២ថ្ងៃ នៅសៀមរាប មានអ្នកឆ្លងកូវីដ ១៩១នាក់ និងជាសះស្បើយ ១៩៦នាក់
- សៀមរាប
សៀមរាប៖ រដ្ឋបាលខេត្តសៀមរាប បានប្រកាសពីការរកឃើញអ្នកវិជ្ជមានជំងឺកូវីដ-១៩ នៅថ្ងៃទី១៧ និងថ្ងៃទី១៨ ខែកក្កដា ឆ្នាំ២០២១ សរុបចំនួន ១៩១នាក់ និងជាសះស្បើយ…
សៀមរាប៖ រដ្ឋបាលខេត្តសៀមរាប បានប្រកាសពីការរកឃើញអ្នកវិជ្ជមានជំងឺកូវីដ-១៩ នៅថ្ងៃទី១៧ និងថ្ងៃទី១៨ ខែកក្កដា ឆ្នាំ២០២១ សរុបចំនួន ១៩១នាក់ និងជាសះស្បើយ ១៩៦នាក់។
នៅថ្ងៃទី១៧ ខែកក្កដា ឆ្នាំ២០២១ រដ្ឋបាលខេត្ត ប្រកាសរកឃើញអ្នកវិជ្ជមានជំងឺកូវីដ-១៩ ថ្មីចំនួន ៩៦នាក់ និងជាសះស្បើយ ចំនួន៦២នាក់។ រីឯនៅថ្ងៃទី១៨ ខែកក្កដា ឆ្នាំ២០២១ ខេត្តសៀមរាប រកឃើញអ្នកវិជ្ជមានជំងឺកូវីដ-១៩ ថ្មីចំនួន៩៥នាក់ និងជាសះស្បើយ ចំនួន១៣៤នាក់។
សូមបញ្ជាក់ថា ខេត្តសៀមរាប មកដល់ថ្ងៃទី១៨ ខែកក្កដា ឆ្នាំ២០២១ មានអ្នកវិជ្ជមានជំងឺកូវីដ-១៩ សរុបចំនួន ៣០២២នាក់ បានព្យាបាលជាសះស្បើយចំនួន ១២២៧នាក់ ស្លាប់ ២៦នាក់ និង ១៧៦៩នាក់ កំពុងសម្រាកព្យាបាលនៅមន្ទីរពេទ្យបង្អែកខេត្តសៀមរាប មណ្ឌលចត្តាឡីស័កគរុកោសល្យ និងវិក្រឹតការខេត្ត វិទ្យាល័យអង្គរ និងវិទ្យាល័យដំដែក។
រដ្ឋបាលខេត្តសៀមរាប បានប្រកាសអំពាវនាវដល់បងប្អូនប្រជាពលរដ្ឋ ដែលបានពាក់ព័ន្ធដោយផ្ទាល់ ឬដោយប្រយោល ជាមួយអ្នកវិជ្ជមានខាងលើ សូមរួសរាន់ធ្វើចត្តាឡីស័កតាមផ្ទះ ក្នុងក្រុមគ្រួសាររៀងៗខ្លួន ឱ្យបានគ្រប់ ១៤ថ្ងៃ ដោយមិនត្រូវពាក់ព័ន្ធ និងប៉ះពាល់ជាមួយអ្នកដទៃជាដាច់ខាត។ ក្នុងករណីមិនអនុវត្តកាតព្វកិច្ចចត្តាឡីស័ក រដ្ឋបាលខេត្ត នឹងចាត់វិធានការផ្លូវច្បាប់ ចំពោះបុគ្គលទាំងឡាយណា ដែលលើ្មសនឹងវិធានសុខាភិបាលនេះ។ ប្រសិនបើមានការប្រែប្រួលសុខភាព សូមផ្តល់ព័ត៌មានមកកាន់លេខទូរស័ព្ទ០១២ ៩៥៥ ៤៧៤/០៧៧ ៧៨៩ ០០៧ ដើម្បីក្រុមការងារចាត់វិធានការក្នុងការយកសំណាកធ្វើតេស្តស្រាវជ្រាវ៕ ច័ន្ទ រស្មី
ចែករំលែកព័តមាននេះ