ក្រសួងសុខាភិបាលកម្ពុជា អនុញ្ញាតឲ្យក្រុមហ៊ុនឱសថឯកជន នាំចូលវ៉ាក់សាំងកូវីដ-១៩ មកលក់បាន
រាជធានីភ្នំពេញ ៖ ក្រសួងសុខាភិបាល នៃព្រះរាជាណាចក្រកម្ពុជា នៅថ្ងៃទី២៧ កក្កដា ២០២១នេះ បានសម្រេចអនុញ្ញាតឲ្យគ្រឹះស្ថាន អាហរ័ណ នីហរ័ណ…
រាជធានីភ្នំពេញ ៖ ក្រសួងសុខាភិបាល នៃព្រះរាជាណាចក្រកម្ពុជា នៅថ្ងៃទី២៧ កក្កដា ២០២១នេះ បានសម្រេចអនុញ្ញាតឲ្យគ្រឹះស្ថាន អាហរ័ណ នីហរ័ណ…
រាជធានីភ្នំពេញ ៖ ក្រសួងសុខាភិបាល នៃព្រះរាជាណាចក្រកម្ពុជា នៅថ្ងៃទី២៧ កក្កដា ២០២១នេះ បានសម្រេចអនុញ្ញាតឲ្យគ្រឹះស្ថាន អាហរ័ណ នីហរ័ណ ឱសថ (ក្រុមហ៊ុនឯកជន) ដែលទទួលបានការអនុញ្ញាតស្របច្បាប់ពីក្រសួងសុខាភិបាល អាចធ្វើការស្នើសុំ នាំចូលវ៉ាក់សាំងកូវីដ-១៩ ដែលបានទទួលស្គាល់ដោយអង្គការសុខភាពពិភពលោក មកលក់នៅក្នុងប្រទេសកម្ពុជាបាន ។
យោងតាមលិខិតរបស់ឯកឧត្តម ម៉ម ប៊ុនហេង រដ្ឋមន្ត្រីក្រសួងសុខាភិបាល បានបញ្ជាក់ថា ក្នុងគោលបំណងសំដៅទប់ស្កាត់ការឆ្លងរាលដាល នៃជំងឺកូវីដ-១៩ ក្រសួងសុខាភិបាល នឹងអនុញ្ញាតឲ្យគ្រឹះស្ថាន អាហរ័ណ នីហរ័ណ ឱសថ អាចធ្វើការស្នើសុំ នាំចូលវ៉ាក់សាំងកូវីដ-១៩ ដែលត្រូវបានទទួលស្គាល់ ដោយអង្គការសុខភាពពិភពលោក ដើម្បីចែកចាយចាក់ តាមទីកន្លែងផ្តល់សេវាសុខាភិបាលឯកជន ស្របច្បាប់ ក្នុងក្របខណ្ឌទូទាំងប្រទេស ដោយប្រតិបត្តិឲ្យបានត្រឹមត្រូវតាមស្តង់ដារបច្ចេកទេស ក្នុងការដឹកជញ្ជូន ការថែរក្សា និងការស្តុកវ៉ាក់សាំងកូវីដ-១៩ នៅក្នុងឃ្លាំង ដើម្បីធានាឲ្យនូវសុវត្ថិភាព និងប្រសិទ្ធភាពខ្ពស់ ។
អាស្រ័យដូចជម្រាបខាងលើ លោក-លោកស្រី ជាប្រធានគ្រឹះស្ថានអាហរ័ណ នីហរ័ណ ឱសថ ដែលមានបំណងនាំចូលវ៉ាក់សាំង កូវីដ-១៩ ត្រូវរៀបចំឯកសារ សុំនាំចូលតាមបែបបទបច្ចេកទេសរបស់ក្រសួងសុខាភិបាល ៕
ចែករំលែកព័តមាននេះ