ចិនរាយការណ៍ករណីឆ្លងកូវីដច្រើនមិនធ្លាប់មាន ចាប់តាំងពីចុងខែមករាមក
ចិន ៖ ប្រទេសចិនបានរាយការណ៍ករណីឆ្លងកូវីដ១៩ ចំនួន៧៦ករណី កាលពីថ្ងៃទី២៥ ខែកក្កដា កន្លងទៅ។ ដែលជាតួលេខខ្ពស់
ចិន ៖ ប្រទេសចិនបានរាយការណ៍ករណីឆ្លងកូវីដ១៩ ចំនួន៧៦ករណី កាលពីថ្ងៃទី២៥ ខែកក្កដា កន្លងទៅ។ ដែលជាតួលេខខ្ពស់
ចិន ៖ ប្រទេសចិនបានរាយការណ៍ករណីឆ្លងកូវីដ១៩ ចំនួន៧៦ករណី កាលពីថ្ងៃទី២៥ ខែកក្កដា កន្លងទៅ។ ដែលជាតួលេខខ្ពស់បំផុត ចាប់តាំងពីចុងខែមករា ឆ្នាំ២០២១ ចំពេលមានការកើនឡើងករណីឆ្លងក្នុងសហគមន៍នៅភាគខាងកើតទីក្រុង Nanjing ខេត្ត Jiangsu។
គណៈកម្មាធិការសុខភាពជាតិបានលើកឡើងក្នុងសេចក្តីថ្លែងការណ៍មួយ ដែលចេញផ្សាយនៅថ្ងៃច័ន្ទនេះថា ការឆ្លងក្នុងសហគមន៍មានចំនួន៤០ករណីថ្មី។ របាយការណ៍បានបន្តថា ករណីក្នុងសហគមន៍ចំនួន៣៥ករណី ត្រូវបានរាយការណ៍នៅភាគខាងកើតខេត្ត Jiangsu និង១ករណីនៅភាគឦសានខេត្ត Liaoning។
ដោយឡែកករណីមិនចេញរោគសញ្ញា ដែលប្រទេសចិនមិនបានចាត់ថ្នាក់ជាករណីផ្លូវការ ត្រូវបានរកឃើញកើនឡើងដល់២៤ករណី បើធៀបតួលេខចាស់មានត្រឹម១៧ករណីក្នុងមួយថ្ងៃ។ ហើយក្នុងចំណោមករណីមិនចេញរោគសញ្ញានេះ មាន៤ករណីនៅក្នុងសហគមន៍ចេញពីខេត្ត Jiangsu, Guangdong, Anhui និងខេត្ត Sichuan។
យោងតាមកាសែតចិន China Daily បានឱ្យដឹងថា បច្ចុប្បន្នទីក្រុង Nanjing កំពុងក្លាយជាតំបន់មានកម្រិតហានិភ័យខ្ពស់នៃការឆ្លងវីរុសកូវីដ១៩។ ខណៈពេលដែលនៅឯតំបន់ផ្សេងទៀត កំពុងស្ថិតនៅកម្រិតមធ្យមនៅឡើយ។
សូមបញ្ជាក់ជូនថា សរុបករណីឆ្លងកូវីដ១៩ នៅចិនដីគោកមានចំនួន៩២,៦០៥ករណី។ ហើយចំនួនអ្នកស្លា.ប់សរុបមានចំនួន ៤,៦៣៦នាក់៕ (ដកស្រង់ចេញពី Straits Times)
ចែករំលែកព័តមាននេះ