ពុទ្ធដីការហាមមិនឱ្យភូតភរកុហកព្រោះមានទោសឱ្យផលមិនល្អឡើយ ។ រឿងពាក្យសម្តីនេះមនុស្សយើងគេកាន់យកណាស់ បើបង់សម្តីទៅហើយ អ្វីៗដទៃទៀតសូម្បីល្អយ៉ាងណាក៏រមែងខូចកេរ្តិ៍ឈ្មោះក្នុងការមិនរក្សាសម្តី ដូច្នេះហើយទើបបុរាណពោលថា មនុស្សគេយកសម្តីនោះ ។ ហេតុនោះបើយើងគិតថា ខ្លួនឯងត្រូវលំបាកព្រោះហេតុតែត្រូវរក្សាសម្តី…
ពុទ្ធដីការហាមមិនឱ្យភូតភរកុហកព្រោះមានទោសឱ្យផលមិនល្អឡើយ ។ រឿងពាក្យសម្តីនេះមនុស្សយើងគេកាន់យកណាស់ បើបង់សម្តីទៅហើយ អ្វីៗដទៃទៀតសូម្បីល្អយ៉ាងណាក៏រមែងខូចកេរ្តិ៍ឈ្មោះក្នុងការមិនរក្សាសម្តី ដូច្នេះហើយទើបបុរាណពោលថា មនុស្សគេយកសម្តីនោះ ។
ហេតុនោះបើយើងគិតថា ខ្លួនឯងត្រូវលំបាកព្រោះហេតុតែត្រូវរក្សាសម្តី ហើយបើអ្នកមិនចង់លំបាក ចូរកុំចេះតែទទួលពាក្យគេដោយងាយៗនោះ ត្រូវពិចារណាឲ្យល្អជាមុនថា កាលបើទទួលពាក្យគេហើយ អាត្មាអញនឹងធ្វើបានយ៉ាងនោះដែរឬទេ គឺត្រូវគិតឱ្យបានល្អិតល្អន់ស្រួលបួលសិន ចាំទទួលជាក្រោយ ។
ត្បិតមនុស្សយើង បើរក្សាសម្តីខ្លួនឯងទុកមិនបានទៅហើយ តើអាចរក្សាអ្វីបានទៅ ព្រោះអម្បាលពាក្យសម្តីជាសម្បត្តិមានតម្លៃក្នុងខ្លួនរក្សាមិនបានផង ចំណង់បើរបស់ដទៃក្រៅខ្លួនធ្វើដូចម្តេចនឹងអាចរក្សាបានទៅ ដូច្នេះបុគ្គលគប្បីពិចារណាឲ្យល្អមុននឹងនិយាយ មុនសន្យាអ្វីៗជាមួយអ្នកណាៗ ហើយមិនត្រូវធ្វើជាមនុស្សភ្លេចពាក្យសន្យាដោយងាយៗឡើយ ។
មនុស្សដែលបង់ពាក្យ បង់សម្តី សូម្បីដោះស្រាយយករួចខ្លួនបានម្តងក៏ពិតមែនហើយ តែលុះដល់តទៅ កាលបើមានហេតុការណ៍ចាំបាច់ត្រូវសន្យាធ្វើឲ្យបានយ៉ាងណានោះក៏គេដកសេចក្តីទុក្ខចិត្តដែរ ។
ចូរកុំធ្វើជាមនុស្សនិយាយឡេះឡោះ ឬនិយាយកុហកសូម្បីតែដើម្បីសើចលេងក៏ដោយ ហើយត្រូវចាំទុកថា ពាក្យសម្តីដែលពោលចេញទៅ មានសារៈសំខាន់ណាស់សម្រាប់មនុស្សយើង ៕ សាន សារិន
ចែករំលែកព័តមាននេះ