សហរដ្ឋអាមេរិក ៖ ភ្លើងឆេះព្រៃដ៏ធំនៅរដ្ឋកាលីហ្វ័រនីញ៉ា ដែលបំផ្លាញរួចហើយព្រៃឈើទំហំ ស្មើនឹងទីក្រុងស៊ីកាហ្គោនោះពិតជា គ្រោះមហន្តរាយមួយ ដែលពេលនេះប្រែក្លាយ ទៅជាការបំផ្លាញបរិកាសរបស់រដ្ឋនោះផ្ទាល់ ខណៈពួកអ្នកពន្លត់ភ្លើងកំពុងខិតខំតតាំងកាន់តែលំបាកនាថ្ងៃទី២៦កក្កដា។
អ្នកពន្លត់ភ្លើងដល់ទៅ៥.៤០០នាក់ត្រូវបានកេណ្ឌប្រមូល ប្រឈមមុខនឹងអណ្ដាតភ្លើងនៅតំបន់ឆេះព្រៃDIXIE FIRE នាភាគខាងជើងកាលីហ្វ័រនីញ៉ា។ ភ្លើងឆេះព្រៃដែលកាន់តែរីកធំ ពីពាក់កណ្ដាលខែកក្កដាមក ដោយសារធាតុអាកាសក្ដៅខ្លាំងនិងខ្យល់ខ្លាំង។
DIXIE FIRE ភ្លើងដែលឆេះព្រៃរយៈពេលប៉ុន្មានថ្ងៃចុងក្រោយនេះ បានបង្កើតរួចហើយនូវពពកផ្សែង ហៅពពកPYROCUMULUSដែលអាចបង្កឲ្យមានរន្ទះ ខ្យល់បោកបក់ខ្លាំងនិងនាំឲ្យមានការវិលត្រឡប់វិញនៃភ្លើងឆេះព្រៃ។
អ្នកជំនាញការខាងឧតុនិយមអាមេរិកមួយរូប លោកស្រី JULIA RUTHFORD បានប្រកាសអាសន្នថា ថ្ងៃស្អែកនឹងអាចកាន់តែលំបាកបំផុត ប្រសិនបើពពកទាំងនោះ ឡើងកាន់តែខ្ពស់អាចបង្កើតជារន្ទះនាំឲ្យមានភ្លើងឆេះព្រៃ នៅកន្លែងចាស់ឬនៅកន្លែងថ្មីៗទៀត៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ