ករណីប៉ូលិសចរាចរណ៍ខេត្តម្នាក់ បានប្រទះឃើញគ្រាប់បែកដៃ និងគ្រាប់កាំភ្លើងជាងចំនួន៣០គ្រាប់ ចាស់ៗនៅក្នុងបរិវេណផ្ទះពីខាងក្រោយឆៀងខាងជើងរបង រួចក៏
ខេត្តសៀមរាប ៖ បើតាមការអះអាងពីសមត្ថកិច្ចមូលដ្ឋានបានប្រាប់ថា ករណីប៉ូលិសចរាចរណ៍ខេត្តម្នាក់ បានប្រទះឃើញគ្រាប់បែកដៃ និងគ្រាប់កាំភ្លើងជាងចំនួន៣០គ្រាប់ ចាស់ៗនៅក្នុងបរិវេណផ្ទះពីខាងក្រោយឆៀងខាងជើងរបង រួចក៏បានរាយការណ៍ទៅមន្ត្រីកងឯកភាពកំចាត់មីនទី៤ នៃខេត្តសៀមរាប ដើម្បីយកទៅរក្សាទុក។
ហេតុការណ៍ប្រទះឃើញគ្រាប់យុទ្ធភណ្ឌមិនទាន់ផ្ទុះខាងលើនេះ បានកើតឡើងនៅវេលាម៉ោង០៨ និង៣០នាទីព្រឹក ថ្ងៃទី១៧ ខែកក្កដា ឆ្នាំ២០២១ ស្ថិតនៅភូមិត្រពាំងសេះ សង្កាត់គោកចក ក្រុងសៀមរាប។
តាមប្រភពពីសមត្ថកិច្ចមូលដ្ឋាន បានបញ្ជាក់ថា ម្ចាស់ផ្ទះខាងលើមានឈ្មោះ តាន់ ភក្ត្រា អាយុ៤៥ឆ្នាំ មុខរបរប៉ូលិសចរាចរណ៍នៃស្នងការដ្ឋាននគរបាលខេត្ត មានអាសយដ្ឋានក្នុងភូមិត្រពាំងសេះ សង្កាត់គោកចក ក្រុងសៀមរាប បានប្រទះឃើញមានគ្រាប់បែកដៃប្រភេទ No-36 ចំនួន៣គ្រាប់ និងគ្រាប់កាំភ្លើងមិនស្គាល់ប្រភេទចំនួន៣០គ្រាប់ ដែលជារបស់ចាស់ៗ ខណៈពេលដែលគាត់កំពុងតែជីកដីដំណាំ (ជី និងគល់ស្លឹកគ្រៃ ) នៅកៀនរបងក្នុងបរិវេណផ្ទះរបស់គាត់។
បច្ចុប្បន្ន សមត្ថកិច្ចមូលដ្ឋានបានប្រគល់គ្រាប់បែកដៃប្រភេទ No-36 ចំនួន៣គ្រាប់ និងគ្រាប់កាំភ្លើងមិនស្គាល់ប្រភេទចំនួន៣០គ្រាប់ខាងលើនេះ បានប្រគល់ជូនកម្លាំងមន្ត្រីជំនាញកងឯកភាពកំចាត់មីនទី៤(ស៊ីម៉ាក់ ) នៃខេត្តសៀមរាប ដែលមានទីតាំងស្ថិតនៅឃុំត្រពាំងធំ ស្រុកប្រាសាទបាគង ខេត្តសៀមរាប ដើម្បីយកទៅរក្សាទុកនៅកន្លែងមានសុវត្ថិភាព រង់ចាំកម្ទេចចោល៕
ចែករំលែកព័តមាននេះ