ភាគខាងកើតចិនកាលពីថ្ងៃទី២៥កក្កដារងការវាយប្រហារ ដោយព្យុះទីហ្វុងឈ្មោះ IN-FA ខណៈអាជ្ញាធរបានផ្អាកជើងហោះហើរនានា នៃយន្តហោះទៅកាន់ក្រុងសៀងហៃនិងតំបន់ឆ្នេរសមុទ្រមួយចំនួន
ប្រទេសចិន ៖ ភាគខាងកើតចិនកាលពីថ្ងៃទី២៥កក្កដារងការវាយប្រហារ ដោយព្យុះទីហ្វុងឈ្មោះ IN-FA ខណៈអាជ្ញាធរបានផ្អាកជើងហោះហើរនានា នៃយន្តហោះទៅកាន់ក្រុងសៀងហៃនិងតំបន់ឆ្នេរសមុទ្រមួយចំនួនភាគខាងប្រទេស ព្រមទាំងបញ្ជាឲ្យបិទបណ្ដាហាងទំនិញនិងមេត្រូ។
យោងតាមមជ្ឈមណ្ឌលតស៊ូប្រឆាំងទឹកជំនន់ខេត្តថា ព្យុះនេះបានបោកបក់មកដល់ដែនដីនៃខេត្តភាគខាងកើតហ្សេជាំង នាវេលាថ្ងៃត្រង់ថ្ងៃទី២៥កក្កដា ជាមួយកម្លាំងខ្យល់ដល់ទៅ៣៨ម៉ែត្រក្នុង១វិនាទី។ IN-FAជាព្យុះទី៦ប្រចាំឆ្នាំ បានបោកបក់ដំបូងគេលើទីក្រុងZHOUSHAN នាវេលាម៉ោង១២និង៣០នាទីម៉ោងក្នុងស្រុក។
តាមការព្យាករណ៍ឧតុនិយមថា ព្យុះនេះ វាយប្រហារជាលើកទី២ លើបណ្ដាតំបន់ឆ្នេររវាងក្រុងJIAXING និងក្រុងZHEJIANGព្រមទាំងលើទីក្រុងគីដុងខេត្តJIANGSU នាយប់ថ្ងៃទី២៥កក្កដា។ ព្យុះនេះបណ្ដាលឲ្យមានភ្លៀងធ្លាក់ខ្លាំង ក្នុងបណ្ដាខេត្តនាភាគខាងកើតចិន។ វាបានបង្កការខូចខាតធ្ងន់ធ្ងររួចហើយ ក្នុងខេត្តហ្សេជាំង ជាមួយភ្លៀងធ្លាក់ខ្លាំង ខ្យល់បោកបក់ខ្លាំងព្រមទាំងទឹកជំនន់។
ផ្លូវថ្នល់នានា ត្រូវទឹកជន់លិចព្យុះវាយប្រហារលើប្រទេសចិន ខណៈភាគកណ្ដាលប្រទេស ត្រូវលិចលង់ដោយទឹកជំនន់ខ្លាំងកំពូល កាលពីសប្ដាហ៍មុនដែលបណ្ដាលឲ្យមនុស្សស្លាប់ដល់៥៨នាក់ បណ្ដាលឲ្យដាច់ភ្លើងនិងនាំឲ្យមានការជម្លៀសមនុស្សចេញជាង១លាននាក់។ ព្យុះនេះកំពុងតែបោកបក់ឆ្ពោះទៅទិសខាងជើង តាមបណ្ដោយឆ្នេរសមុទ្រខេត្តហ្សេជាំង ដោយកាត់លើក្រុងសៀងហៃ មុនពេលទៅដល់ខេត្តJIANGSU៕ ដកស្រង់ចេញពីវេបសាយ ៖ xinhuanet
ចែករំលែកព័តមាននេះ