UN ជំរុញ UNESCO កុំដាក់ឧទ្យានជាតិថៃជាសម្បត្តិបេតិកភណ្ឌពិភពលោក
ថៃ ៖ អ្នកជំនាញសិទ្ធិមនុស្សអង្គការសហប្រជាជាតិ (UN) បានជំរុញអង្គការយូណេស្កូ (UNESCO) មិនត្រូវដាក់បញ្ចូលឧទ្យានជាតិ
ថៃ ៖ អ្នកជំនាញសិទ្ធិមនុស្សអង្គការសហប្រជាជាតិ (UN) បានជំរុញអង្គការយូណេស្កូ (UNESCO) មិនត្រូវដាក់បញ្ចូលឧទ្យានជាតិ
ថៃ ៖ អ្នកជំនាញសិទ្ធិមនុស្សអង្គការសហប្រជាជាតិ (UN) បានជំរុញអង្គការយូណេស្កូ (UNESCO) មិនត្រូវដាក់បញ្ចូលឧទ្យានជាតិ Kaeng Krachan របស់ប្រទេសថៃ ដែលជាប់ព្រំដែនជាមួយប្រទេសភូមា ជាសម្បត្តិបេតិកភណ្ឌពិភពលោកឡើយ។ បន្ទាប់ពីជនជាតិដើមភាគតិចត្រូវបានចាប់ខ្លួន និងបណ្តេញចេញពីទឹកដីប្រពៃណីរបស់ពួកគេ។
អ្នកជំនាញអង្គការសហប្រជាជាតិបានលើកឡើងក្នុងសេចក្តីថ្លែងការណ៍មួយថា «នេះគឺជាករណីកត់សម្គាល់ដ៏សំខាន់មួយ។ ហើយអាចជះឥទ្ធិពលលើគោលនយោបាយស្តីពី សិទ្ធិជនជាតិដើមភាគតិច ត្រូវបានគោរពនៅក្នុងតំបន់ការពារនៅទូទាំងទ្វីបអាស៊ី»។
អ្នកជំនាញរកឃើញថា ជនជាតិដើមភាគតិចការ៉ែន ស្ថិតក្នុងឧទ្យានជាតិដែលគ្របដណ្តប់លើផ្នែកខ្លះនៃខេត្ត Phetchaburi និងខេត្ត Prachuap Khiri Khan នៅតែបន្តត្រូវបានបណ្តេញចេញដោយបង្ខំ ហើយផ្ទះពួកគេត្រូវបានដុតបំផ្លាញផងដែរ។ បណ្តឹងឧទ្ធរណ៍របស់អ្នកជំនាញឯករាជ្យធ្វើឡើងមុន ដំណើរការត្រួតពិនិត្យនៅថ្ងៃច័ន្ទសប្តាហ៍ក្រោយ ដោយគណៈកម្មាធិការយូណេស្កូ។
ក្រោយរដ្ឋាភិបាលថៃបានស្នើដើម្បីដាក់បញ្ចូលឧទ្យានជាតិ Kaeng Krachan ជាសម្បត្តិបេតិកភណ្ឌពិភពលោកជាលើកទី ៣ ចាប់តាំងពីឆ្នាំ ២០១៦ មកម្ល៉េះ។
សេចក្តីថ្លែងការណ៍អ្នកជំនាញអង្គការសហប្រជាជាតិបន្តទៀតថា ជនជាតិដើមភាគតិចការ៉ែនជាង៨០នាក់ ត្រូវបានចាប់ខ្លួនក្នុងឆ្នាំនេះ។ ដោយ២៨នាក់ ត្រូវបានចោទប្រកាន់ពីបទរំលោភលើទឹកដីរបស់ពួកគេនៅក្នុងឧទ្យាននោះ រួមទាំងកុមារផងដែរ។ ខណៈមិនទាន់មានការពិគ្រោះយោបល់ណាមួយ ដែលអនុញ្ញាតឱ្យជនជាតិការ៉ែន ចូលរួមក្នុងដំណើរការចុះបញ្ជីសម្បត្តិបេតិកភណ្ឌពិភពលោករបស់យូណេស្កូនៅឡើយទេ។
លើសពីនេះទៅទៀត សហភាពអន្តរជាតិសម្រាប់ការអភិរក្សធម្មជាតិ (IUCN) បាននិយាយថា យូណេស្កូគួរតែបញ្ឈប់ការដាក់ឧទ្យាននេះជាតំបន់បេតិកភណ្ឌពិភពលោក។ ហើយរដ្ឋាភិបាលថៃគួរបង្ហាញថា មានការគាំទ្រចំពោះផែនការសម្រាប់ជនជាតិដើមភាគតិច ដែលរងផលប៉ះពាល់ទាំងអស់ ដោយផ្តល់សន្តិសុខ, សិទ្ធិកាន់កាប់ដីធ្លី និងជីវភាព៕ (ដកស្រង់ចេញពី The Guardian)
ចែករំលែកព័តមាននេះ