ខេត្តស្វាយរៀង៖ នៅថ្ងៃទី២១ ខែកក្កដា ឆ្នាំ២០២១ រដ្ឋបាលខេត្តស្វាយរៀង បានប្រកាសនូវអត្តសញ្ញាណអ្នកវិជ្ជមានកូវីដ១៩ថ្មី ចំនួន ១១៨នាក់ (ស្ត្រី ៧១នាក់)។…
ខេត្តស្វាយរៀង៖ នៅថ្ងៃទី២១ ខែកក្កដា ឆ្នាំ២០២១ រដ្ឋបាលខេត្តស្វាយរៀង បានប្រកាសនូវអត្តសញ្ញាណអ្នកវិជ្ជមានកូវីដ១៩ថ្មី ចំនួន ១១៨នាក់ (ស្ត្រី ៧១នាក់)។ ក្នុងនោះ មានកម្មករ-កម្មការិនីរោងចក្រ ចំនួន ១២នាក់ ករណីឆ្លងលើអ្នកប៉ះពាល់ផ្ទាល់ជាមួយអ្នកកូវីដ១៩ ចំនួន ១៣នាក់ លើអ្នកមានការសង្ស័យ ២៣នាក់ និងករណីរអាជីវករផ្សារកំពង់ត្រាច ៦៩នាក់។
ចំពោះអ្នកវិជ្ជមានកូវីដ១៩ ចំនួន ១១៨នាក់ ត្រូវបានបញ្ជូនទៅសម្រាកព្យាបាល នៅមន្ទីរពេទ្យស្រុកស្វាយជ្រំ ចំនួន ១៩នាក់ បញ្ជូនទៅមន្ទីរពេទ្យបង្អែកសាមគ្គីរំដួល ១៨នាក់ និងបញ្ជូនទៅមជ្ឈមណ្ឌលព្យាបាលកូវីដ១៩ ក្រុងបាវិត ចំនួន ៨០នាក់។
រដ្ឋបាលខេត្តស្វាយរៀង ក៏បានប្រកាសពីករណីស្លាប់ថ្មីម្នាក់ ដោយសារជំងឺកូវីដ១៩ កាលពីថ្ងៃទី២០ ខែកក្កដា។ នោះគឺបុរស ឈ្មោះ ម៉ោ សុខ អាយុ ៨៨ឆ្នាំ ជាប្រជាពលរដ្ឋ នៅភូមិតាណ សង្កាត់ស្វាយតឿ ក្រុងស្វាយរៀង។ លោកតា មានជំងឺរ៉ាំរ៉ៃ ហើយបានទទួលមរណភាព កាលពីថ្ងៃទី២០ ខែកក្កដា ឆ្នាំ២០២១ វេលាម៉ោង ៥ និង ១៥នាទីព្រឹក។ ដោយមានការសង្ស័យ ក្រុមការងារបានយកសំណាក ពិនិត្យធ្វើតេស្ត រហ័ស ក៏ឃើញលទ្ធផលវិជ្ជមានកូវីដ១៩។
គិតត្រឹមថ្ងៃទី២០ ខែកក្កដា ឆ្នាំ២០២១ នៅខេត្តស្វាយរៀង មានអ្នកវិជ្ជមានកូវីដ១៩ សរុប ៤១៣៩នាក់ (ស្ត្រី ២២៨៧នាក់) ជាសះស្បើយ សរុប ៣៣៦៥នាក់ (ស្ត្រី ១៨៩៧នាក់) កំពុងសម្រាកព្យាបាលចំនួន ៧០៦នាក់ (ស្ត្រី ៣៤៦នាក់)។ ករណីស្លាប់ កើនឡើងដល់ ៦៥នាក់( ស្ត្រី ៤៣នាក់)៕
ចែករំលែកព័តមាននេះ