ប្រទេសឥណ្ឌា ៖ ប្រទេសឥណ្ឌា រយៈពេល២ខែចុងក្រោយនេះ មានអ្នកកើតជំងឺផ្សិតខ្មៅជាង៤៥.០០០នាក់។ ជំងឺផ្សិតខ្មៅនេះជាជំងឺដ៏សា.ហាវ ដែលអ្នកកើតមានអត្រាស្លា.ប់ដល់៥០% ហើយវាឆ្លងក្នុងចំណោមបណ្ដាអ្នកជាពីការឆ្លងវីរុសកូវីដ-១៩។
នៅមុខសភាអនុរដ្ឋមន្ត្រីសុខាភិបាលឥណ្ឌា លោកBHARATI PRAVIN PAWAR គូសបញ្ជាក់កាលពីថ្ងៃទី២០កក្កដាថា មនុស្សជាង៤.២០០នាក់ បានត្រូវស្លា.ប់ដោយសារជំងឺផ្សិតខ្មៅ មានឈ្មោះវិទ្យាសាស្ត្រថា MUCORMYCOSE ដែលតាមធម្មតាជាជំងឺកម្រកើតមាន តែវាបែរជាកំពុងឆ្លងក្នុងចំណោម អ្នកជាពីជំងឺកូវីដ។ ជំងឺនោះពិតជាជំងឺដ៏សា.ហាវខ្លាំង ដោយអត្រាស្លា.ប់មានលើសពី៥០% ដែលបង្ខំឲ្យគ្រូពេទ្យធ្វើការវះកាត់ភ្នែក ច្រមុះ ឬថ្គាមរបស់អ្នកជំងឺមួយចំនួន ចៀសវាងកុំឲ្យការរលាករាលចូលដល់ខួរក្បាល។
តាមរដ្ឋាភិបាលឥណ្ឌាថា រដ្មមហារាស្ត្រាភាគខាងលិចប្រទេស រងការប៉ះពាល់ខ្លាំងជាងគេ ដោយសារជំងឺផ្សិតខ្មៅនេះ ជាមួយអ្នកឆ្លង៩.៣៤៨នាក់។ មុនពេលមានកូវីដជំងឺ MUCORMYCOSE កត់សម្គាល់ឃើញមានត្រឹមតែ២០ករណីប៉ុណ្ណោះក្នុង១ឆ្នាំនៅឥណ្ឌា។ ជំងឺនោះកើតជាពិសេស ក្នុងចំណោមអ្នកជំងឺទឹកនោមផ្អែម ដែលមានអត្រាជាតិស្ករខ្ពស់បំផុតក្នុងឈាម អ្នកជំងឺអេដស៍ ឬបណ្ដាអ្នកទទួលការវះកាត់ដូរសរីរាង្គ។
បណ្ដាអ្នកជំនាញការបានលើកពីការកើត ជំងឺនោះច្រើន មកពីពេលព្យាបាលកូវីដមានការប្រើប្រាស់ថ្នាំផ្សះប្រភេទ STEROIDES ច្រើនជ្រុល៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ