ADផ្ទាំងផ្សព្វផ្សាយពាណិជ្ជកម្ម

Picture

ការពិតទាំង ២០ ដែលឪពុកម្តាយត្រូវដឹងអំពីកូនជំទង់ក្នុងពេលបច្ចុប្បន្ន

2 ឆ្នាំ មុន
  • ភ្នំពេញ

រាជធានីភ្នំពេញ ៖ រៀងរាល់ពីរឆ្នាំ ទស្សនាវដ្តីដ៏មានប្រជាប្រិយបំផុតរបស់អូស្រ្តាលីឈ្មោះ Dolly បានក្រឡេកមើលភាពជាប់លាប់នៅក្នុងជីវិតរបស់ក្មេងជំទង់ដូចជាសាលារៀន រឿងផ្លូវភេទ ទំនាក់ទំនង ស្រា ក្រុមគ្រួសារ…

រាជធានីភ្នំពេញ ៖ រៀងរាល់ពីរឆ្នាំ ទស្សនាវដ្តីដ៏មានប្រជាប្រិយបំផុតរបស់អូស្រ្តាលីឈ្មោះ Dolly បានក្រឡេកមើលភាពជាប់លាប់នៅក្នុងជីវិតរបស់ក្មេងជំទង់ដូចជាសាលារៀន រឿងផ្លូវភេទ ទំនាក់ទំនង ស្រា ក្រុមគ្រួសារ និងរាងកាយ ហើយតាមដាននូវគំនិត អាកប្បកិរិយា និងនិន្នាការដែលមានឥទ្ធិពលលើពួកគេ ។ ផ្អែកលើការយល់ដឹងថ្មីៗដែលបានផ្តល់ដោយការស្ទង់មតិ ខាងក្រោមនេះមានរឿងរ៉ាវចំនួន ២០ ដែលអ្នកគួរតែដឹងក្នុងនាមជាអ្នកអប់រំ ឬឪពុកម្តាយដែលពាក់ព័ន្ធនឹងក្មេងជំទង់សព្វថ្ងៃនេះ ។

១. ក្មេងជំទង់សព្វថ្ងៃនេះធំឡើងក្នុងគ្រួសារតូចៗ ដែល ៤៥ ភាគរយ មានបងប្អូនបង្កើតម្នាក់ ឬក៏អត់ ហើយម្នាក់ក្នុងចំណោមបីនាក់មានឪពុកម្តាយដែលមិនដែលរៀបការ ឬអ្នកដែលមិនទាន់រៀបការ ។ ពួកគេភាគច្រើនស្តាប់ឪពុកម្តាយ ប៉ុន្តែពួកគេក៏យល់ស្របដែរថា វាល្អប្រសិនបើមានយោបល់ ឬជំនឿខុសគ្នាពីឪពុកម្តាយរបស់ពួកគេ ។

២. គ្រួសារមានសារៈសំខាន់ណាស់ចំពោះក្មេងជំទង់ ប៉ុន្តែអ្វីមួយពិត​ប្រាកដទៀតនោះគឺ ពួកគេមិនអាចរស់នៅដោយគ្មានទូរស័ព្ទដៃឡើយ ។ ចំនួនក្មេងជំទង់ដែលមានស្មាតហ្វូនបានកើនឡើងទ្វេដងក្នុងរយៈពេលពីរឆ្នាំ ។ ឥឡូវនេះក្មេងជំទង់ ៨០ ភាគរយមានស្មាតហ្វូនប្រើ ។

៣. ការគំរាមកំហែង ឬសម្លុតនៅតែជាក្តីកង្វល់ធំបំផុតមួយសម្រាប់យុវជន ។ ការសម្លុតតាមអ៊ិនធើណេតលើក្មេងស្រីវ័យជំទង់បានកើនឡើងយ៉ាងខ្លាំងក្នុងរយៈពេលពីរឆ្នាំ ។ ក្នុងឆ្នាំ ២០១១ ក្មេង ៩ ភាគរយបាននិយាយថា ពួកគេត្រូវបានគេធ្វើបាប ។ ក្នុងឆ្នាំ ២០១៣ វាមានដល់ទៅ ៣៦% ។

៤. ការសម្លុតធ្វើបាបក្មេងប្រុសភាគច្រើនកើតឡើងនៅសាលារៀន ។

៥. ការបាត់បង់ព្រហ្មចារីរបស់ពួកគេចាប់ផ្តើមនៅក្នុងក្រុមអាយុនេះ ។ នៅអូស្រ្តាលី ១៦ ភាគរយនៃក្មេងអាយុពី ១៤ ទៅ ១៧ ឆ្នាំសារភាពថា បានរួមភេទ ដោយភាគច្រើននិយាយថា ពួកគេបាត់បង់ព្រហ្មចារីរបស់ខ្លួនទៅមិត្តស្រី ឬមិត្តប្រុស។

៦. ការជក់បារី ស្ថិតនៅខាងក្រៅ ។ មានតែ ១២ ភាគរយ និង ៨ នាក់ក្នុងចំណោម ១០ នាក់ចង់ឱ្យឪពុកម្តាយឈប់ជក់បារី ។

៧. ការផឹកស្រានៅតែមានប្រជាប្រិយភាព ។ ក្មេងចំនួន ៤១ ភាគរយនិយាយថា ពួកគេធ្លាប់ស្រវឹង ហើយអាយុជាមធ្យមដែលក្រុមនេះបានភ្លក់ជាតិស្រវឹងដំបូង គឺនៅអាយុ ១៤ ឆ្នាំ ។

៨. មនុស្សគ្រប់គ្នាធ្វើវា ។ ៩៩ ភាគរយនិយាយថា វាអាចទទួលយកបានក្នុងការផឹកស្រាម្តងម្កាល ។

៩. ឪពុកម្តាយរបស់ពួកគេធ្វើឱ្យពួកគេងាយស្រួលផឹក ។ ក្មេងជំទង់ចំនួន ៣៤ ភាគរយក្នុងវ័យ ១៤-១៧ ឆ្នាំនិយាយថា ឪពុកម្តាយរបស់ពួកគេបានទិញស្រាឱ្យពួកគេ ។

១០. រូបរាងខាងក្រៅផ្សារភ្ជាប់ទៅនឹងទម្ងន់ ហើយហេតុផលទីមួយដែលក្មេងស្រីចង់សម្រកទម្ងន់ គឺចង់ឱ្យមើលទៅស្អាត ។ ក្មេងស្រី ៥២ ភាគរយចង់សម្រកទម្ងន់ ប៉ុន្តែមានតែ ៣៣ ភាគរយប៉ុណ្ណោះដែលគិតថា ពួកគេធាត់លើសទម្ងន់ ។

១១. បណ្តាញអ៊ីនធើណេតជំរុញជីវិតយុវវ័យ ក្មេងជំទង់ម្នាក់ក្នុងចំណោមក្មេងជំទង់ពីរនាក់មានសម្ពាធថេរក្នុងការតាមដានព័ត៌មានសង្គម ហើយត្រូវការឆែកបណ្តាញសង្គមជាប្រចាំ ។

១២. យុវវ័យមានភាពវ័យឆ្លាតខ្លាំងក្នុងការប្រើប្រាស់ហ្វេសប៊ុកល្អជាង ២ ឆ្នាំកន្លងមក ។ ពួកគេមានមិត្តភក្តិហ្វេសប៊ុកតិចជាងមុន ហើយឥឡូវនេះពួកគេទំនងជាប្រើហ្វេសប៊ុកដើម្បីរក្សាទំនាក់ទំនងជាមួយមិត្តភក្តិពិតប្រាកដ ជាជាងប្រមូលមិត្តភក្តិនិម្មិត និងដើម្បីតែទទួលបានការ “ចូលចិត្ត ឬ Like” ។

១៣. ពួកគេក៏ដឹងអំពីសុវត្ថិភាពផងដែរ ។ មានតែក្មេងជំទង់ ៤% ប៉ុណ្ណោះដែលមានប្រវត្តិរូបសាធារណៈទាំងស្រុង ។

១៤. ក្មេងស្រីត្រូវជ្រើសរើសដោយប្រើប្រាស់បណ្តាញសង្គម ។ ពួកគេកំពុងប្រើហ្វេសប៊ុកដើម្បីភ្ជាប់ទំនាក់ទំនងជាមួយមិត្តភក្តិ ជាកន្លែងច្នៃប្រឌិត និងជាទម្រង់សិល្បៈនៃការបង្ហាញពីខ្លួនឯង ។

១៥. យុវវ័យសព្វថ្ងៃនេះមិនប្រាកដប្រជាអំពីអនាគតទេ ។ ការព្រួយបារម្ភដ៏ធំបំផុតរបស់ពួកគេ គឺទទួលបានការងារល្អ បន្ទាប់មកតម្រូវការរកលុយ និងសម្រេចបាននូវសន្តិសុខហិរញ្ញវត្ថុ ។

១៦. នេះ គឺជាស្ថិតិគួរឱ្យព្រួយបារម្ភ ដែលអាចជាសញ្ញានៃពេលវេលា ។ ២៧ % នៃក្មេងស្រី និងក្មេងប្រុស ៣៦% គិតថា ជំនាន់របស់ពួកគេនឹងមិនល្អប្រសើរជាងឪពុកម្តាយរបស់ពួកគេទេ ។

១៧. នេះអាចនាំក្មេងស្រីជាពិសេស ដើម្បីវិនិយោគអនាគតរបស់ពួកគេ ។ ក្មេងស្រី ៤៦% (បើប្រៀបធៀបទៅនឹងក្មេងប្រុស ២៦%) កំពុងសន្សំប្រាក់សម្រាប់ពេលអនាគត ខណៈក្មេងស្រី ២៧% (ហើយក្មេងប្រុស ៥% ប៉ុណ្ណោះ) សន្សំប្រាក់សម្រាប់ការសិក្សានៅសាកលវិទ្យាល័យ ។

១៨. ពួកគេចូលចិត្ត “ជួយ” ។ ៨០% នៃក្មេងជំទង់និយាយថា ពួកគេចង់ស្ម័គ្រចិត្តពេលវេលារបស់ពួកគេដើម្បីជួយអ្នកដទៃ ។

១៩. ក្មេងស្រី ៨០% បើប្រៀបធៀបទៅនឹងក្មេងប្រុស ៧២% ជឿថា ពួកគេត្រូវការការអប់រំថ្នាក់ឧត្តម ដើម្បីទទួលបានជោគជ័យ ។ វាមិនបានផ្លាស់ប្តូរក្នុងរយៈពេលពីរឆ្នាំទេ ។

២០. ភាពតានតឹង គឺមកពីគ្រប់ទិសទី ។ ក្នុងឆ្នាំ ២០១១ ភាពតានតឹងរបស់ក្មេងជំទង់ភាគច្រើនកើតចេញពីគ្រូនៅសាលា ។ ក្នុងឆ្នាំ ២០១៣ សម្ពាធពីសាលារៀននៅតែជាកត្តាមួយ ប៉ុន្តែវាត្រូវបានចូលរួមដោយសម្ពាធពីឪពុកម្តាយ និងខ្លួនឯងថា ត្រូវធ្វើឱ្យបានល្អ ។ សម្ពាធក្នុងការរក្សាភាពទាន់សម័យ និងបង្ហាញរូបភាពដែលអាចធ្វើបានល្អបំផុតនៅលើប្រព័ន្ធផ្សព្វផ្សាយសង្គមក៏ជាប្រភពនៃភាពតានតឹងផងដែរ ៕

អត្ថបទនេះផលិតឡើងក្រោមកិច្ចសហប្រតិបត្តិការជាមួយសាលារៀនវ៉េស្ទឡាញន៍ និង សាលារៀនណត្សឡាញន៍ ។ សាលារៀនវ៉េស្ទឡាញន៍ និង សាលារៀនណត្សឡាញន៍ ផ្តល់ជូននូវសេវាកម្មអប់រំ មត្តេយ្យភាសាខែ្មរ និងអង់គ្លេស ចំណេះទូទៅខ្មែរ (ថ្នាក់ទី ១ ដល់ទី ១២) ភាសាចិន និងភាសាអង់គ្លេសប្រកបដោយគុណភាព គុណធម៌ មនុស្សធម៌ សុជីវធម៌ និងភាពជាអ្នកដឹកនាំ ជូនដល់សិស្សានុសិស្សគ្រប់រូប ។ អបអរសាទរ បវេសនកាលថ្មី ឆ្នាំសិក្សា ២០២១២០២២ សាលារៀនផ្តល់ជូនដូចខាងក្រោម ៖

– អាហារូបករណ៍ពិសេសរហូតដល់ ២៥% លើកតម្លៃសិក្សា

– ឥតគិតថ្លៃសេវាចុះឈ្មោះចូលរៀនលើកដំបូងសម្រាប់សិស្សថ្មី

– ធានារ៉ាបរងគ្រោះថ្នាក់បុត្រធីតា (ជម្រើសជាឆ្នាំសិក្សា)

– ការពារការសិក្សាបុត្រធីតារហូតដល់ ៥ ឆ្នាំ (ជម្រើសជាឆ្នាំសិក្សា)

– សម្រាប់ការចុះឈ្មោះចូលរៀនត្រឹមថ្ងៃទី ០១/០៨/២០២១ (កម្មវិធីមត្តេយ្យខ្មែរ អង់គ្លេស និងភាសាចិន) និងត្រឹមថ្ងៃទី ២២/០៨/២០២១ (កម្មវិធីចំណេះទូទៅខ្មែរ ថ្នាក់ទី ១ ដល់ទី ១២)

– សូមទំនាក់ទំនងទូរស័ព្ទលេខ ៖ ០៩២ ៨៨៨ ៤៩៩ / ០១៥ ៨០៥ ១២៣ សម្រាប់ព័ត៌មានបន្ថែម ។