ធ្លាប់ជាប់ពន្ធនាគារចេញមកវិញ ប្រើទាំងថ្នាំ ធ្វើបាបទាំងប្រពន្ធលើសដើម
- បន្ទាយមានជ័យ
បុរសម្នាក់ធ្លាប់ជាប់គុកម្តងរួចមកហើយ ប៉ុន្តែមិនរាងចាលនោះទេ ខណៈពេលចេញមកវិញ បែរជាខ្លាំងលើសដើម ដោយប្រើប្រាស់គ្រឿង.ញៀន ថែមទាំងប្
បុរសម្នាក់ធ្លាប់ជាប់គុកម្តងរួចមកហើយ ប៉ុន្តែមិនរាងចាលនោះទេ ខណៈពេលចេញមកវិញ បែរជាខ្លាំងលើសដើម ដោយប្រើប្រាស់គ្រឿង.ញៀន ថែមទាំងប្
ខេត្តបន្ទាយមានជ័យ ៖ បើតាមសេចក្តីរាយការណ៍បានឱ្យដឹងថា បុរសម្នាក់ធ្លាប់ជាប់គុកម្តងរួចមកហើយ ប៉ុន្តែមិនរាងចាលនោះទេ ខណៈពេលចេញមកវិញ បែរជាខ្លាំងលើសដើម ដោយប្រើប្រាស់គ្រឿង.ញៀន ថែមទាំងប្រើអំពើហិ.ង្សាទៅលើគ្រួសារទៀត ក្រោយមកក៏ត្រូវឃាត់ខ្លួនម្តងទៀត រួចបញ្ជូនទៅសាលាដំបូងខេត្ត ដើម្បីចាត់ការតាមច្បាប់នៅថ្ងៃទី២១ ខែកក្កដា ឆ្នាំ២០២១នេះ។
បើតាមលោកវរសេនីយ៍ត្រី នួន នីណារ៉ូ មេបញ្ជាការកងរាជអាវុធហត្ថក្រុងប៉ោយប៉ែត បានប្រាប់ថា ជនសង្ស័យខាងលើនេះមានឈ្មោះ ជួន វិធីវិន ភេទប្រុស អាយុ៤៨ឆ្នាំ រស់នៅភូមិប៉ាលិលេយ្យមួយ សង្កាត់-ក្រុងប៉ោយប៉ែត។
លោកបានបញ្ជាក់ថា ក្រោយពីទទួលព័ត៌មានបានដឹងថា មានករណីអំពើហិ.ង្សាក្នុងក្រុមគ្រួសារទៅលើស្ត្រីរងគ្រោះម្នាក់ឈ្មោះ ជិម រ៉ា អាយុ៥៥ឆ្នាំ ដែលត្រូវប្តីហេងស៊យវាយធ្វើបាបលើរាងកាយ បណ្តាលជាំតាមដងខ្លួន ហើយជនសង្ស័យរូបនេះធ្លាប់ជាប់គុកម្តងរួចមកហើយ តែមិនរាងចាលនោះទេ លុះពេលចេញមកវិញ ក៏ប្រើប្រាស់គ្រឿងញៀនខ្លាំងលើសដើម ថែមទាំងវាយធ្វើបាបស្ត្រីរងគ្រោះរាល់ថ្ងៃទៀត ទើបស្ត្រីរងគ្រោះសម្រេចចិត្តប្តឹងអោយកម្លាំងអន្តរាគមន៍ឃាត់ខ្លួនតែម្តង នៅថ្ងៃទី១៩ ខែកក្កដា ឆ្នាំ២០២១ ស្ថិតនៅភូមិ-ឃុំខាងលើ។
លោកវរសេនីយ៍ត្រី នួន នីណារ៉ូ បានបញ្ជាក់ថា ក្រោយពេលឃាត់ខ្លួនជនសង្ស័យបានហើយ ក៏បញ្ជូនមកទីបញ្ជាការដ្ឋានកងរាជអាវុធហត្ថក្រុងប៉ោយប៉ែត ដើម្បីធ្វើការសាកសួរ ហើយជនសង្ស័យរូបនេះក៏បានសារភាពថា ខ្លួនពិតជាបានប្រើអំពើហិ.ង្សាវាយធ្វើបាបប្រពន្ធ នៅពេលដែលប្រើប្រាស់គ្រឿង.ញៀនពិតមែន ខណៈសុំលុយប្រពន្ធទៅទិញថ្នាំ.ញៀនមិនបាន ទើបវាយធ្វើបាបនាងតែម្តង ។ ជនសង្ស័យរូបនេះសារភាពបន្តថា រូបគេក៏ធ្លាប់ជាប់គុកម្តងរួចមកហើយដែរ ទើបតែចេញនោះទេ ។
ក្រោយពេលសាកសួរជនសង្ស័យរួចហើយ សមត្ថកិច្ចក៏បានកសាងសំណុំរឿង បញ្ជូនជនសង្ស័យរូបនេះទៅសាលាដំបូងខេត្តបន្ទាយមានជ័យ ដើម្បីចាត់ការតាមច្បាប់៕
ចែករំលែកព័តមាននេះ