ផាន់ គ្រាន់ នៅតែមិនអាចសងសឹក ឡុង សំណាងបានសម្រេចដដែល
- ភ្នំពេញ
រាជធានីភ្នំពេញ ៖ ទីបំផុត កីឡាករផាន់ គ្រាន់ មកពីក្លិបពុទ្ធសេរីវង្សខណ្ឌពោធិសែនជ័យ នៅតែមិនអាចមានឱកាសសងសឹក
រាជធានីភ្នំពេញ ៖ ទីបំផុត កីឡាករផាន់ គ្រាន់ មកពីក្លិបពុទ្ធសេរីវង្សខណ្ឌពោធិសែនជ័យ នៅតែមិនអាចមានឱកាសសងសឹក
រាជធានីភ្នំពេញ ៖ ទីបំផុត កីឡាករផាន់ គ្រាន់ មកពីក្លិបពុទ្ធសេរីវង្សខណ្ឌពោធិសែនជ័យ នៅតែមិនអាចមានឱកាសសងសឹកបានសម្រេចដដែល ។ បន្ទាប់ពីឆ្លងកាត់ការប្រកួតពេញ៥ទឹកត្រូវលោកអាជ្ញាកណ្ដាលប្រកាសឱ្យចាញ់ពិន្ទុឡុង សំណាង ក្លិបសាលវ័ន្តកីឡាដាច់ទាំង៥ទឹកតែម្ដង។
កីឡាករផាន់ គ្រាន់ ធ្លាប់ប្រកួតចាញ់ពិន្ទុឡុង សំណាងម្ដងកាលពីចុងឆ្នាំ២០២០ នៅក្នុវគ្គពាក់កណ្ដាលផ្ដាច់ដណ្ដើមខ្សែក្រវាត់ទូរទស្សន៍បាយ័ន្ត ។ អស់រយៈពេលជិតមួយឆ្នាំមកនេះគេទើបតែបានប៉ះគ្នាម្ដងទៀត ។ ប៉ុន្តែនៅតែមិនអាចសងសឹកបានសម្រេចដដែល ព្រោះអីតាមការប្រកួតជាក់ស្ដែងក្នុងជំនួបមិត្តភាពនៅលើសង្វៀនស៊ីអិនស៊ីកាលពីថ្ងៃអាទិត្យ ទី២៥ កក្កដាកន្លងមកនេះគេសង្កេតឃើញឡុង សំណាង មានប្រៀបពេញទាំង៥ទឹកតែម្ដង។
កីឡាករផាន់ គ្រាន់ សម្រាប់ការប្រកួតលើកនេះគេព្យាយាមប្រើក្បាច់ពិសេសៗវាយសម្រុកទៅលើ ឡុង សំណាង មិនសំចៃកម្លាំងឡើយ ប៉ុន្តែរាល់ការវាយចេញម្ដងៗហាក់បីដូចជាមិនសូវចំគោលដៅបានល្អទាល់តែសោះ ផ្ទុយទៅវិញត្រូវឡុង សំណាង ចាប់ក្រៀកបុកជង្គុងចូលពោះទឹកណែនៗ ព្រមទាំងបានម៉ាត់ចូលមុខពេញៗថែមទៀត ។ តែទោះជាយ៉ាងណា ផាន់ គ្រាន់ គេធ្វើបានល្អជាងលើកមុនៗដោយគេអាចតស៊ូប្រកួតរហូតដល់ចប់ទឹកទី៥តែម្ដង។
ចំណែកការប៉ះគ្នារវាងកីឡាករពុទ្ធ ឆាយរិទ្ធី ក្លិបពុទ្ធសេរីវង្សខណ្ឌពោធិសែនជ័យជាមួយកីឡាករគឹម វាសនា មកពីក្លិបកីឡាប្រដាល់បញ្ជាការដ្ឋានទ័ពពិសេសវិញនោះគឺបានត្រឹមតែស្មើពិន្ទុគ្នាប៉ុណ្ណោះ ។ រវាងកីឡាករទាំងពីរនេះធ្លាប់ប៉ះគ្នាជាច្រើនលើកច្រើនសាររួចមកហើយ គឺមានចាញ់និងឈ្នះទៅវិញទៅមកដូចគ្នា ។ នៅមុនពេលប្រកួតពុទ្ធ ឆាយរិទ្ធី បានបង្ហាញនូវការជឿជាក់យ៉ាងខ្លាំងថាគេត្រូវតែយកឈ្នះឱ្យបាន។គ្រាន់តែចាប់ផ្ដើមប្រកួតទឹកទី១ភ្លាមពុទ្ធ ឆាយរិទ្ធី មិនបង្អង់យូឡើយ គេបានដើរចូលម៉ាត់សំដៅមុខ គឹម វាសនា ជាច្រើនដៃផ្ទួន ហាក់បីដូចដើម្បីផ្ដួលវាសនា ឱ្យបានឆាប់បំផុត ប៉ុន្តែត្រូវគឹម វាសនា វាយបកសងវិញយ៉ាងរហ័សជាមួយនឹងការបញ្ជូនស្នៀតជើងទាត់យ៉ាងសន្ធាប់ថែមទៀត។
ទោះជាយ៉ាង សម្រាប់ការប៉ះគ្នារវាងគេតាំងពីរលើកនេះ ធ្វើឱ្យអ្នកតាមដានការប្រកួតចាប់អារម្មណ៍មែនទែន តាំងពីទឹកទី១ រហូតដល់ទឹកទី៥ ប៉ុន្តែនៅក្នុងទឹកទី៤ គឹម វាសនា បានជ្រុលជើងទាត់ត្រូវប្រដាប់ការពារពុទ្ធ ឆាយរិទ្ធិ មួយជើងពេញទំហឹងបណ្ដាលឱ្យធ្វើឱ្យពុទ្ធ ឆាយរិទ្ធី ឡើងចុករមួល ។ គណៈកម្មការប្រកួតមិនបានដកពិន្ទុគឹម វាសនា នោះទេ គឺឱ្យគេទាំងពីរប្រកួតរហូតដល់ចប់ទឹកទី៥ ព្រមទាំងបានប្រកាសផ្ដល់ពិន្ទុស្មើគ្នា ៕
ចែករំលែកព័តមាននេះ