ចិនច្រានចោលផែនការស៊ើបអង្កេតប្រភពដើមកូវីដ ដំណាក់កាលទី២របស់ WHO
ចិន ៖ ប្រទេសចិន កាលពីថ្ងៃទី២២ ខែកក្កដា ឆ្នាំ២០២១ បានច្រានចោលផែនការស៊ើបអង្កេតរកប្រភពដើមវីរុសកូវីដ១៩ ដំណាក់
ចិន ៖ ប្រទេសចិន កាលពីថ្ងៃទី២២ ខែកក្កដា ឆ្នាំ២០២១ បានច្រានចោលផែនការស៊ើបអង្កេតរកប្រភពដើមវីរុសកូវីដ១៩ ដំណាក់
ចិន ៖ ប្រទេសចិន កាលពីថ្ងៃទី២២ ខែកក្កដា ឆ្នាំ២០២១ បានច្រានចោលផែនការស៊ើបអង្កេតរកប្រភពដើមវីរុសកូវីដ១៩ ដំណាក់កាលទី២ របស់អង្គការសុខភាពពិភពលោក (WHO) ។ នេះបើតាមការចេញផ្សាយពីសារព័ត៌មាន Reuters។
អង្គការសុខភាពពិភពលោកកាលពីពេលថ្មីៗនេះ បានស្នើឱ្យមានការសិក្សាដំណាក់កាលទី២ រកប្រភពដើមវីរុសកូវីដ១៩ ដែលផ្ទុះឡើងដំបូងបំផុតនៅប្រទេសចិន កាលពីចុងឆ្នាំ២០១៩។ ដោយការសិក្សាត្រូវធ្វើលើសវនកម្មមន្ទីរពិសោធន៍ចិន និងទីផ្សារក្នុងទីក្រុងវូហាន ដែលត្រូវបានកំណត់ជាកន្លែងចាប់ផ្តើមដំបូងនៃវីរុសនេះ។
ឆ្លើយតបជុំវិញបញ្ហានេះ លោក Zeng Yixin អនុរដ្ឋមន្ត្រីក្រសួងសុខាភិបាលចិនបានបញ្ជាក់ថា ប្រទេសចិនបានសម្រេចច្រានចោលសំណើការស៊ើបអង្កេតនេះ។ ដោយនៅក្នុងចំណុចមួយចំនួន មិនបានយកចិត្តទុកដាក់ចំពោះស្មារតីជារួម និងមិនបង្ហាញពីការគោរពគោលការណ៍ផ្នែកវិទ្យាសាស្ត្រ។
លោក Zeng Yixin បានមានប្រសាសន៍ថា «យើងសង្ឃឹមថាអង្គការសុខភាពពិភពលោក នឹងពិនិត្យឡើងវិញយ៉ាងហ្មត់ចត់នូវការពិចារណា និងសំណូមពររបស់អ្នកជំនាញចិន។ ហើយនិងចាត់ទុកការតាមដានរកប្រភពដើមនៃវីរុសនេះ គឺជាបញ្ហាវិទ្យាសាស្ត្រ ដែលមិនមែនជាការជ្រៀតជ្រែកផ្នែកនយោបាយឡើយ»។
សូមរំលឹកជូនថា ការសិក្សាដំណាក់កាលដំបូង ដោយក្រុមអ្នកជំនាញអន្តរជាតិ និងភាគីចិនកាលពីដើមឆ្នាំ២០២១ បានបង្ហាញថា វីរុសកូវីដ១៩ ប្រហែលជាត្រូវបានចម្លងពីសត្វប្រចៀវទៅមនុស្ស។ ដោយទំនងជាមិនមែនមកពីការបែកធ្លាយរបស់មន្ទីរពិសោធន៍នោះឡើយ។ ប៉ុន្តែអ្នកជំនាញក៏មិនបានបដិសេធទាំងស្រុងនោះទេ។ ដោយការសិក្សាសវនកម្មមន្ទីរពិសោធន៍ចិន ក៏ត្រូវបានដាក់បញ្ចូលទៅក្នុងសំណើដំណាក់កាលទី២ របស់អង្គការសុខភាពពិភពលោកផងដែរ៕
ចែករំលែកព័តមាននេះ