ខេត្តសៀមរាប៖ កម្លាំងនគរបាលនៃអធិការដ្ឋានក្រុងសៀមរាប បានសហការជាមួយកម្លាំងប៉ុស្តិ៍នគរបាលសង្កាត់ស្វាយដង្គំ បានចុះបង្ក្រាបក្រុមញៀនល្បែងស៊ីសងខុសច្បាប់ ដោយឃាត់ខ្លួនមនុស្សប្រុស ស្រី ៩នាក់។ អ្នកទាំងនោះ ល្មើសនឹងវិធានការរដ្ឋបាល ក្នុងពេលមេរោគកូវីដ១៩ ផ្ទុះឡើង។ ហេតុការណ៍ចុះចាប់ពួកញៀនល្បែងប្រុសស្រីទាំង ៩នាក់នោះ ធ្វើឡើង នៅថ្ងៃទី២៤ ខែកក្កដា ឆ្នាំ២០២១ វេលាម៉ោង ១៧ និង១០នាទី ស្ថិតនៅចំណុចផ្ទះជួល ក្នុងភូមិសាលាកន្សែង សង្កាត់ស្វាយដង្គំ ក្រុងសៀមរាប។
សមត្ថកិច្ចនគរបាលក្រុង បានប្រាប់ថា ប្រតិបត្តិការបង្ក្រាបអ្នកលេងល្បែងស៊ីសងខុសច្បាប់ ចាប់បានមនុស្ស ៩នាក់ ក្នុងនោះ មានស្រី ២នាក់ រួមមាន ៖ ១.ឈ្មោះ គិម ស៊ុន ភេទប្រុស អាយុ ៤៨ឆ្នាំ រស់នៅភូមិចុងកៅស៊ូ សង្កាត់ស្លក្រាម ក្រុងសៀមរាប។ ២.ឈ្មោះ វ៉ា ង៉ិក ភេទស្រី អាយុ ៣១ឆ្នាំ រស់នៅភូមិរហាល ឃុំត្បែង ស្រុកបន្ទាយស្រី ខេត្តសៀមរាប។ ៣.ឈ្មោះ ឈិក គិម ហួន ភេទស្រី អាយុ ៣០ឆ្នាំ នៅភូមិជន្លង់ សង្កាត់សាលាកំរើក ក្រុងសៀមរាប។ ៤.ឈ្មោះ សុខ ម៉ៅ ភេទប្រុស អាយុ៣៩ឆ្នាំ នៅភូមិធ្លកអណ្តូង សង្កាត់ស្លក្រាម ក្រុងសៀមរាប។ ៥.ឈ្មោះ យាន ចេង ភេទប្រុស អាយុ៦៥ឆ្នាំ នៅភូមិតាវៀន សង្កាត់សាលាកំរើក ក្រុងសៀមរាប។ ៦.ឈ្មោះ រស់ គីម ភេទប្រុស អាយុ៦៥ឆ្នាំ នៅភូមិវិហារចិន សង្កាត់ស្វាយដង្គំ ក្រុងសៀមរាប។ ៧.ឈ្មោះ លឹម សុជាតិ ភេទប្រុស អាយុ៤៦ឆ្នាំ នៅភូមិពោធិបន្ទាយជ័យ សង្កាត់សៀមរាប ក្រុងសៀមរាប។ ៨.ឈ្មោះ វ៉ាន់ ណារ៉េត ភេទស្រី អាយុ៥៣ឆ្នាំ នៅ ភូមិ តាវៀន សង្កាត់សាលាកំរើក ក្រុងសៀមរាប។ ៩.ឈ្មោះ ជួប វីរះ ភេទប្រុស អាយុ៥១ឆ្នាំ នៅភូមិរហាល ឃុំត្បែង ស្រុកបន្ទាយស្រី ខេត្តសៀមរាប។
ប្រភពបាន បញ្ជាក់ថា សមត្ថកិច្ច ក៏ដកហូតវត្ថុតាងបាន រួមមាន៖ ម៉ូតូចំនួន ០៩គ្រឿង និងបៀ ចំនួន ០៣ហ៊ូ។
ក្រុមញៀនល្បែងខុសច្បាប់នោះ និងម៉ូតូ ត្រូវបានកម្លាំងនគរបាលជំនាញនៃអធិការនគរបាលក្រុងសៀមរាប បានធ្វើកិច្ចសន្យាបញ្ឈប់ការលេងល្បែងស៊ីសង និងធ្វើការអប់រំ ឱ្យត្រឡប់ទៅផ្ទះរៀងៗខ្លួនវិញ៕ ច័ន្ទ រស្មី
ចែករំលែកព័តមាននេះ