លោកយាយ អាយុ១០២ឆ្នាំ នៅភូមិនគរក្រៅ ទទួលបានការចាក់វ៉ាក់សាំងការពារជំងឺកូវីដ១៩
- សៀមរាប
ខេត្តសៀមរាប ៖ នៅចុងសប្តាហ៍ថ្ងៃសៅរិ៍ ទី១៧ ខែកក្កដា ឆ្នាំ២០២១នេះ លោក យាយ ចិន មៀច…
ខេត្តសៀមរាប ៖ នៅចុងសប្តាហ៍ថ្ងៃសៅរិ៍ ទី១៧ ខែកក្កដា ឆ្នាំ២០២១នេះ លោក យាយ ចិន មៀច…
ខេត្តសៀមរាប ៖ នៅចុងសប្តាហ៍ថ្ងៃសៅរិ៍ ទី១៧ ខែកក្កដា ឆ្នាំ២០២១នេះ លោក យាយ ចិន មៀច អាយុ១០២ឆ្នាំ មានទីលំនៅ ក្នុងភូមិនគរក្រៅ សង្កាត់គោកចក ក្រុងខេត្តសៀមរាប បានអញ្ជើញមកទទួលការចាក់វ៉ាក់សាំងកូវីដ១៩ នៅមណ្ឌលចាក់វ៉ាក់សាំង ក្នុងបរិវេណវត្តប្រាសាទគោកចក ស្ថិតនៅក្នុងភូមិវាល សង្កាត់ គោកចក ក្រុងសៀមរាប ។
ចំណាប់អារម្មណ៍ លោក យាយ បានមានប្រសាសន៍ទៅកាន់ក្រុមគ្រូពេទ្យ និងក្រុមការងារចាក់វ៉ាក់សាំងដោយបានបញ្ជាក់ថា ទោះបីលោកយាយ មានអាយុ១០២ ក៏ពិតមែនតែលោកយាយ ដើម្បីបន្តអាយុជីវិតទៅមុខបានវែងបន្ថែមទៀតក្នុងការជៀសវាងឲ្យផុតពីមេរោគដ៏កាចសាហាវកូវីដ១៩ លោកយាយបានស្ម័គ្រចិត្ត ដោយបានជម្រុញកូនចៅ ឲ្យនាំលោកយាយបានមកទទួលចាក់វ៉ាក់សាំងដូចបងប្អូនប្រជាពលរដ្ឋឯទៀតផងដែរ ។
ពិតមែនលោក យាយ មានអាយុកាលវែងមកនេះក៏ដោយ លោក យាយ បានយកចិត្តទុកដាក់ទៅលើការថែទាំសុខភាព អនាម័យជាចម្បងប្រចាំជីវិតរបស់លោកយាយ ។
ក្នុងនោះដែរលោក យាយ ចិន មៀច ក៏បានថ្លែងអំណរអរគុណ ដល់សម្តេច នាយករដ្ឋមន្ត្រី ហ៊ុន សែន សម្តេចកិត្តិព្រឹទ្ធ បណ្ឌិត ប៊ុន រ៉ានី ហ៊ុន សែន ក៏ដូចសម្តេចពិជ័យសេនា ទៀ បាញ់ និងអាជ្ញាធរខេត្តសៀមរាប គ្រប់ជាន់ថ្នាក់បានគិតគួរពីសុខទុក្ខលំបាករបស់ប្រជាពលរដ្ឋ សំខាន់ក្នុងពេលកំពុងជួបជម្ងឺកូវីដនេះបានផ្តល់នូវវ៉ាក់សាំងចាក់ជូនប្រជាពលរដ្ឋកម្ពុជា ដោយឥតគិតថ្លៃក៏ដូចរូបលោកយាយផ្ទាល់ឲ្យបានរួចផុតពីការឆ្លងជម្ងឺកូវីដ១៩ ដោយមិនប្រកាន់និន្នាការនយោបាយអ្វីឡើយ ព្រមទាំងបានដោះស្រាយការលំបាកផ្គត់ផ្គង់ស្បៀងអាហារក្នុងពេលកូវីដនេះផងដែរ ។
ក្នុងនោះដែរ លោកយាយ ក៏បានប្រសិទ្ធពរជ័យដល់ដល់សម្តេចទាំងទ្វេឲ្យជួបតែសុខភាពមាំមួន ក្នុងការដឹកនាំនាវាកម្ពុជា ឲ្យមានការអភិវឌ្ឍរីកចំរើនលើគ្រប់វិស័យ ៕
ចែករំលែកព័តមាននេះ