ខ្លះតាំងខ្លួនជាម្ចាស់ ខ្លះគាស់កំប៉ុងរករង្វាន់ ក្រោយឡានដឹកភេសជ្ជៈជួបគ្រោះ
- កំពង់ស្ពឺ
ខេត្តកំពង់ស្ពឺ ៖ រថយន្តដឹកគ្រឿងភេសជ្ជៈកំប៉ុងបានជួបគ្រោះថ្នាក់ចរាចរណ៍រវាងរថយន្តបុកជាមួយរថយន្ត បណ្ដាលឲ្យក្រឡាប់
ខេត្តកំពង់ស្ពឺ ៖ រថយន្តដឹកគ្រឿងភេសជ្ជៈកំប៉ុងបានជួបគ្រោះថ្នាក់ចរាចរណ៍រវាងរថយន្តបុកជាមួយរថយន្ត បណ្ដាលឲ្យក្រឡាប់
ខេត្តកំពង់ស្ពឺ ៖ រថយន្តដឹកគ្រឿងភេសជ្ជៈកំប៉ុងបានជួបគ្រោះថ្នាក់ចរាចរណ៍រវាងរថយន្តបុ.កជាមួយរថយន្ត បណ្ដាលឲ្យក្រឡាប់ចាក់ភេសជ្ជៈចោលពេញមុខផ្ទះប្រជាពលរដ្ឋ និងរងរបួសមនុស្ស២នាក់។
បន្ទាប់ពីកើតហេតុ គេឃើញមនុស្សមួយក្រុមបាននាំគ្នាទៅគាស់កំប៉ុងភេសជ្ជៈដើម្បីស្វែងរករង្វាន់ដែរ ប៉ុន្តែត្រូវបានអាជ្ញាធរនិងសមត្ថកិច្ចធ្វើការរារាំងមិនឱ្យមានសកម្មភាពបែបអាណាធិបតេយ្យរបៀបនេះឡើយ ។ ទោះបីជាយ៉ាងណា គេក៏ឃើញមានមនុស្សមួយក្រុមទៀតបាននាំគ្នាមករៀបចំអីវ៉ាន់ ដោយតាំងខ្លួនថា ជាម្ចាស់ទំនិញ ប៉ុន្តែត្រូវបានសមត្ថកិច្ចហាមឃាត់ និងមិនឲ្យទៅណាឡើយ រហូតមកដល់ពេលនេះភាគីខាងក្រុមហ៊ុនបានហៅរថយន្តស្ទូចមកស្ទូច ដោយមានការសម្របសម្រួលចរាចរណ៍ពីនគរបាលខេត្តផងដែរ។
យោងតាមរបាយការណ៍របស់នគរបាលខេត្តបានបញ្ជាក់ថា មានករណីរថយន្តបុ.ករថយន្តខាងលើនេះ ក៏ជ្រុលបុ.កបង្គោលភ្លើង និងផ្ទះចំនួន2ខ្នង។
ហេតុការណ៍ខាងលើនេះកើតឡើងកាលពីវេលាម៉ោង1និង25នាទីឈានចូលថ្ងៃទី19 ខែកក្កដា ឆ្នាំ2021 លើផ្លូវជាតិលេខ4 (42-43) ស្ថិតក្នុងភូមិចំបក់ ឃុំវល្លិសរ ស្រុកសំរោងទង ខេត្តកំពង់ស្ពឺ ។
តាមប្រភពព័ត៌មានបានអោយដឹងថា មានរថយន្តដឹកភេសជ្ជៈ1គ្រឿង ម៉ាកហ៊ីយ៉ាន់ដាយ ពណ៌ខៀវ-ស ពាក់ស្លាកលេខ ភ្នំពេញ 3F-2032 សណ្តោងស៊ឺមីរ៉ឺម៉កពាក់ស្លាកលេខ ភ្នំពេញ 4A-7482 អ្នកបើកបរឈ្មោះ ផាន ឌីណា ភេទប្រុស អាយុ25ឆ្នាំ និងព្រូឈ្មោះ គិត ធីម ភេទប្រុស អាយុ 20ឆ្នាំ អ្នកទាំងពីរ រស់នៅភូមិស្រែខ្ញែ ឃុំពោធី៍ម្រាល ស្រុកបសេដ្ឋ ខេត្តកំពង់ស្ពឺ បានធ្វើដំណើរពីទិសខាងកើតទៅទិសខាងលិច លុះមកដល់ចំណុចខាងលើ ក៏បានបុ.កជាមួយរថយន្ត1គ្រឿង ម៉ាកកូរ៉ូឡា ពណ៌បៃតង ពាក់ស្លាកលេខព្រះសីហនុ 2B-6836 អ្នកបើកបរឈ្មោះ ហ៊ឹម សំបូរ ភេទប្រុស អាយុ 31ឆ្នាំ រស់នៅភូមិត្បែស ឃុំវល្លិសរ ស្រុកសំរោងទង ខេត្តកំពង់ស្ពឺ ដែលកំពុងធ្វើដំណើរក្នុងទិសដៅបញ្ច្រាសគ្នា បន្ទាប់មករថយន្តម៉ាកហ៊ីយ៉ាន់ដាយ បានជ្រុលទៅបុ.កបង្គោលភ្លើង1ដើម និងផ្ទះប្រជាពលរដ្ឋចំនួន2ខ្នាងទៀត ។ ដោយឡែករថយន្តម៉ាកហ៊ីយ៉ាន់ដាយ ក៏បានក្រឡាប់ចាក់គ្រឿងភេសជ្ជៈពេញមុខផ្ទះប្រជាពលរដ្ឋ ។
សមត្ថកិច្ចបានបញ្ជាក់ថា ម្ចាស់ផ្ទះរងគ្រោះទាំង២ខ្នងខាងលើ ក្នុងនោះម្ចាស់ផ្ទះទី១-ឈ្មោះ គី ចាន់ឌី ភេទស្រី អាយុ 58ឆ្នាំ នៅភូមិកើតហេតុ (បានរងការខូចខាតបាក់ជើងសរសរផ្ទះអស់1ដើម) និងម្ចាស់ផ្ទះទី២-ឈ្មោះ គី ពិសិដ្ឋ ភេទប្រុស អាយុ 41ឆ្នាំ នៅភូមិកើតហេតុ (បានរងការខូចខាតបាក់សំយាប តមុខផ្ទះ) ។
សមត្ថកិច្ចបានបញ្ជាក់បន្តថា ក្នុងហេតុការណ៍នេះ បណ្ដាលអោយគ្រោះថ្នាក់ដល់មនុស្ស និងខូចខាតសម្ភារ ដូចជា របួសមនុស្ស2នាក់ ធ្ងន់1នាក់ ឈ្មោះ គិត ធីម ត្រូវបញ្ជូនទៅសង្គ្រោះនៅមន្ទីរពេទ្យ និងខូចខាតរថយន្ត2គ្រឿងយ៉ាងដំណំ ព្រមទាំងបាក់បង្គោលភ្លើង1ដើម បាក់សរសរផ្ទះ1ដើម និងសំយាបតមុខផ្ទះ ។
ក្រោយពេលកើតហេតុ រថយន្តទាំង2គ្រឿង កំពុងចាត់ចែងយកមករក្សាទុកនៅអធិការដ្ឋាននគរបាលស្រុក ដើម្បីចាត់ការបន្តនីតិវិធី។
សមត្ថកិច្ចបានបញ្ជាក់ផងដែរថា បន្ទាប់ពីកើតហេតុ អ្នកបើកបររថយន្តម៉ាកហ៊ីយ៉ាន់ដាយ បានរត់គេចខ្លួន ប៉ុន្តែស្គាល់អត្តសញ្ញាណអ្នកបើកបររូបនោះ តាមការបំភ្លឺរបស់ឈ្មោះ គិត ធីម ជាព្រូរថយន្ត ។ នៅពេលករណីគ្រោះថ្នាក់ខាងលើនេះកើតឡើង ប្រជាពលរដ្ឋនៅជិតកន្លែងកើតហេតុបានលើកឡើងថា គ្រោះថ្នាក់កើតឡើងនៅទីនេះ បើនៅកន្លែងផ្សេងវិញ ម៉្លេះសមគ្រឿងភេសជ្ជដៈកំប៉ុងទាំងនេះមិនសល់នោះទេ ព្រោះមានសមត្ថកិច្ចមកការពារប៉ុណ្ណឹងហើយ នៅតែមានអ្នកខ្លះរើសយកកំប៉ុងក្រពឹតៗគាស់រកមើលរង្វាន់ ។ លើសពីនេះទៅទៀត មានជនឆ្លៀតឱកាសមួយក្រុមបំរុងធ្វើសកម្មភាពជញ្ជូនយកភេសជ្ជ:ទាំងនេះដែរ ប៉ុន្តែត្រូវសមត្ថកិច្ចរារាំងមិនអោយប្រមូលយកចេញពីកន្លែងកើតឡើយ ៕
ចែករំលែកព័តមាននេះ