពាក់កណ្ដាល នឹងដឹកមកដល់ប្រទេសកម្ពុជា នៅវេលាម៉ោង០៧និង១៥ព្រឹកថ្ងៃសុក្រ ទី៣០ ខែកក្កដា ។ ហើយរំពឹងថា វ៉ាក់សាំងសល់ពាក់កណ្តាលទៀត នឹងដឹកមកដល់កម្ពុជា នៅថ្ងៃទី២ ខែសីហា ។
ស្ថានទូតអាមេរិកនៅភ្នំពេញ ក៏បានអញ្ជើញប្រព័ន្ធផ្សព្វផ្សាយឲ្យចូលរួមយកព័ត៌មាននៅអាកាសយានដ្ឋានអន្តរជាតិភ្នំពេញ ក្នុងការមកដល់លើកទី១ នៃវ៉ាក់សាំង Johnson & Johnson ចំនួន ១,០៦០,១០០ដូស ដែលជាអំណោយរបស់សហរដ្ឋអាមេរិកដល់ប្រទេសកម្ពុជា តាមរយៈយន្តការកូវ៉ាក់ (COVAX) ។
លោក Ben Wohlauer ភារធារីស្ថានទូតអាមេរិក និងតំណាងរាជរដ្ឋាភិបាលកម្ពុជា អង្គការសុខភាពពិភពលោក និងអង្គការ UNICEF នឹងមានវត្តមានក្នុងពិធីប្រគល់ ទទួលផងដែរ ៕
ចែករំលែកព័តមាននេះ