លោកអភិបាលខណ្ឌដង្កោនិងចៅអធិការវត្តជើងឯក ចែកអំណោយជូនដល់ពលរដ្ឋក្រីក្រ១០០គ្រួសារ
រាជធានីភ្នំពេញ ៖ លោក នុត ពុធដារ៉ា អភិបាល នៃគណៈអភិបាលខណ្ឌដង្កោ បានចូលរួមជាមួយព្រះគ្រូចៅអធិការវត្តឧត្តមមានជ័យព្រះបាទជាន់ឯក ហៅវត្តជើងឯក…
រាជធានីភ្នំពេញ ៖ លោក នុត ពុធដារ៉ា អភិបាល នៃគណៈអភិបាលខណ្ឌដង្កោ បានចូលរួមជាមួយព្រះគ្រូចៅអធិការវត្តឧត្តមមានជ័យព្រះបាទជាន់ឯក ហៅវត្តជើងឯក…
រាជធានីភ្នំពេញ ៖ លោក នុត ពុធដារ៉ា អភិបាល នៃគណៈអភិបាលខណ្ឌដង្កោ បានចូលរួមជាមួយព្រះគ្រូចៅអធិការវត្តឧត្តមមានជ័យព្រះបាទជាន់ឯក ហៅវត្តជើងឯក ស្ថិតក្នុងសង្កាត់ជើងឯក ខណ្ឌដង្កោ បាននាំអំណោយយកទៅចែកជូនដល់ប្រជាពលរដ្ឋក្រីក្រ ចាស់ជរា ចំនួន១០០គ្រួសារ កាលពីព្រឹកថ្ងៃទី២៥ ខែធ្នូ ឆ្នាំ២០១៥ ។
លោក នុត ពុធដារ៉ា អភិបាល នៃគណៈអភិបាលខណ្ឌដង្កោ បានថ្លែងនូវអំណរអរគុណចំពោះព្រះគ្រូចៅអធិការវត្ត ដែលជានិច្ចកាលតែងតែបានគិតគូរ និងយកចិត្តទុកដាក់ដល់ប្រជាពលរដ្ឋក្រីក្រ និងចាស់ជរា ហើយតែងតែបានចូលរួមចំណែកក្នុងការប្រគេននូវទេយ្យវត្ថុ និងចែកអំណោយជូនដល់ប្រជាពលរដ្ឋក្រីក្រ ។
លោកអភិបាលខណ្ឌក៏បានលើកឡើងពីការអភិវឌ្ឍន៍រីកចម្រើនរបស់ប្រទេសជាតិ ក្រោមការដឹកនាំរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងនាំយកការសាកសួរសុខទុក្ខពីសំណាក់សម្តេចតេជោ និងសម្តេចកិត្តិព្រឹទ្ធបណ្ឌិត ដល់ប្រជាពលរដ្ឋទាំងអស់ ដែលជានិច្ចកាលសម្តេចទាំងពីរតែងតែបានគិតគូរពីសុខទុក្ខ និងការលំបាកនានារបស់បងប្អូន ។
សម្ភារៈដែលត្រូវចែកជូនបងប្អូនប្រជាពលរដ្ឋក្រីក្រក្នុងឱកាសនោះក្នុង១គ្រួសារៗទទួលបាន អង្ករ២០គីឡូក្រាម មី១០កញ្ចប់ ទឹកក្រូច១០កំប៉ុង ស្ករស២គីឡូក្រាម ទឹកស៊ីអ៊ីវ១ដប ទឹកដោះគោ១កំប៉ុង មុង១ ភួយ១ កន្ទេល១ និងថវិកា១ម៉ឺនរៀលផងដែរ ៕
ចែករំលែកព័តមាននេះ