ជំងឺដុំពកលើសត្វគោកំពុងរីករាលដាលនៅខេត្តស្ទឹងត្រែង
- ស្ទឹងត្រែង
ខេត្តស្ទឹងត្រែង ៖ រយៈពេលថ្មីៗកន្លងមកនេះ មានករណីជំងឺម្យ៉ាងបានកើតលើសត្វគោនោះ គឺជំងឺដុំពកលើស្បែកសត្វគោ ហើយ
ខេត្តស្ទឹងត្រែង ៖ រយៈពេលថ្មីៗកន្លងមកនេះ មានករណីជំងឺម្យ៉ាងបានកើតលើសត្វគោនោះ គឺជំងឺដុំពកលើស្បែកសត្វគោ ហើយ
ខេត្តស្ទឹងត្រែង ៖ រយៈពេលថ្មីៗកន្លងមកនេះ មានករណីជំងឺម្យ៉ាងបានកើតលើសត្វគោនោះ គឺជំងឺដុំពកលើស្បែកសត្វគោ ហើយបច្ចុប្បន្នជំងឺនេះបានរីករាលដាលជាបន្តបន្ទាប់មកដល់ខេត្តស្ទឹងត្រែង និងធ្វើអោយប្រជាកសិករព្រួយបារម្ភយ៉ាងខ្លាំង ។
នេះបើតាមការឲ្យដឹងពីលោក ងិន អាន អនុប្រធានការិយាល័យផលិតកម្មបសុព្យាបាលនៃមន្ទីរកសិកម្មរុក្ខាប្រមាញ់និងនេសាទខេត្តស្ទឹងត្រែង ក្នុងគ្រាដែលលោកចុះទៅចាក់ថ្នាំសត្វគោនៅភូមិថាឡា ឃុំថាឡា ស្រុកថាឡាបរវ៉ាត់ ខេត្តស្ទឹងត្រែង។
លោក ងិន អាន បន្តថា ជំងឺប្រភេទនេះហៅថា ជំងឺដុំពកលើស្បែកឬហៅជាភាសាអង់គ្លេស Lumpy Skin Disease(LSD)។ ជំងឺប្រភេទនេះនៅពុំទាន់មានថ្នាំសំរាប់ព្យាបាលនៅឡើយទេ តែអាចប្រើថ្នាំផ្សេងៗទៀតជំនួសបាន ។ លោកបន្ថែមថា ជំងឺប្រភេទនេះ មានការវិវត្តន៍ឆ្លងពីសត្វមួយទៅសត្វមួយទៀតបានតាមរយ:សត្វល្អិតទិចឬខាំពីសត្វដែលកំពុងឈឺ រួចវាទៅទិច ឬខាំលើសត្វផ្សេងដែលគ្មានជំងឺ។
ទាក់ទិននឹងការប្រើប្រាស់ថ្នាំដើម្បីចាក់បង្ការការពារជំងឺខាងលើនេះ លោកថា ថ្នាំដែលត្រូវយកមកប្រើមានដូចជាថ្នាំ អ៊ីវ៉ូម៉ិច(ការពារពេលពងបែក ដែលនាំឲ្យមានដង្កូវចោះ) ថ្នាំអាណាសាំង-C (បញ្ចុះកំដៅ) ថ្នាំដិចសាសូន (ប្រឆាំងការរលាក) និងថ្នាំអាម៉ុកស៊ីលីន (ថ្នាំផ្សះ)។
លោកបានបញ្ជាក់ទៀតថា ប្រភេទជំងឺនេះវាមិនអាចឆ្លងមកមនុស្សបានទេ។ កត្តាសំខាន់កសិករដែលចិញ្ចឹមគោ ត្រូវរក្សាកន្លែងសម្រាប់សត្វគោរស់នៅឲ្យស្អាតជានិច្ច កុំឲ្យមានភក់ជ្រាំ ទឹកដក់ ដីសើមក្នុងក្រោលគោ ត្រូវងួតទឹកដុះសំអាត ដុតភ្នក់ភ្លើង ឬដាក់មុងជាដើម។
ជាមួយការព្យាបាលជំងឺខាងលើនេះ លោក ងិន អាន បានបន្តថា ជំងឺប្រភេទនេះយើងអាចព្យាបាលបានជាសះស្បើយ ក្នុងរយ:ពេលចន្លោះពី៣ទៅ៥ថ្ងៃ អាស្រ័យលើគោឈឺធ្ងន់ឬស្រាល។ តែសត្វគោក៏អាចងាប់បានផងដែរ ប្រសិនបើយើងព្យាបាលវាយឺតពេល។
លោកក៏បានសំណូមពរដល់កសិករថា បើសត្វគោ ក្របី មានជំងឺឈឺ ឬងា.ប់ត្រូវយកវាទៅជីកដីកប់ចោលភ្លាម កុំទុកយូរ ហើយ សូមកុំយកសាច់សត្វគោទៅបរិភោគ ឬលក់លើទីផ្សារឲ្យសោះ ព្រោះសាច់សត្វគោដែលកើតជំងឺប្រភេទនេះ អាចបង្កជាមេរោគឆ្លងទៅមនុស្សដែលបានបរិភោគ៕
ចែករំលែកព័តមាននេះ