ខេត្តស្ទឹងត្រែ ៖ តំណាងអយ្យការអមសាលាដំបូងខេត្តស្ទឹងត្រែង នៅព្រឹកថ្ងៃទី២៧ កក្កដា ២០២១ នេះ បានបញ្ជូនសំណុំរឿងជនសង្ស័យចំនួន១៥នាក់ ពាក់ព័ន្ធករណីខួងរ៉ែខុសច្បាប់នៅស្រុកថាឡាបរិវ៉ាត់ បន្តទៅចៅក្រមស៊ើបសួរហើយ។…
ខេត្តស្ទឹងត្រែ ៖ តំណាងអយ្យការអមសាលាដំបូងខេត្តស្ទឹងត្រែង នៅព្រឹកថ្ងៃទី២៧ កក្កដា ២០២១ នេះ បានបញ្ជូនសំណុំរឿង
ជនសង្ស័យចំនួន១៥នាក់ ពាក់ព័ន្ធករណីខួងរ៉ែខុសច្បាប់នៅស្រុកថាឡាបរិវ៉ាត់ បន្តទៅចៅក្រមស៊ើបសួរហើយ។ នេះបើតាមការបញ្ជាក់ពីលោក ជា សុភ័ក្រ ព្រះរាជអាជ្ញារង និងជាអ្នកនាំពាក្យនៃយអយ្យការអមសាលាដំបូងខេត្តស្ទឹងត្រែងដល់អ្នកសារព័ត៌មាន នៅព្រឹកថ្ងៃទី២៧ ខែកក្កដា នេះ។
លោក ជា សុភ័ក្រ បន្តថា ជនសង្ស័យខាងលើ អយ្យការបានចោទប្រកាន់ចំនួន០៣បទល្មើស ទី១-រុករករ៉ែគ្មានអាជ្ញាបណ្ណ ទី២-អន្តោប្រវេសន៍ និងទី៣-មានសារធាតុញៀន។ កាលពីថ្ងៃទី២៦ កក្កដា ម្សិលមិញ អស់រយ:ពេលមួយថ្ងៃពេញ កម្លាំងអាវុធហត្ថបានបញ្ជូនជនសង្ស័យទាំងនោះ តាមរថយន្តសឺរ៉ែនទៅកាន់សាលាដំបូងខេត្តអោយតុលាកាតធ្វើការសាកសួរពាក់ពន្ធករណីខួងរ៉ែខាងលើ ដើម្បីចាត់ការបន្ត។
គួររំលឹកថា កម្លាំងងរាជអាវុធហត្ថខេត្តស្ទឹងត្រែង ដែលបានដឹកនាំដោយព្រះរាជអាជ្ញារង ជា សុភ័ក្រ បានចុះទៅដល់ចំណុចទីកន្លែងខួងរណ្តៅរ៉ែ ដោយសង្ស័យថា អនុវត្តខុសគោលការច្បាប់ស្តីពីរ៉ែថាមពលនៅចំណុចអូរធំ អូរពពូលក្នុងភូមិអន្លង់ស្វាយ ឃុំ
អូររៃ ស្រុកថាឡាបរិវ៉ាត់ របស់ក្រុមហ៊ុនហ្គ្រែនដា អុិនធេីណេសិនណល ស្ទីល ឯ.ក ក្នុងនោះក៏បានឃាត់ខ្លួនជនសង្ស័យរួមអ្នកពាក់ព័ន្ធសរុបចំនួន១៥នាក់និងរឹបអូសសម្ភារៈម៉ានខួងខ្នាតតូចនិងធំចំនួន៧គ្រឿង រូមវត្ថុតាងជាច្រើនទៀត។
លោក នូ សុវណ្ណារា ប្រធានមន្ទីររ៉ែនិងថាមពលបានទទួលស្គាល់ថា ករណីខួងរ៉ែរបស់ក្រុមហ៊ុនហ្គ្រែនដា (ខេមបូឌា) អ៊ិនធើណេសិនណល ឯ.ក ពិតជានឹងខុសច្បាប់ប្រាកដមែន ពីព្រោះច្បាប់រុករករ៉ែដែលក្រុមហ៊ុនបានស្នើសុំ នៅពុំទាន់ធ្លាក់មក បែរជាក្រុមហ៊ុនធ្វើសកម្មភាពខួងរ៉ែ មុនច្បាប់អនុញ្ញាត ។ លោកថា ក្នុងករណីនេះយោងតាមច្បាប់រ៉ែថាមពល ក្នុងមាត្រាទី៣៣ គឺមិនអាចឃាត់ឬចាប់ខ្លួនគេនិងដកហូតសម្ភារៈរបស់គេឡើយ ច្បាប់រ៉ែ និងថាមពល បានចែងថា ក្នុងករណីដែលក្រុមហ៊ុនបានធ្វើខុសលើកទី១ ត្រូវពិន័យជាប្រាក់១លានរៀល ក្នុង១ថ្ងៃ ហើយបើមិនរៀងចាល ធ្វើខុសជាលើកទី២ត្រូវពិន័យទ្វេរដង ហើយប្រសិនល្មើសជាលើកទី៣ គឺត្រូវរឹបអូសសម្ភារៈនិងឃាត់ខ្លួនបញ្ជូនទៅតុលាការតែម្តង ៕
ចែករំលែកព័តមាននេះ