ការពិតមួយទៀត ដែល ខ្ញុង សម្រេចចិត្តជាថ្មីរឿងលាលែងពីការងារសិល្បៈ
- ភ្នំពេញ
នៅទីបំផុត ខ្ញុង បានសម្រេចចិត្តបង្ហាញការណ៍ពិតមួយលើកទៀត នៅពេលដែលនាងបានបញ្ជាក់ថា នាងលាឈប់សិល្បៈ។ ផ្ទុយទៅវិញ នាងបានអះអាងថា
រាជធានីភ្នំពេញ ៖ នៅទីបំផុត ខ្ញុង បានសម្រេចចិត្តបង្ហាញការពិតមួយទៀត ជុំវិញរឿងរ៉ាវកន្លងដែលនាងអះអាងថាលាឈប់ពីសិល្បៈ ដែលបង្កនូវភាពភ្ញាក់ផ្អើលជាខ្លាំង ។ ក៏ប៉ុន្តែ ថ្មីៗនេះតារាកំប្លែងស្រីរូបនេះបានបញ្ជាក់ឡើងវិញថា នាងមិនមែនសម្រេចចិត្តឈប់ពីសិល្បៈទាំងស្រុងនោះទេ តែនាងគ្រាន់តែឈប់សម្តែងជាមួយក្រុមកំប្លែងស៊ីធីអិន ក្រោយពីរូបនាងបានតស៊ូជាមួយក្រុមនេះអស់១២ឆ្នាំ ។ មជ្ឈដ្ឋានមហាជនមានការចាប់អារម្មណ៍ដែល សុខៗស្រាប់តែតារាកំប្លែងរូបនេះដូរទិសបែបនេះ ។
នាង ខ្ញុង តារាកំប្លែងស្រីដែលជាដៃគូដ៏កំប្លែងជាមួយនាយពែក មី និងបច្ចុប្បន្នមានកូន២ នាក់ បានលើកឡើងថា «នាងសុំអភ័យទោសផងដែរ ដែលមុននេះបានលើកឡើងថា លាឈប់សិល្បៈ។ ប៉ុន្តែពេលនេះ អ្វីដែលចង់បង្ហាញឡើងវិញ នាងមិនមែនលា ឬបោះបង់សិល្បៈនោះទេ ដោយសារសិល្បៈនាងខំលះបង់ច្រើនឆ្នាំតាំងពីកូននៅមានមួយ ឥឡូវកូន២។ អ្វីដែលនាងចង់បញ្ជាក់ប្រាប់ទស្សនិកជន គឺនាងសុំលាឈប់សម្តែងប្រចាំក្រុមស៊ីធីអិន ហើយសុំទោសដល់លោកតាវ៉ិចទ័រ បងៗក្រុមកំប្លែងជាមួយគ្នាដែរ»។
ខ្ញុង បានបង្ហាញមូលហេតុទៀតថា «អំឡុងពេលកូនទី២ ក្រោយកើតមកកូនខ្សោយ មិនគ្រប់ខែនាង និងប្តីមើលថែចំណាយពេលច្រើន។ ពេលខ្លះមិនបានទៅសម្តែងនៅស្ថានីយខកការងារ។ ដូចនេះហើយ នាងមិនអាចយកប្រាក់ខែគេទទេរៗ ធ្វើការមិនពេញលេញ។ ម្ល៉ោះហើយ សម្រេចចិត្តលាឈប់ គឺឈប់តែនៅទូរទស្សន៍ តែបើលោកតាវ៉ិចទ័រ ចង់ហៅសម្តែងម្តងម្កាលនាងទំនេរ នឹងចូលរួមសហការសម្តែងដដែល»។
គួរបញ្ជាក់ថា ខ្ញុង បានបង្កើតមុខរបរអនឡាញលក់ផ្អកប្រហុក និងផលិតផលមួយ។ ការរករបរថ្មីឃើញថា មានការគាំទ្រច្រើន។ ហើយរបរនៅក្នុងផ្ទះដែលអាចមើលថែកូន និងគ្រួសារ ដែលធ្វើអោយនាងចង់ផ្អាកសិល្បៈមួយអន្លើ ដើម្បីបំពេញតួនាទីការងារអោយបានល្អ។
គួររំលឹកថា ៖ ខ្ញុង និយាយទាំងទឹកមុខស្រពោនមួយឃ្លាដាក់ការ Live Video ធ្វើឱ្យមានការភ្ញាក់ផ្អើល ៕
ចែករំលែកព័តមាននេះ