ពិតជាសំណាងមែន ក្របីញ៉ីឈ្មោល ៦ក្បាល ចោរលួច បម្រុងកៀងឡើងឡានហើយ តែត្រូវបានរកឃើញវិញ
- កំពង់ធំ
កំពង់ធំ៖ សមត្ថកិច្ចបានឲ្យដឹងថា ម្ចាស់ក្របី ឈ្មោះ ក្ដួច ស៊ីមស្រី ភេទប្រុស អាយុ ៥៥ឆ្នាំ រស់នៅភូមិកំពឺត…
កំពង់ធំ៖ សមត្ថកិច្ចបានឲ្យដឹងថា ម្ចាស់ក្របី ឈ្មោះ ក្ដួច ស៊ីមស្រី ភេទប្រុស អាយុ ៥៥ឆ្នាំ រស់នៅភូមិកំពឺត ឃុំសាមគ្គី ស្រុកប្រាសាទបល្ល័ង្ក ខេត្តកំពង់ធំ។ ក្របីទាំងនោះ ត្រូវបានរកឃើញវិញ កាលពីវេលាម៉ោង ១០ និង ១៥ នាទីព្រឹកថ្ងៃទី២១ ខែកក្កដា ឆ្នាំ២០២១ បានបង្កការភ្ញាក់ផ្អើលមួយកើតឡើង ដោយសារតែក្រោកពីដេកភ្លាម ត្រូវចោរចូលលួចក្របី បាត់ចំនួន ៦ក្បាល។
ប្រភពដដែលប្រាប់ថា ក្របី ដែលត្រូវចោរលួចដេញចេញពីក្រោមផ្ទះរបស់ជនរងគ្រោះ មានចំនួន ៦ក្បាល ក្នុងនោះ មានឈ្មោល ២ក្បាល បានបាត់នៅវេលាម៉ោងប្រហែលជា ២រំលងអាធ្រាត្រ ថ្ងៃទី២០ ខែកក្កដា។ លុះព្រឹកឡើង ម្ចាស់ក្រោកទៅមើលក្របី ស្រាប់តែបាត់អស់ពីក្រោល ហើយក៏បានរាយការណ៍ប្រាប់អាជ្ញាធរ និងសមត្ថកិច្ច ព្រមទាំងនាំបងប្អូនប្រជាពលរដ្ឋ ដេញតាមដានជើងពីក្រោយ រហូតទាល់តែឃើញក្របីទាំងអស់មកវិញ។
ចោរបានលួចដេញក្របីទាំងនោះ ពីក្នុងក្រោល ក្រោមផ្ទះ ទៅចងលាក់ទុកចោល នៅចំណុចវាលចំបក់ ស្ថិតនៅឃុំដូង ស្រុកប្រាសាទបល្ល័ង្ក ជាប់ព្រំប្រទល់នឹងស្រុកស្ទោង បម្រុងចាំតែឡើងឡានទៅហើយ៕ ថុក សុខា
ចែករំលែកព័តមាននេះ