ឮសំឡេងផ្ទុះ! កូនស្រីម្ចាស់ផ្ទះភ្ញាក់ដឹងខ្លួន ស្រាប់តែឃើញភ្លើងឆេះ ស្រែកឆោឡោ
- ភ្នំពេញ
រាជធានីភ្នំពេញ ៖ ស្ត្រីចំណាស់ម្នាក់បានអះអាងថា គាត់អុជធូបនៅកន្លែងកុងម៉ា និងជំនាងផ្ទះទុកចោល ស្រាប់តែឆាបឆេះ
រាជធានីភ្នំពេញ ៖ ស្ត្រីចំណាស់ម្នាក់បានអះអាងថា គាត់អុជធូបនៅកន្លែងកុងម៉ា និងជំនាងផ្ទះទុកចោល ស្រាប់តែឆាបឆេះ
រាជធានីភ្នំពេញ ៖ ស្ត្រីចំណាស់ម្នាក់បានអះអាងថា គាត់អុជធូបនៅកន្លែងកុងម៉ា និងជំនាងផ្ទះទុកចោល ស្រាប់តែឆាបឆេះកន្លែងកុងម៉ា រាលដាលដល់ទូដាក់សម្ភារៈក្នុងផ្ទះ និងឮសម្លេងផ្ទុះ ធ្វើឱ្យកូនស្រីម្ចាស់ផ្ទះម្នាក់កំពុងគេងលក់ ភ្ញាក់ដឹងខ្លួនឡើងក៏ឃើញអណ្តាតភ្លើងកំពុងឆាបឆេះពេញផ្ទះ ភ័.យស្លន់ស្លោរត់រកបំពង់ពន្លត់អគ្គិភ័យមកបាញ់ទប់ស្កាត់ និងស្រែកឆោឡោ បង្កការភ្ញាក់ផ្អើលដល់ប្រជាពលរដ្ឋក្បែរខាង ទាញបំពង់ពន្លត់អគ្គិភ័យមកជួយបាញ់បន្ថែមទៀតទប់ស្កាត់ទាន់ពេលវេលា ។
ហេតុការណ៍ខាងលើនេះបានបង្កការភ្ញាក់ផ្អើលកាលពីវេលាម៉ោង8យប់ថ្ងៃទី27 ខែកក្កដា ឆ្នាំ2021 នៅផ្ទះជាន់ទីមួយ នៅលើផ្ទះលក់ម៉ូតូ ហុងដា កេង ហូរ ចំនុចស្តុបគីរីរម្យ ផ្លូវព្រះសីហនុ សង្កាត់វាលវង់ ខណ្ឌ7មករា រាជធានីភ្នំពេញ ។
តាមប្រភពពីម្ចាស់ផ្ទះបានប្រាប់ឲ្យដឹងថា មុនពេលកើតហេតុ គាត់បានអុជធូបនៅកន្លែងកុងម៉ា និងជំនាងផ្ទះ ទុកចោល ហើយក៏បានចុះទៅក្រោមមួយភ្លែត ស្រាប់តែមានហេតុការណ៍ភ្ញាក់ផ្អើលឆេះបែបនេះកើតឡើងតែម្ដង។
បើតាមប្រភពពីកូនស្រីម្ចាស់ផ្ទះរងគ្រោះបានប្រាប់ឲ្យដឹងថា មុនពេលកើតហេតុ នាងកំពុងគេងលង់លក់ នៅលើគ្រែក្បែរនិងភ្លើងឆេះនោះ ស្រាប់តែឮសម្លេងផ្ទុះ ធ្វើឱ្យនាងភ្ញាក់ដឹងខ្លួនឃើញភ្លើងកំពុងឆេះរាលដាលដល់ទូដាក់សម្ភារៈនៅក្បែរខ្លួន ធ្វើអោយនាងភ័.យស្លន់ស្លោ រត់ស្រវ៉ាយកបំពង់ពន្លត់អគ្គិភ័យមកបាញ់ទប់ស្កាត់ និងស្រែកឆោឡោបង្កការភ្ញាក់ផ្អើលដល់ប្រជាពលរដ្ឋក្បែរខាង ចេញមកជួយនិងយកបំពង់ពន្លត់អគ្គិភ័យជាច្រើនបំពង់ទៀតមកបាញ់ទប់ស្កាត់ទាន់ពេលវេលាផងដែរ ។
តាមប្រភពដដែលបានបន្តទៀតថា ចំពោះមូលហេតុ គឺនាងដាក់ការសន្និដ្ឋានថា បណ្ដាលមកពីម្តាយរបស់នាងអុជធូប ទុកចោលមិនប្រយ័ត្ន ក៏បណ្ដាលឲ្យមានភ្លើងឆេះបែបនេះតែម្ដង ព្រោះនៅកន្លែងកុងម៉ានោះ នាងមិនបាន បើកភ្លើងបំភ្លឺទេ ព្រោះនាងនិងម្តាយ ប្រយ័ត្នណាស់រឿងខ្សែភ្លើងក្នុងផ្ទះ ។
ក្នុងហេតុការណ៍ខាងលើនោះដែរ អគ្គិភ័យមិនបានបណ្ដាលឲ្យឆេះឆ្លងរាលដាលដល់អ្នកជិតខាងឡើយ ហើយរថយន្តពន្លត់អគ្គិភ័យក៏បានចុះមកដល់ទីតាំងជាច្រើនគ្រឿងផងដែរ តែមិនបានបាញ់ពន្លត់នោះទេ ព្រោះប្រជាពលរដ្ឋដែលនៅកន្លែងកើតហេតុ នាំគ្នាជួយពន្លត់បានទាន់ពេលវេលា និងបណ្តាលឱ្យរងការខូចខាតសម្ភារៈក្នុងផ្ទះមួយចំនួនតូចតែប៉ុណ្ណោះ ៕
ចែករំលែកព័តមាននេះ