នៅក្នុងសៀវភៅធម្មទស្សន៍ អ្នកប្រាជ្ញបានធ្វើការប្រៀបធៀបយ៉ាងនេះថា ក្របីមាឌធំប៉ុន្តែមិនអាចផ្តាច់ចំណង ដែលម្ចាស់វាចងបាន ព្រោះតែគិតថាខ្លួនធ្លាប់តែត្រូវបានគេចងរើមិនរួចតាំងពីតូចមកទៅហើយ លុះដល់ពេលខ្លួនធំធាត់ ព្រមទាំងមានកម្លាំងពលំខ្លាំងក្លាហើយក៏ដោយ ក៏នៅតែមិនអាចរើបម្រះដើម្បីផ្តាច់ចំណងនោះបានដដែល ។ នេះគឺមកពីជាប់ផ្នត់គំនិតនៃទំនៀមទម្លាប់តាំងពីតូចដែលខ្លួនឯងធ្លាប់ប្រកាន់មាំមកយ៉ាងណាមិញ…
នៅក្នុងសៀវភៅធម្មទស្សន៍ អ្នកប្រាជ្ញបានធ្វើការប្រៀបធៀបយ៉ាងនេះថា ក្របីមាឌធំប៉ុន្តែមិនអាចផ្តាច់ចំណង ដែលម្ចាស់វាចងបាន ព្រោះតែគិតថាខ្លួនធ្លាប់តែត្រូវបានគេចងរើមិនរួចតាំងពីតូចមកទៅហើយ លុះដល់ពេលខ្លួនធំធាត់ ព្រមទាំងមានកម្លាំងពលំខ្លាំងក្លាហើយក៏ដោយ ក៏នៅតែមិនអាចរើបម្រះដើម្បីផ្តាច់ចំណងនោះបានដដែល ។
នេះគឺមកពីជាប់ផ្នត់គំនិតនៃទំនៀមទម្លាប់តាំងពីតូចដែលខ្លួនឯងធ្លាប់ប្រកាន់មាំមកយ៉ាងណាមិញ បុថុជ្ជនទាំងឡាយដែលមិនអាចផ្តាច់ចំណងរបស់មារបាន ព្រោះគិតថាខ្លួនជាបុថុជ្ជនពេញដោយកិលេស ដូច្នេះត្រូវតែជាប់ចំណងរបស់មារអ៊ីចឹងហើយ សូម្បីតែខ្លួនមានសមត្ថភាពគ្រប់គ្រាន់ក្នុងការរៀន ស្តាប់ គិត និងចម្រើនភាវនាបាន ដើម្បីផ្តាច់ចំណងរបស់មារនោះលុះក្នុងព្រះនិព្វានក៏ដោយ ក៏នៅតែមិនអាចផ្តាច់ចំណងរបស់មារបានដដែល ។
នេះក៏មកតែពីជាប់ផ្នត់គំនិតនៃទំនៀមទម្លាប់ ដែលខ្លួនធ្លាប់បានសន្សំទុកក្នុងសន្តានរឿយៗមកហើយក្នុងសង្សារវដ្តក៏យ៉ាងនោះដែរ ៕ សាន សារិន
ចែករំលែកព័តមាននេះ