ចាប់ឧក្រិដ្ឋជន៥នាក់,គ្រឿងញៀ.នជាង១៥៦គីឡូក្រាម ករណីកែច្នៃ រក្សាទុក និងជួញដូរ
- ភ្នំពេញ
រាជធានីភ្នំពេញ ៖ ដោយអនុវត្តតាមបញ្ជា ឯកឧត្តម នាយឧត្ដមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ និងឯកឧត្តម…
រាជធានីភ្នំពេញ ៖ ដោយអនុវត្តតាមបញ្ជា ឯកឧត្តម នាយឧត្ដមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ និងឯកឧត្តម នាយឧត្ដមសេនិយ៍ ម៉ក់ ជីតូ អគ្គស្នងការរងទទួលផែនប្រឆាំងបទល្មើសគ្រឿងញៀន ក្រោមការបញ្ជាដឹកនាំផ្ទាល់ របស់ ឯកឧត្តម ឧត្ដមសេនីយ៍ឯក ឡឹក វណ្ណៈ នាយកមន្ទីរប្រឆាំងបទល្មើសគ្រឿងញៀន ។
កាលពីវេលាម៉ោង១០និង២០នាទីយប់ថ្ងៃទី២០ ខែកក្កដា ឆ្នាំ២០២១ កម្លាំងសមត្ថកិច្ចនគរបាលការិយាល័យទី៨ នៃមន្ទីរប្រឆាំងបទល្មើសគ្រឿងញៀនដឹកនាំដោយលោក ឧត្តមសេនីយ៍ទោ វ៉ាន់ កុសល និង លោកឧត្តមសេនីយ៍ទោ សារី បុត្រសត្យា នាយករងមន្ទីរ.មានការចូលរួមពីកម្លាំងជំនាញស្នងការដ្ឋាននគរបាលរាជធានីភ្នំពេញ ព្រមទាំងមានការ ក្រោមការសម្របសម្រួលពីលោក វង្ស សាវ៉ាត ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ បានចុះស៊ើបអង្កេត ស្រាវជ្រាវ ឈានទៅបង្ក្រាបក្រុមឧក្រិដ្ឋជន កែច្នៃ រក្សាទុក ដឹកជញ្ជូនជួញដូរដោយខុសច្បាប់នូវសារធាតុញៀន ស្ថិតនៅចំណុចផ្ទះលេខ៨០ផ្លូវM៣ បូរីប៉េងហូត(បឹងស្នោ)សង្កាត់និរោធនិ៍ខណ្ឌច្បារអំពៅ រាជធានីភ្នំពេញ ។
លទ្ធផលឃាត់ខ្លួនឧក្រឹដ្ឋជនចំនួន៥នាក់៖
១.ឈ្មោះ ហម សាវុធ ភេទប្រុស អាយុ ៥២ឆ្នាំ ជនជាតិ ខ្មែរ ។
២.ឈ្មោះ ឡេ វ៉ាន់ឌឿត (LE VAN DUOT) ភេទប្រុស អាយុ ៣១ឆ្នាំ ជនជាតិ វៀត ណាម។៣.ឈ្មោះ ង្វៀន ថាន់គឿង (NGUYEN THANH CUONG ) ភេទប្រុស អាយុ ២៦ឆ្នាំ ជនជាតិ វៀត ណាម ។
៤.ឈ្មោះ ឡេ កឹមហ្វុក (LE CAM PHUNG ) ភេទស្រី អាយុ ២៥ឆ្នាំ ជនជាតិ វៀត ណាម ។
៥.ឈ្មោះ ហ្វង័ ង៉ុកហាន(HOANGNGOC HAN ) ភេទស្រី អាយុ ២៥
ឆ្នាំ ជនជាតិ វៀត ណាម ។
សមត្តកិច្ចចាប់យកវត្ថុតាងរួមមាន ៖
១.សារធាតុញៀនប្រភេទអុិចស្តាសុី (MDMA)ទម្ងន់សុទ្ធ ១០១ គីឡូ និង៩៨២.០៤ក្រាម។
២.សារធាតុញៀនប្រភេទ.កាទីណូន (CATHINONE)ទម្ងន់សុទ្ធ ៣៩គីឡូនិង៨៥៤ក្រាម ។
៣.សារធាតុញៀនប្រភេទ.មេតំហ្វេតាមីន(ICE)ទម្ងន់សុទ្ធ ១៤ គីឡូ និង៤៥០.៧៦ក្រាម ។
៤.សារធាតុញៀនប្រភេទ.កេតាមីន(KETANINE)ទម្ងន់
សុទ្ធ១១២.៨១ក្រាម ។
៥.សារធាតុរាវប្រភេទ អាសេតូន មានទម្ងន់សុទ្ធ ៦គីឡូ និង៦៦៨.
២៥ក្រាម ។
មធ្យោបាយបំរើក្នុងការកែច្នៃសារធាតុញៀនរួមមាន៖
១.ទូរស័ព្ទដៃចំនួន៤គ្រឿង
២.ម៉ាសុីនសម្រាប់សម្ងួតសារធាតុញៀនចំនួន២គ្រឿង ។
៣.ម៉ាសុីនសម្រាប់ក្រឡុកសារធាតុញៀន ចំនួន០៦គ្រឿង ។
៤.ពុម្ពសម្រាប់វាយគ្រាប់សារធាតុញៀនមួយចំនួនធំ ។
៥.ម៉ាសុីនសម្រាប់វេចខ្ចប់សារធាតុញៀន០១គ្រឿង ។
៦.ម៉ាសុីនរាប់គ្រាប់សារធាតុញៀន០១គ្រឿង
៧.ម៉ាសុីនសម្រាប់អ៊ុតថង់ផ្លាស្ទិកចំនួន០៣គ្រឿង ។
៨.ម៉ាសុីនសម្រាប់កិន និងក្រឡុកសារធាតុញៀនចំនួន០២គ្រឿង។
៩.ថង់សម្រាប់វេចខ្ចប់សារធាតុញៀនមួយចំនួនធំ ។
១០.ជញ្ជីងសម្រាប់ថ្លឹងសារធាតុញៀនចំនួន០៣គ្រឿង ។
១១.ម៉ាសុីនសម្រាប់វាយគ្រាបសារធាតុញៀន០១គ្រឿង ។
១២.ម៉ាសុីនម៉ាក HARISON ចំនួន០១គ្រឿង ។
១៣.រានសម្រាប់បញ្ឍរ សម្ងួតសារធាតុញៀនចំនួន០១ឈុត ។
១៤-ចានដែកសម្រាប់ដាក់ម្សៅសារធាតុញៀនចំនួន៩ ។
១៥.កញ្ច្រែងសម្រាប់រែងសារធាតុញៀនចំនួន០១ ។
ក្រោយឃាត់ខ្លួនឧក្រឹដ្ឋ៥ នាក់នឹងវត្ថុតាង ត្រូវបានសមត្តកិច្ច កសាងសំណុំរឿង បញ្ជូនទៅសាលាដំបូងរាជធានីភ្នំពេញ ដើម្បីចាត់តាមផ្លូវច្បាប់ ៕
ចែករំលែកព័តមាននេះ