រាជធានីភ្នំពេញ ៖ កម្លាំងសមត្ថកិច្ចនគរបាលព្រហ្មទណ្ឌកម្រិតស្រាលរាជធានីភ្នំពេញ នៅព្រឹកថ្ងៃ២៨ កក្កដា ឆ្នាំ២០២១ បានអនុវត្តដីកាបង្គប់ឲ្យនាំខ្លួន ប្រធានសហគមន៍ស្វាយចេកថ្មី ពាក់ពន្ធពីបទ.លួចលក់អចលនវត្ថុអ្នកដទៃ.ប្រព្រឹត្តនៅចំណុចភូមិបែកបក និងភូមិស្វាយចេក…
រាជធានីភ្នំពេញ ៖ កម្លាំងសមត្ថកិច្ចនគរបាលព្រហ្មទណ្ឌកម្រិតស្រាលរាជធានីភ្នំពេញ នៅព្រឹកថ្ងៃ២៨ កក្កដា ឆ្នាំ២០២១ បានអនុវត្តដីកាបង្គប់ឲ្យនាំខ្លួន ប្រធានសហគមន៍ស្វាយចេកថ្មី ពាក់ពន្ធពីបទ.លួចលក់អចលនវត្ថុអ្នកដទៃ.ប្រព្រឹត្តនៅចំណុចភូមិបែកបក និងភូមិស្វាយចេក សង្កាត់គោករកា ខណ្ឌព្រែកព្នៅ រាជធានីភ្នំពេញ កាលពីអំឡុងឆ្នាំ២០១៤ ដល់ឆ្នាំ២០២០ ដែលបទល្មើសមានចែងឲ្យផ្តន្ទាទោស តាមបញ្ញតិមាត្រា២៥៥ នៃច្បាប់ភូមិបាល ។
ជនសង្ស័យឈ្មោះ ខៀវ ផល្លី ភេទប្រុស អាយុ៥០ឆ្មាំ មុខរបរ ប្រធានសហគមន៍ស្វាយចេកថ្មី ស្នាក់នៅផ្ទះលេខ១៤P០៨ ផ្លូវលេខ៦១៤ ភូមិស្វាយចេក សង្កាត់គោរកា ខណ្ឌព្រែកព្នៅ ។
សមត្ថកិច្ចឲ្យដឹងថា ការចាប់ខ្លួនប្រធានសហគមន៍ខាងលើនេះគឺអនុវត្តតាមដិកាបង្គាប់នាំខ្លួន របស់លោក កេត សុជាតិ ចៅក្រមស៊ើបសួរសាលាដំបូងរាជធានីភ្នំពេញ ។ ក្រោយចាប់ខ្លួនជនសង្ស័យ ត្រូវបានសមត្តកិច្ចនាំទៅកាន់សាលាដំបូងរាជធានីភ្នំពេញ នារសៀលថ្ងៃដដែលនេះ ដើម្បីប្រគល់ជូនចៅក្រមស៊ើបសួរចាត់ការតាមនីតិវិធី ។
ដើមចមបណ្តាលឲ្យមានការចាប់ខ្លួន ប្រធានសហគមន៍រូបនេះ ជនសង្ស័យឈ្មោះ ខៀវ ផល្លី ត្រូវបានតំណាងអយ្យការអមសា លាដំបូងរាជធានីភ្នំពេញ ធ្វើការចោទប្រកាន់ពីបទ.លួចលក់អចលនវត្ថុអ្នកដ៏ទៃ បន្ទាប់តំណាងអយ្យការបានធ្វើការបើការស៊ើបអង្កេតឃើញថាឈ្មោះ ខៀវ ផល្លី និងបក្ខពួកពិតជាមានជាប់ពាក់ព័ន្ធនិងបទល្មើសលួចលក់អចលនវត្ថុរបស់អ្នកដ៏ទៃ ។ ក្រោយពេលតំណាងអយ្យការចោទប្រកាន់ជាផ្លូវការហើយ សំណុំរឿងបានចាត់បញ្ជូនទៅចៅក្រម ដើម្បីចាត់ការតាមផ្លូវច្បាប់ ទើបសំណុំរឿងនេះបានស្ថិតនៅលោក កេត សុជាតិ ចៅក្រមស៊ើបសួរបន្តនីតិវិធី ។
ចៅក្រមស៊ើបសួរក៏បានចេញដិកាបង្គាប់ឲ្យឈ្មោះ ខៀវ ផល្លី ចូលឆ្លើយបំភ្លឺនៅក្នុងសំណុំរឿងព្រហ្មទណ្ឌមួយនេះចំនួនពីរលើក តែបុគ្គលឈ្មោះ ខៀវ ផល្លី គេចវេសមិនព្រមចូលខ្លួនតាមដីការបង្គាប់របស់ចៅក្រមស៊ើបសួរសាលាដំបូងរាជធានីភ្នំពេញនោះទេ ទើបនៅដំណាក់កាលចុងក្រោយតុលាការបានសម្រេចចេញដីកាបង្គាប់ឲ្យនាំខ្លួន ស្មើនិងចាប់ខ្លួន ជាក់ស្តែងសមត្តកិច្ចនគរបាលព្រហ្មទណ្ឌបានទៅនាំខ្លួនជនសង្ស័យដល់ផ្ទះតែម្តង ។
អង្គហេតុក្នុងសំណុំរឿងនេះត្រូវបានគេដឹងថា ឈ្មោះ ខៀវ ផល្លី បានប្រើប្រាស់រូបភាពប្រមូលបងប្អូនកូនក្មួយសាច់សារលោហិត និងបក្ខពួកផ្សេងៗ ទៀត ទៅចាប់យកដីអ្នកដ៏ទៃ ចូល កាន់កាប់យ៉ាងអាណាធិបតេយ្យ រហូតដល់ជាង៣៣ខ្ទមតូច ៗដោយអះអាងថាជាដីរបស់សហគមន៍ សល់ពីការបែងចែកជូនប្រជាពលរដ្ឋ ប៉ុន្តែធាតុពិតគឺប្រជាពលរដ្ឋដែលមានឈ្មោះពិត ប្រាកដក្នុងបញ្ជីសហគមន៍នោះ ត្រូវបានសាលារាជធានីភ្នំពេញធ្វើការដោះស្រាយចែកដីឲ្យសាងសង់ផ្ទះនៅ ថែមទាំងធ្វើប្លង់រឹងជូនរួចរាល់ទៀតផង ដោយពុំមានសេសសល់ដីឬក៍ពុំមានអ្នកដែលមិនទាន់ទទួលបានដីនោះទេ នេះបើតាមការបញ្ជាក់ពីមន្ត្រីមូលដ្ឋាន ក៍ដូចជាការអំណះអំណាងរបស់សមាជិកក្នុងសហគមន៍ ។
ដីដែលឈ្មោះ ខៀវ ផល្លី និងបក្ខពួកបានចូលរំលោភកាន់កាប់នោះ គឺជាដីដែលមានម្ចាស់ត្រឹមត្រូវទទួលស្គាល់ដោយអាជ្ញាធរមូលដ្ឋាន និងមានលិខិតបញ្ជាក់អំពីប្រវត្តកាន់កាប់ដីច្បាស់លាស់ពីម្ចាស់ដើម ដែលទទួលស្គាល់ដោយលោកមេភូមិនិងលោកចៅសង្កាត់គោគរការ ។ ហើយសាលាសង្កាត់គោករកាក៏ធ្លាប់បានជូនដំណឹងហាមឃាត់ឈ្មោះ ខៀវ ផល្លី ឲ្យបញ្ឈប់សកម្មភាពសាងសង់សំណង់លើដីអ្នកដ៏ទៃនោះតទៅទៀតដែរ រួមទាំងជូនដំណឹងឲ្យឈ្មោះ ខៀវ ផល្លី និងបក្ខពួករុះរើសំណង់ អាណាធិបតេយ្យ ចេញពីលើដីដែលមានម្ចាស់គេកាន់កាប់ត្រឹមត្រូវតាមច្បាប់ ។
ប៉ុន្តែបុគ្គលឈ្មោះ ខៀវ ផល្លី មិនគោរពតាមការណែនាំរបស់អាជ្ញាធរមូលដ្ឋានឡើយ ដោយសាររូបគេប្រកាន់ជំហរ(ឈ្នះបានដី ចាញ់បានលុយ) ។ ប្រការដូចបានរៀបរាប់នេះ ប្រជាពលរដ្ឋម្ចាស់ដី សម្រេចចិត្តពឹងពាក់មេធាវីឲ្យជួយការពារក្តី ដើម្បីតតាំងជាមួយជនឈ្មោះ ខៀវ ផល្លី តាមផ្លូវច្បាប់នោះ ៕
ចែករំលែកព័តមាននេះ