រាជធានីភ្នំពេញ ៖ តារាសម្តែង អ្នកនាង ផាន់ ផាភួង បានអះអាងប្រាប់កោះសន្តិភាពតាមសារអេឡិចត្រូនិចថា រថយន្តដែលបាទិញនេះគឺមានតម្លៃជាង៤ម៉ឺនដុល្លារ ដែលអ្នកនាងទិញសម្រាប់ជាកាដូអោយកូនស្រី…
រាជធានីភ្នំពេញ ៖ តារាសម្តែង អ្នកនាង ផាន់ ផាភួង បានអះអាងប្រាប់កោះសន្តិភាពតាមសារអេឡិចត្រូនិចថា រថយន្តដែលបាទិញនេះគឺមានតម្លៃជាង៤ម៉ឺនដុល្លារ ដែលអ្នកនាងទិញសម្រាប់ជាកាដូអោយកូនស្រី អាង សុជាតា។ អ្នកនាងបញ្ជាក់ថា ថវិកាដែលបានចំណាយក្នុងការទិញរថយន្តខាងលើនេះ «គឺមួយផ្នែកជាលុយរបស់អ្នកនាង និងមួយផ្នែកទៀតគឺជាលុយដែលបានមកពីការងារសិល្បៈរបស់កូនស្រី អាង សុជាតា»។
តារាសម្តែងអ្នកនាង ផាន់ ផាភួង បានផ្តល់កាដូធំមួយសម្រាប់កូនស្រីរបស់នាង អាង សុជាតា តាមរយៈការទិញរថយន្តដ៏ថ្មីសន្លាងមួយគ្រឿង ខណៈពេលទីផ្សារការងារសិល្បៈអ្នកទាំងពីរកំពុងជោគជ័យខ្លាំង។ រថយន្តដែល ផាន់ ផាភួង ទិញសម្រាប់ អាង សុជាតា នាពេលនេះគឺម៉ាកMG ស៊េរីឆ្នាំ២០២១ ដែលមានតម្លៃប្រមាណជាង៤ម៉ឺនដុល្លារ ។
វីដេអូនៃការពញ្ញាក់អារម្មណ៍អាង សុជាតា តាមរយៈការទិញរថយន្តដ៏ទំនើបនេះ ត្រូវបានគេផ្សព្វផ្សាយពេញបណ្តាញសង្គមហ្វេសប៊ុក ដែលបានធ្វើអោយប្រិយមិត្តគាំទ្របានចូលរួមការអបអរសាទរនូវសមិទ្ធផលថ្មីដែលតារាស្រីវ័យក្មេងរូបនេះទើបទទួលបាន។
តាមរៈវីដេអូនេះ អាង សុជាតា បានសម្តែងការភ្ញាក់ផ្អើល និងរំភើបយ៉ាងខ្លាំង ក្នុងពេលដែលម្តាយរបស់ខ្លួនបានសម្រេចក្តីស្រម៉ៃក្នុងការចង់បានរថយន្តប្រភេទនេះមកប្រើប្រាស់ផ្ទាល់ខ្លួន។
យ៉ាងណា បើតាមអ្នកនាង ផាន់ ផាភួង ការសម្រេចទិញរថយន្តប្រភេទនិងម៉ាកនេះ គឺដោយសារកូនស្រីរបស់នាងបានស្រឡាញ់មកយូរហើយ ហើយមួយទៀតវាក៏មានតម្លៃសមរម្យដែលនាងមានលទ្ធភាពទិញផងដែរ។ អ្នកនាង ផាន់ ផាភួង បានលើកឡើងទៀតថា បច្ចុប្បន្នការងារសិល្បះទាំងនាង និងកូនស្រីគឺមានការមមារញឹកគួសម ដោយសារមានគម្រោងថតថ្មីៗជាបន្តបន្ទាប់។
ទោះជាយ៉ាងណា ផាន់ ផាភួង បានបដិសេធមិនអាចទម្លាយពីប្រាក់ចំណូលដែលនាង និងកូនអាចរកបានពីវិស័យសិល្បះក្នុងមួយខែៗប៉ុន្មាននោះឡើយ ប៉ុន្តែបើសង្កេតឃើញសកម្មភាពការងរក្នុងសិល្បះជាបន្តបន្ទាប់ស្ទើរមិនដាច់សូរនោះគេអាចសន្និដ្ឋានបានថា ក្នុងរយះពេលប៉ុន្មានឆ្នាំចុងក្រោយនេះ អ្នកទាំងពីរអាចរកប្រាក់ចំណូលបានមិនតិចម៉ឺនដុល្លារឡើយ៕
ចែករំលែកព័តមាននេះ