បន្ទាយមានជ័យ ៖ រយៈពេល៣ថ្ងៃពលករខ្មែរដែលត្រឡប់ពីប្រទេសថៃចូលមកកម្ពុជាវិញតាមច្រកភូមិសាស្គ្រខេត្តបន្ទាយមានជ័យមានចំនួន៨៣៩នាក់ មានវិជ្ជមានកូវីដ១៩មានចំនួន២១៨នាក់ រហូតដល់ថ្ងៃទី២៥ ខែកក្តដា ឆ្នាំ២០២១នេះ ។
លោក លី សុវណ្ណារិទ្ធ អភិបាលរងខេត្តបន្ទាយមានជ័យបានអោយដឹងថា ៖ រយៈពេល៣ថ្ងៃនេះ ពលករខ្មែរបានត្រឡប់ពីប្រទេសថៃមានចំនួន៨៣៩នាក់ ស្រី៣៧៣នាក់ មានវិជ្ជមានកូវីដ១៩ មានចំនួន២១៨នាក់ ស្រី១០៦នាក់ ។
លោកបានបញ្ជាក់ថា ៖ នៅថ្ងៃទី២៣ ខែកក្កដានេះ ពលករខ្មែរត្រឡប់ពីប្រទេសថៃចូលមកកម្ពុជាមានចំនួន២៤១នាក់ ស្រី១០៣នាក់ វិជ្ជមានកូវីដ.១៩មានចំនួន៥២នាក់ ស្រី១៩នាក់ ថ្ងៃទី២៤ ខែកក្កដា ឆ្នាំ២០២១មានចំនួន៣៣៤នាក់ស្រី១៤៨នាក់ វិជ្ជមានកូវីដ.១៩ចំនួន៨០នាក់ស្រី៤២នាក់ ថ្ងៃទី២៥ ខែកក្កដា ឆ្នាំ២០២១ មានចំនួន២៦៤នាក់ ស្រី១២២នាក់ វិជ្ជមានកូវីដ.១៩មានចំនួន៨៦នាក់ ស្រី៤៥នាក់ ។
លោក លី សុវណ្ណារិទ្ធ បានបញ្ជាក់ថា៖ពលករខ្មែរដែលត្រឡប់ពីប្រទេសថៃចូលមកកម្ពុជាក្នុងភូមិសាស្គ្រខេត្តបន្ទាយមានជ័យ ដែលត្រូវក្រុមការងារទទួលពិនិត្យមានច្រកអូរបីជាន់ស្រុកអូរជ្រៅ ច្រកបឹងត្រគួន ស្រុកថ្មពួក ច្រកបឹងបេងស្រុកម៉ាឡៃ ក្រោយពេលទទួលពីក្រុមការងារពិនិត្យសុខភាព និងយកសំណាកធ្វើតេស្តបើរកឃើញវិជ្ជមានកូវីដ.១៩ ត្រូវបានបញ្ជូនទៅមណ្ឌលព្យបាល និងអ្នកដែលអវិជ្ជមានកូវីដ.១៩បញ្ជូនទៅមណ្ឌលធ្វើចត្តាឡីស័ករយៈពេល២១ថ្ងៃ តាមការណែនាំរបស់ក្រសួងសុខាភិបាល ៕
ចែករំលែកព័តមាននេះ