ខេត្តព្រៃវែង ៖ រដ្ឋបាលខេត្តព្រៃវែង សម្រេចផ្អាកបណ្តោះអាសន្នផ្សាក្រុងព្រៃវែង ស្ថិតក្នុងភូមិលេខ៣ សង្កាត់កំពង់លាវ ក្រុងព្រៃវែង ខេត្តព្រៃវែង ចាប់ពីថ្ងៃទី២៤ ខែកក្កដា…
ខេត្តព្រៃវែង ៖ រដ្ឋបាលខេត្តព្រៃវែង សម្រេចផ្អាកបណ្តោះអាសន្នផ្សាក្រុងព្រៃវែង ស្ថិតក្នុងភូមិលេខ៣ សង្កាត់កំពង់លាវ ក្រុងព្រៃវែង ខេត្តព្រៃវែង ចាប់ពីថ្ងៃទី២៤ ខែកក្កដា ឆ្នាំ២០២១ បន្ទាប់រកឃើញអាជីវករចំនួន៣នាក់ មានវិជ្ជមានកូវីដ-១៩ ។
ក្រោយមានអាជីវករលក់ដូរក្នុងផ្សារ ០៣នាក់ រកឃើញវិជ្ជមានកូវីដ១៩ ក្រោយពីមានអាការៈសង្ស័យ និងបានយកសំណាកធ្វើតេស្តរហ័ស (Rapid Test) ទើបអាជ្ញាធរខេត្តព្រៃវែង បានសម្រេចផ្អាកបណ្តោះអាសន្ន ផ្សារក្រុងព្រៃវែង ។
បើតាមសេចក្តីជូនដំណឹងរបស់រដ្ឋបាលខេត្តព្រៃវែងនៅថ្ងៃទី២៣ ខែកក្កដា ឆ្នាំ២០២១នេះ បានឱ្យដឹងថា ៖ រដ្ឋបាលខេត្តព្រៃវែង សូមធ្វើការផ្អាកបណ្តោះអាសន្នផ្សារក្រុងព្រៃវែង ស្ថិតក្នុងភូមិលេខ៣ សង្កាត់កំពង់លាវ ក្រុងព្រៃវែង ខេត្តព្រៃវែង រយៈពេល១៥ថ្ងៃ ចាប់ពីម៉ោង ០០៖០០នាទីថ្ងៃទី២៤ ខែកក្កដា ឆ្នាំ២០២១ រហូតដល់ថ្ងៃទី០៦ ខែសីហា ឆ្នាំ២០២១ ។
ដោយសារបច្ចុប្បន្នអាជ្ញាធរក្រុង និងសង្កាត់ កំពុងបន្តស្រាវជ្រាវ និងស្វែងរកអ្នកប៉ះពាល់ដោយផ្ទាល់ និងប្រយោលបន្ថែមទៀត ដើម្បីយកសំណាកមកធ្វើតេស្តរកមេរោគកូវីដ១៩ ៕
ចែករំលែកព័តមាននេះ