រាជធានីភ្នំពេញ ៖ ការកើនឡើងនៃតម្លៃប្រេងឥន្ធនៈបានធ្វើឲ្យប៉ះពាក់យ៉ាងខ្លាំងពីលើបញ្ហាកូវីដ១៩ ចំពោះអ្នករកស៊ីផ្នែកសេដ្ឋកិច្ចក្រៅប្រព័ន្ធ ពិសេសអ្នករត់ម៉ូតូឌុប ។ នេះបើតាមប្រធានសមាគមន៍សេដ្ឋកិច្ចក្រៅប្រព័ន្ធ ។
លោក វន់ ពៅ ប្រធានសមាគមន៍ប្រជាធិបតេយ្យឯករាជ្យនៃសេដ្ឋកិច្ចក្រៅប្រព័ន្ធបានបញ្ជាក់ប្រាប់កោះសន្តិភាពយ៉ាងដូច្នេះថា ៖«ការកើនឡើងនៃតម្លៃប្រេងឥន្ធនៈពិតជាប៉ះពាល់ដល់ក្រុមលោកជាអ្នករកស៊ីផ្នែកសេដ្ឋកិច្ចក្រៅប្រព័ន្ធ ពិសេសនោះបន្ថែមពីករណីកូវីដ១៩ មួយផ្នែកទៀត» ។
លោក វន់ ពៅ បានបន្តថា ការឡើងថ្លៃប្រេងឥន្ធនៈបានប៉ះពាល់ធ្ងន់ធ្ងរណាស់សម្រាប់ពួកយើងជាអ្នករកស៊ីផ្នែកសេដ្ឋកិច្ចក្រៅប្រព័ន្ធនេះ ។ ពីព្រោះថា ស្ថានភាពជំងឺកូវីដ១៩ បានប៉ះពាល់មួយហើយសម្រាប់ពួកយើង ។
លោកថា ៖«អាលូវនេះយើងបានប៉ះពាល់មួយទៀតយ៉ាងធ្ងន់ គឺតម្លៃប្រេងឥន្ធនៈនេះ ពីព្រោះថា ស្ថានភាពជំងឺកូវីដប្រាក់ចំណូលធ្លាក់ចុះ អត់មានអតិថិជន ឬម៉ូយដឹក ឬអ្នកប្រើប្រាស់ វេសាក្រៅប្រព័ន្ធយើង» ។ លោកបានលើកឡើងថា គ្មានអតិថិនប្រើប្រាស់សេវា ឬម៉ូយដឹកហើយប្រេងឡើងខ្ពស់ទៀតធ្វើឲ្យប៉ះពាល់ខ្លាំងចំពោះជីវភាពរបស់ពួកយើង ។ ក្នុងនោះប្រាក់ចំណូលគ្មានចំណែកការ ចំណាយច្រើនសម្រាប់ទំនិញវិញឡើងថ្លៃ ។ ប្រេងឥន្ធនេះ គឺបានប៉ះពាល់ចំបងតែម្តងសម្រាប់ក្រុមលោក ។
ទោះបីជាមានការបញ្ជាក់ពីខាងរាជរដ្ឋាភិបាលថា ការឡើងថ្លៃប្រេងនេះ ទៅតាមទីផ្សារអន្តរជាតិក្តីលោក វន ពៅ បានអះអាងចំណុចនេះរដ្ឋាភិបាលអាចដោះស្រាយដោយបញ្ចុះនាំចូល និងពិភាក្សាជាមួយម្ចាស់ក្រុមហ៊ុនប្រេងក្នុងស្រុកលើតម្លៃនេះបាន ។
លោកបញ្ជាក់ថា ៖«ខ្ញុំគិតថា បើរដ្ឋមានយន្តការច្បាស់លាស់ត្រឹមត្រូវទាក់ទង និងប្រេងឥន្ធនៈនេះ គឺរដ្ឋអាចធ្វើបានពីព្រោះថា ឆ្នាំកន្លងមក (២០២០) ប្រេងអាចចុះដល់មួយលីតត្រឹម ២៨០០រៀល ឬ២៩០០រៀល ឬ២៥០០រៀល ។ ហេតុអ្វីឆ្នាំនេះរដ្ឋធ្វើមិនបាន0x017d7 »។
លោក វន់ ពៅ បានលើកឡើងទៀតថា ប្រេងឥន្ធនៈ គឺជាបញ្ហាចំបងហើយសម្រាប់ប្រជាពលរដ្ឋខ្មែរពីព្រោះថា អ្នកណាក៏ប្រកបអាជីវកម្ម និងប្រើប្រាស់ប្រេងឥន្ធនៈនេះដែរ ។ លោកថា៖«អីញ្ចឹងខ្ញុំគិតថានេះជាចំណុចចំបងរបស់ពលរដ្ឋ ដូច្នេះរដ្ឋត្រូវមានយន្តការ អន្តរាគមន៍រឿងប្រេងនេះជាបន្ទាន់ ។ អ្វីដែលរដ្ឋដោះស្រាយគឺការបន្ធូរបន្ថយពន្ធនាំចូល និងករណីពន្ធលក់ចេញត្រូវបន្ធូរបន្ថយ លើសនេះបើសិនរដ្ឋមានលទ្ធភាពអាច ឧបត្ថម្ភៈលើវិស័យប្រេងឥន្ធនៈនេះ ខ្ញុំគិតថាតម្លៃប្រេងនឹងចុះបាន»។
លោកក៏បានស្នើឲ្យរដ្ឋធ្វើការជជែកជាមួយក្រុមហ៊ុនប្រេងទាំង ដើម្បីឲ្យក្រុមហ៊ុនធ្វើសម្បទានដល់រដ្ឋាភិបាល ក៏ដូចជាប្រជាជនក្នុងការរក្សាតម្លៃកុំឡើងខ្ពស់បាន ។
ទាក់ទិននឹងការរកស៊ីផ្នែកសេដ្ឋកិច្ចក្រៅប្រព័ន្ធលោក វន ពៅបានអះអាងសមាជិកលោក បច្ចុប្បន្នរកបានក្នុងមួយថ្ងៃបានតែ២ម៉ឺនរៀលតែប៉ុណ្ណោះ ជាមធ្យម ។ ចំនួននេះបើកកាត់កង នឹងការចាក់សាំងមួយថ្ងៃមួយលីត្រជិត៥ពាន់រៀល បូកទាំងការហូបចុកទៀត ជិតអស់ គឺមានមិនអាចទប់នឹងការចំណាយក្នុងគ្រួសារបានទេ ។
ករណីនេះមានតែរាជ្ឋាភិ បាលទេក្នុងការ ទប់កុំឲ្យតម្លៃប្រេងឥន្ធនៈឡើងទើបអាចជួយបានខ្លះចំពោះពោះគាត់ ។ ជាមួយគ្នានោះដែរក្នុងនាម ផ្នែកសេដ្ឋកិច្ចក្រៅប្រព័ន្ធលោក វន់ ពៅ បានស្នើរាជរដ្ឋាភិ បាលជួយពិភាក្សាជាមួយម្ចាស់ក្រុមហ៊ុនបញ្ចុះតម្លៃប្រេងឥន្ធនៈមកវិញ និងសូមស្នើពិនិត្យលើ ពន្ធនាំចូលប្រេងឥន្ធនៈ និងរដ្ឋគួរឧបត្ថម្ភចំពោះសេដ្ឋកិច្ចក្រៅប្រព័ន្ធ ។
ចំពោះករណីចាក់វ៉ាក់សាំងវិញលោកវន ពៅក៏បានឲ្យដឹងថាសមាជិកសេដ្ឋកិច្ចក្រៅ ប្រព័ន្ធរបស់លោកបានទៅចាក់បាន៩៩ភាគរយនៃសមាជិកទាំងអស់ ។
ទាក់ទិននឹងករណីរកចំណូលដោយសាររត់កង់បីលោកទិត្យអ្នករត់កងបីនៅក្នុងរាជធានីភ្នំពេញបានលើកឡើងយ៉ាងដូច្នេះថា៖«យើងដឹងហើយសព្វថ្ងៃនេះ បងប្អូនប្រជា ពលរដ្ឋយើ ងកំពុងជួបបញ្ហាជម្ងឺកូវីដ១៩ កំពុងរាលដាលពីកន្លែងមូយទៅកន្លែងមួយហើយមានអ្នកឆ្លងនិងអ្នកស្លាប់ជា រៀងរាល់ថ្ងៃមិនឈប់ឈរទេ ។ ហើយប្រជា ពលរដ្ឋក៏ដូចជារូបខ្ញុំមិនហ៊ានចេញទៅប្រ កបមុខរបរទេ ។
រីឯអ្នកប្រកបមុខរបរវិញ គឺ លក់ទំនិញពុំសូវដាច់ទេដោយសារគ្មានអ្នកទិញព្រោះប្រជាពលរដ្ឋមិនហ៊ានដើរ ចេញពីផ្ទះដោយសារខ្លាចឆ្លងជម្ងឺកូវីដ ។ ដូច្នេះធ្វើឲ្យគាត់បាត់ប្រាក់ចំណូលរីឯប្រ ជាពលរដ្ឋនៅផ្ទះក៏បាត់ប្រាក់ចំណូលដែរក្នុងនោះការរត់កងបីក៏ប៉ះពាល់គឺមិនមានអ្នកជិះដូចមុនទេ» ។ លោកថា បើយើងពិនិត្យមើលទំនិញនៅលើទីផ្សារ ចាប់ពីមានជម្ងឺកូវីដ១៩ ឆ្លងមករយៈពេលជាង១ឆ្នាំកន្លងមកនេះ គឺទំនិញនៅលើទីផ្សារមានការឡើងថ្លៃជារៀងរាល់ថ្ងៃស្ទើរ តែគ្រប់មុខទំនិញទាំងអស់ ។
លោកបញ្ជាក់ថា«យើងពិនិត្យមើលតម្លៃប្រងសាំងកាលពីឆ្នាំ២០២០តម្លៃប្រេងសាំងចុះថ្លៃត្រឹមតែ ៣២៥០រៀលក្នុង១លីត្រហើយជម្ងឺកូវីដ កំពុងតែចាប់ផ្ដើមឆ្លងជាបណ្ដើរៗចូលដល់ ឆ្នាំ២០២១ជម្ងឺកូវីដកាន់តែរាលដាលខ្លាំងឡើងៗធ្វើឲ្យទំនិញទីផ្សារកាន់តែឡើងថ្លៃ ទៅៗរីឯប្រេងសាំងចាប់ផ្ដើមឡើងថ្លៃជារៀងរហូតដល់សព្វថ្ងៃឡើងដល់៤១០០រៀលក្នុង១លីត្រស្របពេល ដែលប្រជាពលរដ្ឋកំពុងខ្វះខាតជីវភាព រកលុយមិនបានលក់អ្វីមិនដាច់ប្រជាពល រដ្ឋមិនហ៊ានចេញពីផ្ទះ ព្រោះខ្លាចជម្ងឺកូវីដ ។
សូមជម្រាបថា ក្រសួងពាណិជ្ជកម្មកាលពីពេលថ្មីៗនេះបានបញ្ជាក់ការឡើងថ្លៃប្រេងឥន្ធនៈ គឺធ្វើតាមទីផ្សារអន្តរជាតិ ហើយក្រសួងបានធ្វើការគណនាតាមរូបមន្តទូទៅទៅឲ្យក្រុមហ៊ុនក្នុងស្រុកលក់ ៕
ចែករំលែកព័តមាននេះ