យន្តហោះប្រដេញជំនាន់ទី៦ រុស្ស៊ីនៃធុន SU-57
មុនពិពណ៌យន្តហោះអន្តរជាតិ MAKS 2021 តំណាងមួយរូបរបស់ក្រុមប្រឹក្សាភិបាល នៃគណៈកម្មាធិការយោធា-ឧស្សាហកម្មរុស្ស៊ីបានផ្ដល់បណ្ដាលក្ខណៈពិសេស នៃយន្តហោះប្រដេញជំនាន់ទី៦ដោយអះអាងថា
ប្រទេសរុស្ស៊ី ៖ មុនពិពណ៌យន្តហោះអន្តរជាតិ MAKS 2021 តំណាងមួយរូបរបស់ក្រុមប្រឹក្សាភិបាល នៃគណៈកម្មាធិការយោធា-ឧស្សាហកម្មរុស្ស៊ីបានផ្ដល់បណ្ដាលក្ខណៈពិសេស នៃយន្តហោះប្រដេញជំនាន់ទី៦ដោយអះអាងថា យន្តហោះនោះនឹងដំណើរការជាមួយប្រាជ្ញាសិប្បនិម្មិត។
ក្រុមហ៊ុនរដ្ឋរុស្ស៊ី ROSTECបានបង្ហាញបណ្ដារូបភាព នៃយន្តហោះប្រដេញជំនាន់ថ្មី ដែលនឹងយកមកបង្ហាញ ក្នុងពិពណ៌យន្តហោះអន្តរជាតMAKS 2021។ សមាជិកក្រុមប្រឹក្សាភិបាលរបស់គណៈកម្មាធិការយោធា-ឧស្សាហកម្មរុស្ស៊ី លោកស័រហ្គេយស្មៀរណូវ បានរៀបរាប់ប្រាប់ទីភ្នាក់ងារព័ត៌មានរុស្ស៊ី SPUTNIKថា យន្តហោះប្រដេញរុស្ស៊ីជំនាន់ទី៦ នឹងប្រើប្រាស់ដោយទូលំទូលាយ បច្ចេកវិទ្យាបញ្ញាសិប្បនិម្មិត។
លោកបន្តថា បណ្ដាប្រព័ន្ធយន្តហោះជំនាន់ថ្មីនេះ មានការកែលម្អដ៏ស៊ីជម្រៅបំផុត នៃអាអេដ្រូឌីណាមិក គ្រឿងម៉ាស៊ីនថ្មី សម្ភារថ្មីៗព្រមទាំងបណ្ដាឧបករណ៍ជំនាន់ថ្មី ក្នុងនោះមានការប្រើដ៏សកម្មបញ្ញាសិប្បនិម្មិត និងលទ្ធភាពទប់ទល់សម្រាប់អាវុធផ្សេងៗ។
លោកស័រហ្គេយស្មៀរណូវបញ្ជាក់ថា គេប្រើពេលដល់រវាងពី៥ទៅ៧ឆ្នាំ សម្រាប់បង្កើត យន្តហោះមួយតែថា ការបង្កើតម៉ាស៊ីននានា នឹងនៅប្រើពេលវេលាបន្ថែមទៀត។
ខណៈកងទ័ពអាកាសរុស្ស៊ីនឹងបំពាក់ក្នុងពេលឆាប់ៗ យន្តហោះប្រដេញជំនាន់ទី៥នៃយន្តហោះប្រភេទSU-57 លោកស្មៀរណូវគូសបញ្ជាក់ថា យន្តហោះប្រភេទនេះដែលច្នៃឲ្យកាន់តែទំនើប នឹងបំពាក់សមត្ថភាពថ្មីៗ នៃការប្រយុទ្ធដោយសារការប្រើប្រាស់ អាវុធទំនើបៗជាយថាហេតុ៕ ដកស្រង់ចេញពីវេបសាយ ៖ sputniknews
ចែករំលែកព័តមាននេះ