តាមឃ្លាំមើលស្ត្រីម្នាក់គ្រប់សកម្មភាព ឆ្លៀតឱកាសចូលធ្វើសកម្មភាពផ្អើ.ល
- ភ្នំពេញ
រាជធានីភ្នំពេញ ៖ ជនសង្ស័យ២នាក់បានជិះម៉ូតូ១គ្រឿងទៅឈប់នៅមុខផ្ទះលក់អីវ៉ាន់បោះដុំមួយកន្លែង ហើយបានតាមដាន
រាជធានីភ្នំពេញ ៖ ជនសង្ស័យ២នាក់បានជិះម៉ូតូ១គ្រឿងទៅឈប់នៅមុខផ្ទះលក់អីវ៉ាន់បោះដុំមួយកន្លែង ហើយបានតាមដាន
រាជធានីភ្នំពេញ ៖ ជនសង្ស័យ២នាក់បានជិះម៉ូតូ១គ្រឿងទៅឈប់នៅមុខផ្ទះលក់អីវ៉ាន់បោះដុំមួយកន្លែង ហើយបានតាមដានមើលនូវគ្រប់សកម្មភាពម្ចាស់ផ្ទះ បន្ទាប់ពីឃើញម្ចាស់ផ្ទះដោះកាបូបលុយពីចង្កេះទុកលើធុងរួចយកមួកគ្របពីលើ និងកំពុងជាប់រវល់ភ្លេចខ្លួន ស្រាប់តែបក្ខពួកជនសង្ស័យម្នាក់ក៏បានចូលទៅធ្វើសកម្មភាពលួ.ច។ ប៉ុន្តែត្រូវបានម្ចាស់ក្រឡេកឃើញទាន់ក៏ស្រែកឆោឡោបង្កឲ្យមានការភ្ញាក់ផ្អើលនិងឃាត់ខ្លួនបានម្នាក់ដែលជាអ្នកចូលទៅលួ.ច ចំណែកម្នាក់ទៀតដែលអង្គុយលើម៉ូតូរង់ចាំនៅខាងក្រៅបានរត់គេចខ្លួនបាត់ចោលម៉ូតូតែម្ដង។
ហេតុការណ៍ខាងលើនោះបានបង្កការភ្ញាក់ផ្អើលកើតឡើងកាលពីវេលាម៉ោង១និង២០នាទីរសៀលថ្ងៃទី២៧ ខែកក្កដា ឆ្នាំ២០២១ នៅចំណុចផ្ទះលក់អីវ៉ាន់បោះដុំ មានទីតាំងតាមបណ្តោយមហាវិថី ឈ្នះ ឈ្នះ ស្ថិតក្នុងភូមិសំរោង សង្កាត់សំរោង ខណ្ឌពោធិ៍សែនជ័យ រាជធានីភ្នំពេញ។
ជនសង្ស័យម្នាក់ដែលត្រូវឃាត់ខ្លួនខាងលើនោះឈ្មោះ ចាន់ វាសនា អាយុ១៨ឆ្នាំ មុខរបរមិនពិតប្រាកដ មានទីលំនៅភូមិអណ្តូង៦ សង្កាត់គោករកា ខណ្ឌព្រែកព្នៅ រាជធានីភ្នំពេញ ។ ដោយឡែកបក្ខពួកដែលរត់គេចខ្លួនពុំទាន់ត្រូវបានស្គាល់អត្តសញ្ញាណនៅឡើយទេហើយនគរបាលកំពុងធ្វើការស្រាវជ្រាវដើម្បីឃាត់ខ្លួនបន្តទៀត។
តាមប្រភពព័ត៌មានបានឲ្យដឹងថា ទីតាំងកើតហេតុខាងលើនោះគឺមានលក់បោះដុំអីវ៉ាន់គ្រប់ប្រភេទ ហើយនៅក្នុងកាបូបដែលជនសង្ស័យលួចនោះមានប្រាក់រៀល និងដុល្លារ សរុបជាង១០លានរៀល ព្រមទាំងទូរស័ព្ទដៃចំនួន២គ្រឿងផងដែរ ។ នៅមុនពេលកើតហេតុ ជនសង្ស័យបានជិះម៉ូតូមួយគ្រឿងម៉ាកហុងដាឌ្រីម ធុនសេ១២៥ ស៊េរីឆ្នាំ២០២១ ពាក់ស្លាកលេខ 1IQ-0671ឌុបគ្នាទៅឃ្លាំមើលពីសកម្មភាពរបស់ស្ត្រីដែលជាអ្នកលក់អីវ៉ាន់ ហើយក៏ឃើញស្ត្រីរូបនោះដោះកាបូបលុយពីចង្កេះដាក់លើធុងនៅក្បែរខ្លួនរួចយកមួកមកគ្របពីលើ ។
តាមប្រភពព័ត៌មានបានបន្តថា ខណៈនោះឆ្លៀតពេលដែលស្ត្រីអ្នកលក់អីវ៉ាន់ជាប់រវល់ ស្រាប់តែបក្ខពួកជនសង្ស័យម្នាក់រត់ចូលទៅលួ.ចកាបូបលុយខាងលើ ប៉ុន្តែភ្លាមៗនោះ ស្ត្រីរូបនោះបានឃើញទាន់ស្រែកឆោឡោបង្កឲ្យមានការភ្ញាក់ផ្អើល ព្រមទាំងនាំគ្នាដេញចាប់បានម្នាក់ និងយកកាបូបលុយបានមកវិញ ។ ចំណែកបក្ខពួកម្នាក់ទៀតដែលចាំនៅខាងក្រៅបានរត់ចោលម៉ូតូ និងបានគេចខ្លួនបាត់ស្រមោល បន្ទាប់មកម្ចាស់កាបូបនិងអ្នកភូមិបានប្រគល់ជននេះទៅឲ្យនគរបាលប៉ុស្តិ៍សំរោងក្រោមនាំទៅសាកសួរនៅប៉ុស្តិ៍ដើម្បីកសាងសំណុំរឿងចាត់ការតាមច្បាប់ព្រមទាំងស្រាវជ្រាវរកចាប់ខ្លួនបក្ខពួកដែលកំពុងរត់គេចនោះផងដែរ៕
ចែករំលែកព័តមាននេះ