ខេត្តប៉ៃលិន ៖ រហូតមកដល់ថ្ងៃទី២១ ខែកក្កដា ឆ្នាំ២០២១ យោងតាមលទ្ធផលធ្វើតេស្តរហ័ស (Rapid Test) របស់ក្រុមឆ្លើយតបបន្ទាន់នៃមន្ទីរសុខាភិបាលខេត្តប៉ៃលិន ប្រចាំការនៅតាមគោលដៅនីមួយៗ របស់ខេត្ត បានរកឃើញវិជ្ជមានជំងឺកូវីដ១៩ មានការកើនឡើងរហូតដល់១៦ករណី ។
សេចក្តីប្រកាសរបស់រដ្ឋបាលខេត្តប៉ៃលិន បានឲ្យដឹងថា ៖ អ្នកកើតជំងឺកូវីដ១៩ ដែលក្រុមគ្រូពេទ្យរកឃើញទាំង១៦ករណីនេះ មានអត្តសញ្ញាណដូចខាងក្រោម ៖
ទី១- ឈ្មោះ ឃួម គឿម ភេទប្រុស អាយុ២៨ឆ្នាំ, ទី២- ឈ្មោះ រើត ពន្លឺ ភេទស្រី អាយុ២៤ឆ្នាំ ទាំងពីរនាក់ រស់នៅភូមិអូរឈើក្រំ ឃុំស្ទឹងកាច់ ស្រុកសាលាក្រៅ ខេត្តប៉ៃលិន ។ ទី៣- ឈ្មោះ ពុំ មែត ភេទស្រី អាយុ៥៤ឆ្នាំ រស់នៅភូមិលាវ ឃុំសាលាក្រៅ ស្រុកសាលាក្រៅ ខេត្តប៉ៃលិន ។ ទី៤- ឈ្មោះ យន់ យ៉ា ភេទស្រី អាយុ៣៥ឆ្នាំ រស់នៅភូមិទួលតាសុខ ឃុំបន្សាយត្រែង ស្រុកថ្មគោល ខេត្តបាត់ដំបង។ ទី៥- ឈ្មោះ ខេ ចាន់ចាវ ភេទប្រុស អាយុ២៦ឆ្នាំ រស់នៅភូមិកោះកែវ ឃុំឬស្សីក្រោក ស្រុកមង្គលបូរី ខេត្តបន្ទាយមានជ័យ។
ទី៦- ឈ្មោះ គួន ហេន ភេទប្រុស អាយុ៣៣ឆ្នាំ រស់នៅភូមិភ្នំឆ្មារ ឃុំមរោម ស្រុកអង្គរជ័យ ខេត្តកំពត។ ទី៧- ឈ្មោះ ដប មាន ភេទប្រុស អាយុ២៤ឆ្នាំ រស់នៅភូមិត្រពាំងដង្ហិត ឃុំដូនកឹង ស្រុកកំចាយមារ ខេត្តព្រៃវែង។ ទី៨- ឈ្មោះ រឹម មុំ ភេទស្រី អាយុ២០ឆ្នាំ រស់នៅភូមិអូរពី ឃុំថ្មពេជ្រ ស្រុកត្បូងឃ្មុំ ខេត្តត្បូងឃ្មុំ អ្នកទាំង០៨នាក់នេះ គឺជាពលករមកពីប្រទេសថៃ ។
ទី៩-ឈ្មោះ លី វ៉េនញី (LI WENHI) ភេទប្រុស ជនជាតិចិន ធ្វើដំណើរមកពីខេត្តព្រះសីហនុ។ ទី១០- ឈ្មោះ ហេង ឡាង ភេទស្រី អាយុ៧២ឆ្នាំ ជាអាជីវករលក់ដូរនៅក្បែរផ្សារសាមគ្គីហៅប៉ាហ៊ី រស់នៅភូមិប៉ាហ៊ីត្បូង សង្កាត់ប៉ៃលិន ក្រុងប៉ៃលិន ខេត្តប៉ៃលិន។ ទី១១- ឈ្មោះ ឌឹម សម្ផស្ស ភេទស្រី អាយុ៣១ឆ្នាំ រស់នៅភូមិរោងចក្រ សង្កាត់បរយ៉ាខា ក្រុងប៉ៃលិន ខេត្តប៉ៃលិន។
ទី១២- ឈ្មោះ ឯម រតនា ភេទប្រុស អាយុ១២ឆ្នាំ, ទី១៣- ឈ្មោះ វ៉ាន់ សៀងអ៊ូ ភេទស្រី អាយុ៦៦ឆ្នាំ, ទី១៤- ឈ្មោះ អ៊ុច គឹមសាន ភេទស្រី អាយុ៤៤ឆ្នាំ, ទី១៥- ឈ្មោះ ស៊ន ហឹ ភេទស្រី អាយុ៧៧ឆ្នាំ និងទី១៦- ឈ្មោះ អៀក ស៊ឺម៉ី ភេទស្រី អាយុ១៨ឆ្នាំ ទាំង០៥នាក់នេះ រស់នៅភូមិផ្សារព្រំ ឃុំស្ទឹងកាច់ ស្រុកសាលាក្រៅ ខេត្តប៉ៃលិន ដោយពួកគាត់ខាងលើនេះ ជាអ្នកប៉ះពាល់អ្នកជំងឺកូវីដ១៩ ។
រដ្ឋបាលខេត្តប៉ៃលិន ក៏សូមអំពាវនាវដល់សាធារណជន និងប្រជាពលរដ្ឋក្នុងខេត្ត និងក្រៅខេត្ត ដែលធ្លាប់ប្រាស្រ័យទាក់ទងផ្ទាល់ ឬប្រយោលជាមួយអ្នកកើតជំងឺកូវីដ១៩ ខាងលើ សូមតាមដានសុខភាពជាប្រចាំ បើស្ថិតក្នុងករណីសង្ស័យ ត្រូវរួសរាន់ទៅជួបគ្រូពេទ្យនៅមន្ទីរពេទ្យបង្អែកខេត្ត ក្រុង ស្រុក ឬ មណ្ឌលសុខភាព ដែលនៅជិតបំផុត រៀងរាល់ម៉ោងធ្វើការ (រួមទាំងថ្ងៃឈប់សម្រាក)។
អាជ្ញាធរខេត្តក៏អំពាវនាវឱ្យសាធារណជនចូលរួមអនុវត្តឱ្យបានខ្ជាប់ខ្ជួននូវវិធានការ «(៣ការពារ) គឺពាក់ម៉ាសនៅគ្រប់ទីសាធារណ: លាងដៃជាមួយសាប៊ូ អាល់កុល ឬជែល និងរក្សាគម្លាតសុវត្ថិភាពសង្គម ចាប់ពី១ម៉ែត្រកន្លះឡើងទៅ និង ៣កុំ គឺកុំចូលទៅកន្លែងបិទជិតគ្មានខ្យល់ចេញចូល កុំចូលទៅកន្លែងមានមនុស្សច្រើនកុះករ និងកុំប៉ះពាល់គ្នា» របស់សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ឱ្យមានប្រសិទ្ធភាពខ្ពស់ ៕
ចែករំលែកព័តមាននេះ